Qazaxda 18 sentyabr - Milli Musiqi Gününə həsr olunmuş onlayn mahnı-musiqi müsabiqəsi keçirilib
Azərbaycan
Respublikasının Prezidenti cənab İlham Əliyevin 15 sentyabr 2017-ci il tarixli
Sərəncamı ilə təsdiq edilmiş ”Azərbaycan gəncliyi 2017-2021-ci illərdə” Dövlət
Proqramının 5.1.4-cü (Azərbaycan dilinin, tarixinin, mədəniyyət və incəsənətinin
təbliğinə xidmət edən intellektual oyunların, müsabiqələrin, olimpiadaların və
festivalların keçirilməsi) yarımbəndinin icrasının təmin edilməsi məqsədilə
Qazax Rayon Gənclər və İdman İdarəsinin 2020-ci ilin ikinci yarımilliyi
üçün təsdiqlənmiş tədbirlər planına əsasən, 18 sentyabr - Milli Musiqi Gününə həsr olunmuş onlayn
mahnı-musiqi müsabiqəsi keçirilib. 11-17
sentyabr 2020-ci il tarixlərdə "Qazax Gənclər evi” sosial xidmət müəssisəsi ilə
birgə təşkil olunmuş mahnı-musiqi müsabiqəsində ümumilikdə 14 nəfər gənc
iştirak edib. Musiqi
müsabiqəsi üzrə Sarif Vəliyev I yerə, Türkan Rəhimova II yerə, Məhəmməd Budaqov
III yerə, instrumental musiqi alətində ifasına görə Müjgan Məhərrəmova I yerə, Cəmilə
Məmmədova II yerə, Eşqin Omarov III yerə layiq görülüblər. Qaliblər
istedadlı musiqi müəllimi Vahid Bayramov tərəfindən seçilib. Mahnı-musiqi
müsabiqəsinin qaliblərinə Qazax Rayon Gənclər və İdman İdarəsi və "Qazax Gənclər evi" sosial xidmət müəssisəsi
tərəfindən diplomlar və qiymətli hədiyyələr təqdim olunub.
GOYEZEN.AZ
Facebook-da paylaş