Vətəndaşlar fərdi şəkildə qəbul edilib
Bu gün ölkəmizdə Respublika Prezidenti İlham Əliyevin
həyata keçirdiyi dövlət siyasətinin əsasında vətəndaş amili dayanır. Bu, ölkə
başçısı tərəfindən vətəndaşlara göstərilən qayğıda, vətəndaşlarla bağlı verdiyi
tapşırıq və tövsiyələrdə təzahür edir. Dövlət siyasətinin ana xəttini təşkil edən vətəndaş
amili Qazax rayonunda da hər zaman əsas götürülür. İcra başçısının rəhbər təyin
olunduğu ilk gündən sakinlərə olan səmimi münasibəti, vətəndaşlara göstərdiyi
diqqət və qayğı bunu söyləməyə əsas verir. Şəhər və kəndlərdə sakinlərlə
keçirilən görüşlər zamanı səslənən müraciətlərə operativ şəkildə baxılması,
vətəndaşların yaşadığı ünvandan asılı olmayaraq istəyinə əsasən yerində
baxılması, qaldırılan məsələlərin həlli istiqamətində yerindəcə tapşırıq
verilməsi, vətəndaşların ərizə və
müraciətlərinə əsasən fərdi şəkildə keçirilən qəbullar vətəndaş
məmnunluğunun təmin edilməsinə xidmət edir. Vətəndaşlara göstərilən
diqqət və qayğını hər an hiss edən hər bir rayon sakini İcra Hakimiyyətinə
ünvanlanmış müraciətə, yazılan məktuba, görüşdə səslənən fikirə həssaslıqla
yanaşılacağını yaxşı bilir. Azərbaycan Respublikası Nazirlər
Kabinetinin 5 mart 2022-ci il tarixli 71 nömrəli Qərarı ilə 6 mart
tarixindən etibarən vətəndaşların qəbulu həyata keçirilir.
Aprelin 25-də Qazax Rayon İcra
Hakimiyyətinin başçısı Rəcəb Babaşov ərizə ilə müraciət etmiş bir
qrup vətəndaşı fərdi şəkildə qəbul edib. Qazax şəhər
sakinləri Abdullayev
Samir Abdulla oğlunun, Bayramov Akif Məmmədqasım oğlunun, Quşçu Ayrım kənd
sakini Kərimov Sənan Arzu oğlunun, Yuxarı Salahlı kənd sakini Namazov Natiq Əhməd
oğlunun, Cəfərli kənd sakini Quluyeva Nərminə Novruz qızının, Orta Salahlı kənd
sakini Süleymanov Məmməd Novruz oğlunun, Kosalar kənd sakini Qasımova Səxavət Rəşid
qızının,
Ürkməzli kənd sakini Bəkirli
Bəkir Faiq oğlunun, Dəmirçilər kənd sakini Məmmədov Rauf Cavanşir oğlunun
müraciətləri dinlənilib. Vətəndaşların işlə təmin olunma, əlillik dərəcəsinin təyin edilməsinə
köməklik olunması, həyətyanı torpaq sahəsi ilə təmin olunma və müxtəlif
səpkili digər müraciətləri müvafiq olaraq cavablandırılıb.
GOYEZEN.AZ
Facebook-da paylaş