Bu gün “Şuşanı alan oğullar!” söyləyən Əməkdar incəsənət xadimi, şair Barat Vüsalın doğum günüdür
Bu
gün Azərbaycan Yazıçılar Birliyi (AYB) Qazax zona filialının sədri, Əməkdar
incəsənət xadimi, şair Barat Vüsalın 71 yaşı tamam olur.
Rəhbər təyin olunduğu ilk gündən saz-söz adamlarını,
şairlərimizi daim diqqətdə saxlayan Qazax Rayon İcra
Hakimiyyətinin başçısı Rəcəb Babaşov öz ənənəsinə sadiq qalıb şair Barat Vüsalı təbrik
etməyi də unutmayıb.
Ötən il şairi rayonun ictimai həyatında fəal iştirakına və
anadan olmasının 70 illiyi münasibətilə Fəxri Fərmanla təltif edən icra başçısı Əməkdar
incəsənət xadimini bu gün də təbrik edib. Doğum günü münasibətilə
Qazax ictimaiyyəti, ziyalılar və öz adından səmimi qəlbdən təbrik edib. Dəyərli
ziyalımıza cansağlığı və ən xoş arzularını çatdırıb. Müstəqil Azərbaycanımızın,
Qazaxımızın inkişafı naminə gələcək işlərində və fəaliyyətində ona yeni yaradıcılıq uğurları arzulayıb.
"44
günlük Vətən müharibəsində qalib olan ölkənin vətəndaşı kimi Şuşada olduğum 3
gün mənim üçün 3 əsrə bərabərdir. Vaqif Poeziya Günlərini yenidən Azərbaycan
xalqına bəxş edən Heydər
Əliyev Fonduna və şəxsən Fondun rəhbəri Mehriban Əliyevaya qazaxlı ziyalılar
adından təşəkkür edirəm. Şuşada olduğum günləri ömrümün sonuna kimi unutmayacağam”, - deyən şair Barat Vüsal həmin
günləri ömrünə yazılan ən xoşbəxt günlər kimi qiymətləndirir.
Ötən
il Şuşada olan şair orada yaşadıqları anların xoş təəssüratlarını bu gün də
qürur hissi ilə danışır. Şair Barat Vüsal Ali Baş Komandan İlham Əliyevin də söylədiyi
kimi, Şuşanın yenidən cənnətə çevriləcəyi günün uzaqda olmadığını, Şuşanı alan
oğullarımız var olduğu müddətcə Şuşanın da var olacağını fəxrlə söyləyir. Bu
arzu, istəyini, ürək sözlərini "Şuşanı alan oğullar!” şeirində də
dilə gətirir.
Gözlərimdə
Koroğludur,
Atillatək
qırmancdılar,
Əzizdi
Torpaqdan ötrü,
Çaxıb
şişməyə döndülər,
Qüvvət
alıb nərəsindən,
Mizan
yox, bu Mizan təki,
Bu
Vətənə qulluq edin, Ömrünün 71-ci baharını yaşayan şair Barat Vüsalın bu gün yaradıcılığının
da əsas qayəsi torpaqlarımızı
30 illik həsrətdən sonra öz doğma sahibinə qaytaran Ali Baş Komandan İlham
Əliyevə, canını xalq, millət, Vətən üçün fəda edən şəhidlərimizə, sağlamlığını
itirən qazilərimizə həsr etdiyi şeirlərdir. Bu gün işğaldan azad edilən
torpaqlardan, orada aparılan quruculuq işlərindən, ən əsası da o torpaqlarda
tarix yazan oğullardan bəhs edən şeirlər yazır şair Barat Vüsal. İgid Vətən
oğullarına olan borcumuzu şeirlərində yazdığı dəyərli sözlərlə, kəlmələrlə
qaytarır.
Barat Alı oğlu Alıyev 1951-ci
il martın 18-də Qazax rayonunun Kosalar kəndində anadan olub. Orta təhsilini
doğma kənd məktəbində alıb, 1973-cü ildə Azərbaycan Dövlət Pedaqoji
Universitetinin tarix fakültəsini bitirib. Təyinatla Sabirabadda və Qazaxda
müəllim işləyib. Bu dövrdəki fəaliyyəti "Baş müəllim" adıyla
qiymətləndirilib.
Ədəbiyyata keçən əsrin 70-ci illərində gəlib.
İmzası Qazaxda çıxan rayon qəzetində 60-cı illərin sonralarından, respublika
mətbuatında isə 70-ci illərdən görünməyə başlayıb. 1982-ci ildən Gənc
Yazıçıların Respublika Ədəbi Birliyinin üzvü olub. 1983-cü ildə gənc
yazıçıların Şüvalanda keçirilən VIII Respublika müşavirəsində iştirak edib.
İlk şeirlər kitabı "Göz aydınlığı"
adlanır və 1986-cı ildə "Yazıçı" nəşiriyyatında çapdan çıxıb. Daha
sonra bir-birindən maraqlı kitabları işıq üzü görüb.
"Ürəyimdən bir çay axır" (1991),
"Yolumuz eşqə bağlıdır" (1997), "Ömür bitər, yol bitməz"
(2004), "Qazaxda yaşadım mən öz ömrümü" (2007), "Ruh
gəmisi" (2013), "Kufə əhli" (2014), "Piyada atlı" və
s. şeirlər kitabları şairi oxucuların sevimlisi edib.
1988-ci ildən Azərbaycan Yazıçılar Birliyinin
üzvülüyünə qəbul olunub. 1993-cü ildən AYB Qazax zona filialının sədridir. Bu
filial Qazax, Ağstafa, Tovuz, Gədəbəy rayonlarında yaşayıb yaradan ədəbi
qüvvələrini, qismən də Borçalı ədəbi mühitini özündə birləşdirir. İşlədiyi 29
il ərzində filial sədri kimi respublikamızın Qərb qapısında çox diqqətəlayiq
yaradıcılıq işləri ilə məşğul olub. Dövrü mətbuatda yazıçı və şairlərimizlə
bağlı, tariximizlə, ədəbiyyatımızla, mədəniyyətimizlə, gənc ədəbi qüvvələrlə
bağlı məqalələrlə, publisist yazılarla çıxışlar edib. Yüzlərlə yaradıcılıq
hesabatları, yaradıcılıq gecələri, yubileylər, kitab təqdimatları, anım
mərasimləri məhz Onun rəhbərliyi, aparıcılıq məharəti ilə baş tutub.
Bölgədə yeni gənc ədəbi qüvvələrin üzə
çıxarılmasında, onların kitablarının çap olunmasında, filial yazarlarının
əsərlərinin öz əksini geniş tapdığı almanaxların, antologiyaların, xüsusi
buraxılışların tərtib edilib işıq üzü görməsində çox gərgin əmək sərf edib,
səmərəli fəaliyyət göstərib.
Onun filial sədrliyi dövründən bu yana Ulu Öndər
Heydər Əliyevin sərəncamları ilə hər il Qazaxda martın 21-də şairin doğum
günündə keçirilməsi ənənəvi xarakter almış "Səməd Vurğun poeziya
günləri" və 1982-ci ildən keçirilməyə başlanılmış "Vaqif poeziya
günləri" əvvəlki səviyyədə davam etdirilib.
Barat Vüsal dövlətə və dövlətçiliyə bağlı sayılıb
seçilən tanınmış, dəyərli, vətənpərvər şairlərdən biridir. Vətənpərvərlik
ruhunda yazdığı şeirlərə görə 1998-ci ildə AYB-nin və Respublika Həmkarlar
İttifaqının keçirdiyi poeziya müsaqibəsində "Xəlil Rza Ulutürk
mükafatı" və 2008-ci ildə klassik ədəbi irsimizin təbliğindəki
fəaliyyətinə görə "Səməd Vurğun ədəbi mükafatlarını alıb.
Şair və filial rəhbəri kimi 2000-2001-ci illərdə
Dünya Gənc Türk Yazarlar Birliyinin 2 ödülünə layiq görülüb.
2009-cu ildə müddətli Prezident təqaüdü verilib.
Ordumuzla, əsgərlərimizlə qurduğu sıx əlaqələrə görə
Ona Azərbaycan Respublikası Müdafiə Nazirliyinin xüsusi ödülü verilib,
Respublika Veteranlar Şurası Onu "Əliağa Şıxlinski" medali ilə təltif
edib.
Barat Vüsal oxucular arasında və ictimaiyyət
içərisində böyük nüfuz sahibidir. Bunun nəticəsidir ki, 2013-cü ildə bir ziyalı
və şair kimi verdiyi təklif əsasında Azərbaycan Prezidenti cənab İlham Əliyevin
verdiyi sərəncamla Qazaxda bölgələr üzrə ilk Ədəbiyyat Muzeyi inşa olunub.
Bakıda keçirilmiş Avropa Oyunları zamanı ölkə
Prezidentinə həsr etdiyi poema əsasında kontata yazılıb, Ü.Hacıbəyov adına
Dövlət Filarmoniyasının simfonik orkestirinin ifasında Az.TV-də səsləndirilib.
Şeirlərinə mahnılar bəstələnib.
Barat Vüsal təkcə sözə deyil, həm də saza bağlı
şairdir. 2007-2008-ci illərdə İTV-də "Ozan məclisini yaradanlardan və onun
ilk aparıcılarından biri olub. 2017-ci ildən Azərbaycan Aşıqlar Birliyi
İdarə Heyətinin üzvüdür. İTV-də uzun müddət yayımlanmış "Ovqat" və
"Səhər sovqatı" televerlişlərində çıxışları Ona böyük nüfuz və şöhrət
qazandırıb. Onun haqqında İTV kanalında "Bir kəndin nağılı",
"Bir sözün sehri" və ATV-də "Bir sevgi tarixçəsi"
televerilişləri də nümayiş etdirilib.
Barat Vüsal həm radio, həm də televiziyalardakı
çıxışları, dövri mətbuatda çap etdirdiyi 200-ə yaxın ədəbi, elmi, tarixi,
fəlsəfi və publisistik yazıları, məqalələri, esseləri, araşdırmaları ilə də
oxucuların, tamaşaçıların, dinləyicilərin rəğbətini və hörmətini qazanıb.
Ədəbi yaradıcılığına dair Salatın Əhmədlinin
"Ömrünü Qazaxda yaşayan şair" və Firuzə Abdullayevanın "Barat
Vüsalın poeziyası" adlı monoqrafiyaları çap olunub.
İki cildlik "Seçilmiş Əsərləri" oxucuların
ixtiyarına verilib.
Şeirləri Türkiyədə və İranda çap olunur. Tehranda
"Söz yaşıllığı” adlı şeir kitabı 2018-ci ildə nəşr edilib.
Barat Vüsal gözəl ssenarist kimi də, aparıcı kimi də
rayonda, bölgədə, respublikada keçirilən müxtəlif yubileylərdə, xatirə
gecələrində, digər ədəbi-mədəni tədbirlərdə öz əməyini əsirgəməyib.
50 və 60 illik yubileyləri Qazaxda və Bakıda təntənəli
şəkildə keçirilib. Cənab Prezident İlham Əliyevin verdiyi sərəncamla Barat
Vüsala 60 illik yubileyində Azərbaycan mədəniyyətinin inkişafındakı
xidmətlərinə görə "Azərbaycan Respublikasının Əməkdar incəsənət xadimi"
fəxri adı verilib.
Barat Vüsal yaradıcılığı Azərbaycanın bir çox görkəmli
ədəbiyyat və mədəniyyət xadimləri - Anar, İ.Muğanna, N.Həsənzadə, H.Arif,
X.R.Ulutürk, V.Səmədoğlu, M.Dilbazi, S.Tahir kimi Xalq şairləri, N.Cəfərov,
N.Şəmsizadə, V.Yusifli, R.Kamal kimi alim və tənqidçi ədəbiyyatşünasları tərəfindənyüksək
qiymətləndirilib.
Qazaxda
Əməkdar incəsənət xadimi, şair Barat Vüsalın 70 illik yubileyi də yüksək
səviyyədə qeyd olunub. 2021-ci il martın 13-də şairin yubileyinə həsr olunmuş
tədbir keçirilib. Barat Vüsalın
sözünə, şeiriyyətinə, poeziyasına, şəxsiyyətinə dəyər, qiymət verənlər, onun
yolu ilə getməyi özünə borc bilənlər yubilyara olan təbriklərini çatdırıblar.
Həmin tədbirdə Qazax Rayon İcra Hakimiyyətinin başçısı Rəcəb
Babaşovun müvafiq Sərəncamı ilə Əməkdar incəsənət xadimi, şair Barat Vüsala
rayonun ictimai həyatında fəal iştirakına və anadan olmasının 70 illiyi
münasibətilə Fəxri Fərman və gül dəstəsi təqdim olunub.
Həmçinin Azərbaycan Respublikası Milli
Məclisinin Beynəlxalq münasibətlər və parlamentlərarası əlaqələr komitəsinin
sədri Səməd Seyidovun şairə ünvanladığı təbrik məktubu səsləndirilib. Milli
Məclisin deputatı Səməd Seyidovun köməkçisi Akif Əmirov millət vəkilinin Barat
Vüsalın yubileyi ilə bağlı şairin ünvanına yazdığı təbrik məktubunu oxuyaraq
hədiyyəsini təqdim edib.
Şair Barat
Vüsalı qazaxlı ziyalılar və rayon ictimaiyyəti adından bir daha səmimi qəlbdən
təbrik edir, möhkəm cansağlığı və gələcək yaradıcılıq fəaliyyətində uğurlar
arzulayırıq.
GOYEZEN.AZ
Mustafa bəy, Kürdoğludur.
Bu Vətənin bir oğludur,
Qələbə çalan oğullar,
Şuşanı alan oğullar!
Qayalara dırmaşdılar.
Sıldırımdan yol açdılar,
Qardaşım, balam oğullar,
Şuşanı alan oğullar!
Doğma od-ocaqdan ötrü.
Şuşanı almaqdan ötrü,
Anadan olan oğullar,
Şuşanı alan oğullar!
Çıxıb çiçəyə döndülər,
Axır Şuşaya döndülər,
Ölməyib... ölən oğullar,
Şuşanı alan oğullar!
Gah Daşaltı dərəsindən,
Gah Kirs dağın zirvəsindən,
Deyirəm: salam, oğullar,
Şuşanı alan oğullar!
Ehsan yox, bu Ehsan təki,
Ay özləri Əzan çəkib,
Namazı qılan oğullar,
Şuşanı alan oğullar!
Yurdu oba-elli edin.
Haqqınızdı, "Yallı" gedin,
"Cıdır düzü"ndə o ki, var,
Şuşanı alan oğullar!
Facebook-da paylaş