İcra başçısı vətəndaşları fərdi şəkildə qəbul edib
Ölkəmizdə Prezident İlham Əliyevin həyata keçirdiyi
dövlət siyasətinin əsasında vətəndaş amilinin dayanması onu deməyə əsas verir
ki, bu sahə prioritet istiqamətlərdəndir. Bu, vətəndaşlara göstərilən qayğıda,
vətəndaşlarla bağlı verilən tapşırıq və tövsiyələrdə də aydın şəkildə əks
olunur. Ən önəmlisi isə bu, hər bir dövlət məmuru üçün örnəkdir. Qazax rayonunda da vətəndaş amili hər zaman əsas
götürülür. İcra başçısının rəhbər təyin olunduğu ilk gündən sakinlərə olan
səmimi münasibəti, vətəndaşlara göstərdiyi diqqət və qayğı bunu söyləməyə əsas
verir. Şəhər və kəndlərdə sakinlərlə keçirilən görüşlər zamanı səslənən
müraciətlərə operativ şəkildə baxılması, vətəndaşların yaşadığı ünvandan asılı
olmayaraq istəyinə əsasən yerində baxılması, qaldırılan məsələlərin həlli
istiqamətində yerindəcə tapşırıq verilməsi, vətəndaşların
ərizə və müraciətlərinə əsasən fərdi şəkildə keçirilən qəbullar vətəndaş
məmnunluğunun təmin edilməsinə xidmət edir. Vətəndaşlara göstərilən
diqqət və qayğını hər an hiss edən hər bir rayon sakini İcra Hakimiyyətinə
ünvanlanmış müraciətə, yazılan məktuba, görüşdə səslənən fikirə həssaslıqla
yanaşılacağını yaxşı bilir.
Mayın 10-da Qazax Rayon İcra Hakimiyyətinin
başçısı Rəcəb Babaşov ərizə ilə müraciət etmiş bir qrup vətəndaşı
fərdi şəkildə qəbul edib. I dərəcəli Vətən
müharibəsi əlili, "İgidliyə görə”, "Füzulinin azad olunmasına görə”, "Qubadlının azad olunmasına görə” medalları ilə təltif olunmuş, Qazax
şəhər sakini Kərimov Röyal Şəadət oğlunun, Kosalar kənd sakini, şəhid ailəsi
Süleymanova İradə Tavar qızının, Fərəhli kənd sakini Yusubova Bulqeyis Cavanşir
qızının, Ağstafa rayonunun Yenigün kənd sakini İsayeva Elmira Tahir qızının (Qazaxlı
İtaliyanın Milli Qəhrəmanı Tahir İsayevin qızı), şəhər sakinləri Qurbanov Fərhad
Qurban oğlunun, Yusubov Əziz Teymur oğlunun müxtəlif səpkili
müraciətləri dinlənilib, müvafiq olaraq
cavablandırılıb.
GOYEZEN.AZ
Facebook-da paylaş