BDU-nun Qazax filialında “Heydər Əliyev tərəfindən əsası qoyulan siyasətin uğurlu davamı” mövzusunda “Açıq dərs” təşkil olunub
Qazax Rayon Heydər
Əliyev Mərkəzinin 2021-ci il üçün Tədbirlər Planına əsasən Azərbaycan xalqının
Ümummilli Lideri Heydər Əliyevin Azərbaycançılıq məfkurəsinin təbliği məqsədiləgənclər, məktəblilər
arasında keçirilən "Açıq dərs”lər davam etdirilir Növbəti "Açıq dərs” oktyabrın 5-də Bakı Dövlət Universitetinin Qazax
filialının tələbələri üçün təşkil olunub. "Heydər Əliyev tərəfindən
əsası qoyulan siyasətin uğurlu davamı” mövzusunda oxunan mühazirədə dahi şəxsiyyətin
mənalı həyatına və siyasi fəaliyyətinə nəzər salınıb.
Mərkəzin direktoru
Ceyhunə Hüseynova mühazirəsində bildirib ki, Azərbaycanın
ən yeni tarixində milli dövlətçilik ənənələrinin qurulmasında və inkişafında
misilsiz xidmətləri olan Azərbaycan xalqının böyük oğlu dahi şəxsiyyət Heydər
Əliyevin həyatı və siyasi fəaliyyəti mühüm yer tutur. Ümummilli Lider təkcə Azərbaycanın
tərəqqisi üçün zəruri inkişaf strategiyası irəli sürərək bu kursun
alternativsizliyini irəli sürməmiş, həm də banisi olduğu dövlətçilik irsinin əbədiyaşarlığını
təmin edəcək qüdrətli varis də yetişdirmişdir. Bu gün Heydər Əliyev siyasi
irsinin layiqli davamçısı - dövlət başçısı cənab İlham Əliyevin müəllifliyi ilə
Azərbaycanın çağdaş tarixinin şanlı səhifələri yazılır. Necə ki, Azərbaycan
xalqı 44 günlük Vətən müharibəsində Silahlı Qüvvələrin Müzəffər Ali Baş
Komandanı İlham Əliyevin rəhbərliyi altında şanlı Ordumuzun qazandığı Qələbənin,
Zəfərin şahidi oldu. Bütün dünya güclü Azərbaycan dövlətinin, onun liderinin,
ordusunun nəyə qadir olduğunu gördü və yaxından izlədi.
GOYEZEN.AZ
Facebook-da paylaş