Vətəndaşlar fərdi şəkildə qəbul edilib
Respublika Prezidenti İlham Əliyevin ölkəmizdə
vətəndaşlara olan qayğısı, yürütdüyü dövlət siyasətinin əsasını vətəndaş
amilinin təşkil etməsi, xüsusilə də dövlət başçısının vətəndaşlarla bağlı
verdiyi tapşırıq və tövsiyələr Qazax rayonunda olduğu kimi icra edilir. Bu,
icra başçısının rəhbər təyin olunduğu ilk gündən sakinlərə olan səmimi
münasibətində, vətəndaşlara göstərdiyi diqqət və qayğıda özünü aydın şəkildə
göstərir. Şəhər və kəndlərdə sakinlərlə keçirilən görüşlər zamanı səslənən
müraciətlərə operativ şəkildə baxılması, vətəndaşların yaşadığı ünvandan asılı
olmayaraq istəyinə əsasən yerində baxış keçirilməsi, qaldırılan məsələlərin
həlli istiqamətində yerindəcə tapşırıq verilməsi, vətəndaşların ərizə və müraciətlərinə əsasən fərdi şəkildə keçirilən
qəbullar onu deməyə əsas verir ki, dövlət daim vətəndaşının
yanındadır. Vətəndaşlara göstərilən diqqət və qayğını hər an hiss edən hər bir
rayon sakini İcra Hakimiyyətinə ünvanlanmış müraciətə, yazılan məktuba, görüşdə
səslənən fikirə həssaslıqla yanaşılacağını yaxşı bilir. Azərbaycan Respublikası Nazirlər
Kabinetinin 5 mart 2022-ci il tarixli 71 nömrəli Qərarı ilə 6 mart
tarixindən etibarən respublikamızın hər yerində olduğu kimi, Qazaxda da
vətəndaşların qəbulu həyata keçirilir.
Aprelin 18-də Qazax Rayon İcra
Hakimiyyətinin başçısı Rəcəb Babaşov ərizə ilə müraciət etmiş bir
qrup vətəndaşı fərdi şəkildə qəbul edib. Qazax şəhər
sakinləri Əsgərova
Zəminə Məhərrəm qızının, Vəliyev Oruc Elman oğlunun, Aşağı Əskipara kənd sakini
Əhmədova Ceyhunə Süleyman qızının müraciətləri dinlənilib. Vətəndaşların işlə bağlı müraciətlərinə cavab olaraq Əmək və
Əhalinin Sosial Müdafiəsi Nazirliyinin tabeliyində Dövlət Məşğulluq
Agentliyinin Qazax-Tovuz Regional Məşğulluq filialı ilə əlaqə saxlamaları
bildirilib. Məşğulluq Mərkəzində olan boş vakant yerlərə iş təklif edilməsi
üçün aidiyyəti üzrə tapşırıq verilib.
GOYEZEN.AZ
Facebook-da paylaş