Qazaxda ulu öndər Heydər Əliyevin anadan olmasının 96-cı ildönümü ilə əlaqədar elan olunmuş “Açıq qapı” günləri davam edir
Xəbər verdiyimiz kimi, artıq 4 gündür ki, XX əsrin görkəmli dövlət
xadimi, müstəqil Azərbaycanın qurucusu olan
ulu öndər Heydər
Əliyevin anadan olmasının 96-cı ildönümü ilə əlaqədar "Açıq qapı"
günləri elan olunub. Qazax rayon Heydər Əliyev
Mərkəzində 25
aprel-10 may 2019-cu il tarixlərində təşkil olunmuş "Açıq qapı” günlərində rayonda
fəaliyyət göstərən bütün idarə, müəssisə və təşkilatların kollektivləri,
təhsil, mədəniyyət, səhiyyə sahəsində çalışan işçilər, rayon məktəbliləri,
ictimaiyyət nümayəndələri ümummilli lider Heydər Əliyevin
xatirəsinə hörmət və ehtiram əlaməti olaraq Onun abidəsini ziyarət edir,
muzeyə ekskursiya edərək dahi şəxsiyyətin keçdiyi ömür yolu, xalqımızın
tarixi taleyində, mənəvi, siyasi və ictimai həyatında, dövlət quruculuğunda
misilsiz xidmətlərindən bəhs edən mühazirələr dinləyirlər. Fenomenal şəxsiyyətə
həsr olunmuş "Sən əlçatmaz zirvəsən” başlıqlı kitab və jurnallardan ibarət
sərgi ilə tanış olur, filmlərə baxırlar. "Açıq qapı” günlərində
Qazax şəhər S.Əfəndiyev adına 1 nömrəli, S.Vurğun adına 2 nömrəli, İ.Qayıbov adına 3 nömrəli,
F.Şamoyev adına 4 nöməri, Ş.Çobanov adına Ağköynək, A.Əliyev adına Hüseynbəyli, Ş.Şahvələdov
adına Xanlıqlar, Z.Mahmudov adına Yuxarı Salahlı,
N.Hüseynov adına Aşağı Salahlı, İ.Şıxlı adına Kosalar kənd tam orta, Q.Hacımahmudova adına şəhər ümumi orta və Ə.Əhmədov adına Qarapapaq kənd
ümumi orta məktəblərin şagird və müəllimləri muzeyə gələrək dahi insanın
abidəsini ziyarət ediblər. Ulu öndərin həyat və siyasi fəaliyyəti haqqında
mühazirələr dinləyib və filmə baxıblar. Sərgi ilə tanış olublar. Məlumat üçün qeyd edək ki, 25
apreldən start götürən "Açıq qapı” günlərində bu günə kimi 800-ə yaxın
ekskursiyaçı iştirak edib. GOYEZEN.AZ
Facebook-da paylaş