Vətəndaşlar fərdi şəkildə qəbul edilib
Cənab Prezident
İlham Əliyevin rəhbərliyi altında ölkəmizdə yürüdülən dövlət siyasətinin
əsasını təşkil edən vətəndaş amili, xüsusilə də ölkə rəhbərinin vətəndaşlarla
bağlı verdiyi tapşırıq və tövsiyələr Qazaxda da olduğu kimi icra olunur. İcra
başçısının rəhbər təyin olunduğu ilk gündən sakinlərə olan səmimi
münasibətinin, vətəndaşlara göstərdiyi diqqət və qayğısının əsasında məhz
dövlətin və ölkə rəhbərinin vətəndaşlara olan münasibəti dayanır. Şəhər və
kəndlərdə sakinlərlə keçirilən görüşlər zamanı səslənən müraciətlərə operativ
şəkildə baxılması, vətəndaşların yaşadığı ünvandan asılı olmayaraq istəyinə
əsasən yerində baxış keçirilməsi, qaldırılan məsələlərin həlli istiqamətində
yerindəcə tapşırıq verilməsi, vətəndaşların
ərizə və müraciətlərinə əsasən fərdi şəkildə keçirilən qəbullar onu
deməyə əsas verir ki, dövlət daim vətəndaşının yanındadır. Vətəndaşlara
göstərilən diqqət və qayğını hər an hiss edən hər bir rayon sakini İcra
Hakimiyyətinə ünvanlanmış müraciətə, yazılan məktuba, görüşdə səslənən fikirə
həssaslıqla yanaşılacağını yaxşı bilir. Respublikamızın hər yerində olduğu kimi, Qazaxda da Azərbaycan Respublikası
Nazirlər Kabinetinin 5 mart 2022-ci il tarixli 71 nömrəli Qərarı ilə 6
mart tarixindən etibarən vətəndaş qəbulu yenidən həyata keçirilir. Aprelin 4-də Qazax
Rayon İcra Hakimiyyətinin başçısı Rəcəb Babaşov ərizə ilə müraciət
etmiş bir qrup vətəndaşı növbəti dəfə fərdi şəkildə qəbul edib. Qazax şəhər sakinləri Mustafayev Bilal Maqsud
oğlunun, Həsənov Cəfər Mədəd oğlunun, Əsgərova Ramilə Rəmzi qızının, Çaylı kənd
sakinləri Mirzəyeva Qızbəs Mehralı qızının, Aslanov Arif
Bilal oğlunun, Haqverdiyeva Tamaşa Namaz qızının, Xanlıqlar kənd sakini Süleymanova
Zülfiyyə Səyyad qızının, Daş Salahlı kənd sakini Əlvəndov
Eldəniz Mustafa oğlunun müraciətləri dinlənilib. Vətəndaşların işlə bağlı
müraciətlərinə cavab olaraq "Saloğlu” mebel fabrikində iş təklif
olunub, digər müxtəlif səpkili müraciətləri
isə müvafiq olaraq cavablandırılıb.
GOYEZEN.AZ
Facebook-da paylaş