Dövlət hər zaman qayğıya ehtiyacı olan insanların yanındadır
"Mən bütün Azərbaycan xalqının, hər bir Azərbaycan
vətəndaşının Prezidentiyəm. Mənim borcumdur ki, imkan daxilində hər bir vətəndaş
inkişafa, yaxşılığa doğru irəliləyişi görsün və onu hiss eləsin”. İlham Əliyev Azərbaycan Respublikasının Prezidenti Bəli, bu gün tam əminliklə deyə bilərik ki, ölkəmizdə
cənab Prezident İlham Əliyevin yürütdüyü dövlət siyasətinin əsasında
vətəndaş amili dayanır. Bu, həyata keçirilən bütün layihələrdə, tədbirlərdə,
görülən işlərdə daim öz əksini tapır. Ölkə başçısının, Birinci vitse-prezident
Mehriban Əliyevanın xalqın, vətəndaşların arasında olmaları, onların müraciətlərini,
istəklərini dinləmələri, qayğı ilə yanaşmaları onu deməyə əsas verir ki, dövlət
hər zaman qayğıya
ehtiyacı olan insanların yanındadır. Bu gün hər kəsə o da yaxşı məlumdur ki, bu amil Qazaxda da hər zaman örnək götürülür. Dövlət
başçısının rəhbər vəzifəli şəxsləri qəbul
edən zaman dövlət məmurlarına daim vətəndaşlarla təmasda olmaları, bütün
kəndləri gəzmələri, kənd camaatı ilə görüşmələri, vətəndaşların
ərizə və müraciətlərinə, onları narahat edən problemlərə həssaslıqla
yanaşılması barədə aidiyyəti üzrə verdiyi
tapşırıq və tövsiyələr rayonda olduğu kimi icra edilir. Həyata keçirilən
bütün işlərdə vətəndaş məmnunluğunun təmin edilməsinə üstünlük verilir. Rayon rəhbərinin vətəndaşlara göstərdiyi
qayğı, sakinlərin qaldırdıqları hər bir məsələyə daim həssaslıqla yanaşması, ən
əsası da illər öncə qoyulan ənənənin
bu gün də davam etdirilməsi bu dediklərimizin bariz nümunəsidir. Yanvarın
21-də Qazax Rayon İcra Hakimiyyətinin başçısı Rəcəb Babaşovun icra aparatının məsul işçiləri, Rayon
Prokuroru Rauf Gözəlovla birlikdə qayğıya
ehtiyacı olan Qazax şəhər sakini Məmmədova Rəmziyə Bəhlul qızını diqqətdə
saxlaması, müalicə aldığı xəstəxanada ona baş çəkməsi dövlətin vətəndaşına olan
növbəti qayğısıdır.
Qazax Rayon Mərkəzi
Xəstəxanasında müalicə alan 68 yaşlı Rəmziyə Məmmədovanı ziyarət edən rayon rəhbərliyi
ona tək olmadığını, dövlətin, ölkə Prezidenti İlham Əliyevin, Birinci
vitse-prezident Mehriban Əliyevanın qayğısı ilə əhatə olunduğunu söyləyib. Onun
və himayəsində olan nəvəsinin arxasında dövlətin dayandığını bildirib. Ölkə rəhbərinin
vətəndaşına olan qayğısını əldə rəhbər tutaraq hər cür dəstək olmağa hazır
olduğunu vurğulayıb. Rəmziyə Məmmədovaona sahib çıxılmasına və göstərilən
diqqətə, qayğıya görə ölkə Prezidenti İlham Əliyevə və rayon rəhbərliyinə
minnətdarlığını bildirib. Bu gün dövlətin onun yanında olmasının bir daha
şahidi olduğunu qeyd edib. Yaşlı anamızı
xəstəxanada ziyarət edən rayon rəhbərliyi daha sonra onun Qazax şəhəri Heydər
Əliyev prospekti 159 ünvanında yerləşən evinə də yerində baxış keçirib. Evin mövcud vəziyyəti ilə
tanış olan rayon rəhbəri evin təmiri barədə adiyyəti üzrə müvafiq
tapşırıqlarını verib.
GOYEZEN.AZ
Facebook-da paylaş