Vətəndaşlar fərdi şəkildə qəbul edilib
Vətəndaş amili! Heç kəsə sirr deyil ki, bu amil Respublika
Prezidenti İlham Əliyev tərəfindən yürüdülən dövlət siyasətinin ana xəttini
təşkil edir. Ən əsası da bu, ölkə rəhbərinin vətəndaşlara olan qayğısında, vətəndaşlarla
bağlı verdiyi tapşırıq və tövsiyələrdə öz əksini tapır. Hər kəsə o da yaxşı məlumdur ki, dövlət siyasətinin
əsasında dayanan vətəndaş amili Qazax rayonunda olduğu kimi icra edilir. Bunu icra
başçısının rəhbər təyin olunduğu ilk gündən sakinlərə olan səmimi münasibətindən,
vətəndaşlara göstərdiyi diqqət və qayğıdan görmək olar. Şəhər və kəndlərdə
sakinlərlə keçirilən görüşlər zamanı səslənən müraciətlərə operativ şəkildə
baxılması, vətəndaşların yaşadığı ünvandan asılı olmayaraq istəyinə əsasən
yerində baxış keçirilməsi, qaldırılan məsələlərin həlli istiqamətində yerindəcə
tapşırıq verilməsi, vətəndaşların ərizə və
müraciətlərinə əsasən fərdi şəkildə keçirilən qəbullar onu deməyə
əsas verir ki, dövlət daim vətəndaşının yanındadır. Vətəndaşlara göstərilən
diqqət və qayğını hər an hiss edən hər bir rayon sakini İcra Hakimiyyətinə
ünvanlanmış müraciətə, yazılan məktuba, görüşdə səslənən fikirə həssaslıqla
yanaşılacağını yaxşı bilir. Azərbaycan Respublikası Nazirlər
Kabinetinin 5 mart 2022-ci il tarixli 71 nömrəli Qərarı ilə 6 mart
tarixindən etibarən vətəndaşların qəbulu həyata keçirilir.
Aprelin 20-də Qazax Rayon İcra
Hakimiyyətinin başçısı Rəcəb Babaşov ərizə ilə müraciət etmiş bir
qrup vətəndaşı fərdi şəkildə qəbul edib. Qazax şəhər sakinləri Pərvanəliyeva Gülçöhrə Məhərrəm
qızının, Əliyev İslam Babaş oğlunun, İbrahimov Rəfayıl Murafil oğlunun,
Yusifova Xədicə İbrahim qızının, Məmmədova Məhəbbət Seyfəddin qızının, Xanlıqlar
kənd sakini Çobanova Gülmirə Zərif qızının, Ağköynək kənd sakini Murtuzova Səbinə
Avıl qızının, Daş Salahlı kənd sakini Abdullayev Kabı Məmməd oğlunun müxtəlif səpkili müraciətləri dinlənilərəkmüvafiq olaraq cavablandırılıb.
GOYEZEN.AZ
Facebook-da paylaş