“XX əsrin Azərbaycanlı fenomeni” adlı "Açıq dərs” keçirilib
Dahi şəxsiyyət
Heydər Əliyevin həyatının və siyasi fəaliyyətinin təbliğ olunması məqsədilə Qazax Rayon İcra Hakimiyyəti, Rayon Heydər
Əliyev Mərkəzi və Təhsil şöbəsinin birgə təşkilatçılığı ilə noyabr-dekabr
aylarını əhatə edən "Heydər Əliyev məktəbi” adlı layihə uğurla davam
etdirilir. Layihə çərçivəsində təşkil olunan "Açıq dərs”lərdə rayon məktəblərinin
yuxarı sinif şagirdləri iştirak edir. Bugünkü "Açıq dərs”in
iştirakçıları isə Canalı kənd tam orta məktəbin müəllim və yuxarı sinif şagirdləri olub. Məktəblilər
əvvəlcə Mərkəzin qarşısında Ulu Öndərin anım günü ilə əlaqədar "Açıq qapı”
günləri üçün təşkil olunmuş kitab sərgisi ilə tanış olublar. Sonra şagirdlərə Heydər
Əliyevin həyatının və siyasi fəaliyyətinin hər bir anını özündə əks etdirən
eksponatlarla zəngin olan ekspozisiya zalı barədə məlumat verilib. Daha sonra məktəbin tarix müəllimiSabir Salifov tərəfindən oxunan "XX əsrin Azərbaycanlı fenomeni” adlı mühazirədə qeyd olunub ki, Heydər Əliyev Azərbaycan xalqının lideri olmaqla bərabər,
bütün dünyanın qəbul etdiyi, planetar səviyyəli siyasətçi idi. Heydər Əliyev
böyük idarəçilik və zəngin dövlətçilik təcrübəsinə və yüksək təfəkkürə malik
bir şəxsiyyət idi. Onu Ümummilli Lider səviyyəsinə qaldıran əsas cəhət isə Onun
böyük, ölçüyəgəlməz xarizması idi. Dərs
mühazirədə əhatə olunan dövrləri özündə əks etdirən filmin nümayişi və muzeyin ekskursiyası ilə başa çatıb.
GOYEZEN.AZ
Facebook-da paylaş