“Heydər Əliyev tərəfindən əsası qoyulan siyasətin uğurlu davamı” mövzusunda növbəti "Açıq dərs” keçirilib
Qazax Rayon Heydər Əliyev Mərkəzinin 2021-ci il üçün Tədbirlər
Planına əsasən Azərbaycan xalqının Ümummilli Lideri Heydər Əliyevin Azərbaycançılıq
məfkurəsinin təbliği məqsədilə
məktəblilər arasında keçirilən "Açıq dərs”lər davam etdirilir. Növbəti "Açıq dərs” oktyabrın 13-də Qazax şəhər Səməd Vurğun adına 2 nömrəli tam orta
məktəbin şagirdləri üçün təşkil olunub. "Heydər Əliyev tərəfindən əsası
qoyulan siyasətin uğurlu davamı” mövzusunda
keçirilən dərsdə Ulu Öndərin həyat və fəaliyyətindən ətraflı bəhs edilib. Qazax Rayon Heydər Əliyev Mərkəzinin Baş fond mühafizi
Səidə Qocayeva tərəfindən oxunan mühazirədə Azərbaycanın ən yeni tarixində milli dövlətçilik ənənələrinin
qurulmasında və inkişafında misilsiz xidmətləri olan Azərbaycan xalqının böyük
oğlu, dahi şəxsiyyət, müstəqil Azərbaycan dövlətinin memarı Heydər Əliyevin həyat
və siyasi fəaliyyəti geniş şəkildə məktəblilərə çatdırılıb. Ulu Öndərin əsasını
qoyduğu dövlət siyasətini uğurla davam
etdirən Prezident İlham Əliyevin son 18 ildə əldə etdiyi böyük nailiyyətlərdən,
44 günlük Vətən müharibəsinin Ali Baş Komandan İlham Əliyevin qətiyyəti, xalqın
birliyi və Ordumuzun gücü nəticəsində Zəfərlə sona çatmasından ətraflı söhbət
açılıb. GOYEZEN.AZ
Facebook-da paylaş