Müstəqil Azərbaycan yaşadıqca, ulu öndər Heydər Əliyev də ürəklərdə yaşayacaqdır
Əməli işləri ilə Azərbaycanın layiqli adını, millətin şərəfini və ləyaqətini
özünə qaytaran və hələ sağlığında nəsillərin qan yaddaşına nurlu ömrünü qızıl hərflərlə
yazdıran Heydər Əliyevin anadan olmasının 96-cı ildönümü ilə əlaqədar Qazax rayon Heydər Əliyev Mərkəzində təşkil
olunan "Açıq qapı” günləri davam edir. Bu gün artıq 9-cu gündür
ki, rayonun idarə, müəssisə və
təşkilat kollektivləri, təhsil, mədəniyyət, səhiyyə sahəsində çalışan işçilər,
rayon məktəbliləri, ictimaiyyət nümayəndələri "Açıq qapı” günlərində
iştirak edərək dahi şəxsiyyətin əziz xatirəsini böyük ehtiramla yad edirlər. 25
apreldən start verilən "Açıq qapı” günlərində ziyarətçilər gün
ərzində ulu öndərin adını daşıyan parka gələrək abidəsi önünə tər çiçək
dəstələri düzür, öz ehtiramlarını bildirirlər. Daha sonra muzeyin qarşısında
Azərbaycan dövlətinin qurucusu və memarı olan ulu öndərin həyatı və siyasi
fəaliyyətini özündə əks etdirən kitab və jurnallardan ibarət "Sən əlçatmaz
zirvəsən” başlıqlı sərgi ilə tanış olur, dahi
rəhbərə həsr olunmuş mühazirələr dinləyir və filmlərə baxırlar. Dinlənilən
mühazirələrdə müasir Azərbaycan tarixi dedikdə ilk öncə gözümüz
önündə bütün varlığı ilə xalqına böyük məhəbbətlə bağlanmış olan ulu öndər Heydər
Əliyevin canlandığı diqqətə çatdırılır. Xalqın təkidi ilə xilaskarlıq
missiyasını öz üzərinə götürən Heydər Əliyevin müdrikliyi, uzaqgörənliyi, dəmir
iradəsi sayəsində xalqımızın bir çox bəlalardan xilas olduğu, ölkədə vətəndaş
müharibəsinin qarşısının alındığı vurğulanır. Azərbaycanın müstəqil dövlət
kimi formalaşmasının ümummilli liderin siyasəti, yüksək idarəçilik qabiliyyəti
və əzmkar fəaliyyəti sayəsində mümkün olduğu qeyd olunur. Bugünkü Azərbaycanın
inkişaf strategiyasının əsasında da Heydər Əliyev ideyalarının dayandığı
vurğulanır. Ümummilli lider Heydər Əliyevin təməlini qoyduğu siyasi kursun son
15 ildə Prezident İlham Əliyev tərəfindən uğurla davam etdirildiyi bildirilir,
həmin ildən indiyədək ölkənin iqtisadi və sosial göstəriciləri, eləcə də xarici
siyasəti barədə məlumat verilir. Mərkəzdə ulu
öndərin həyat və siyasi fəaliyyəti ilə yaxından tanış olan ziyarətçilərə
çatdırılır ki, "Açıq qapı” günlərinin təşkil olunmasında da əsas məqsəd
ulu öndərin siyasi irsini təbliğ etmək, onun Azərbaycanın müstəqilliyi və
suverenliyi uğrunda apardığı mübarizələri bir daha xatırlamaq, dahi şəxsiyyəti
böyük hörmət və ehtiramla yad etməkdir. "Açıq qapı” günlərinin
növbəti iştirakçıları Qazax rayon Bələdiyyəsinin,
Mənzil İstismar Sahəsinin, Kommunal Müəssisələri Kombinatının, 28 nömrəli Yol
İstismarı İdarəsinin, Qazax Dəmiryol stansiyasının, Qazax Telekommunikasiya
qovşağının, Müalicə Diaqnostika Mərkəzinin, Gənclər və İdman İdarəsinin, rayon
Mərkəzi Xəstəxanasının, Qazax Elektrik Şəbəkəsinin kollektivləri, N saylı hərbi
hissənin əsgər və zabitləri olublar. İştirakçılar əvvəlcə
dahi insanın abidəsini ziyarət ediblər. Sonra muzeydə ulu öndərin həyat və
siyasi fəaliyyəti haqqında mühazirələr dinləyib və filmə baxıblar. Sərgi ilə
tanış olublar. Məlumat üçün qeyd edək ki, "Açıq
qapı” günlərində bu günə kimi 2000-ə yaxın ekskursiyaçı iştirak edib. "Açıq qapı” günləri mayın 10-dək davam edəcək.
GOYEZEN.AZ
Facebook-da paylaş