Millət vəkili Ülviyyə Ağayeva Qazaxda Vətən müharibəsi qaziləri ilə görüşüb
Müzəffər Ali Baş Komandan
İlham Əliyevin rəhbərliyi altında şanlı ordumuzun qəhrəmanlığı sayəsində qırx
dörd günlük Vətən müharibəsində qazanılan tarixi Zəfər 30 illik həsrətə son
qoydu. Bu Qələbə "Qarabağ Azərbaycandır!” şüarını gerçəkləşdirdi. İşğaldan azad
edilən Azərbaycan torpaqları uzun illər həsrət qaldığı sahibinə qovuşdu. İndi Azərbaycan xalqı tarixi
Qələbəmizin birinci ildönümünü böyük sevgi və coşqu ilə qeyd edir.
Noyabrın 7-də Milli Məclisin
deputatı Ülviyyə Ağayeva Qazaxda 44 günlük Vətən müharibəsində canları
bahasına tarix yazan qazilərlə görüşüb. Vətən
müharibəsi şəhidlərinin xatirəsinə yaradılmış Abidə Kompleksinin qarşısında keçirilən
görüşdə Qazax Rayon İcra Hakimiyyəti
başçısının müavini-İctimai-siyasi və humanitar məsələlər şöbəsinin müdiri
Gulaya Həsənova, millət
vəkilinin köməkçisi Arzu Musayeva və Birinci Qarabağ müharibəsi əlilləri də iştirak
ediblər. 44 günlük Vətən müharibəsindən söz açan millət vəkili həmin
müharibədə sağlamlığını itirən qazilərimizə şəfa, şəhidlərimizə Allahdan rəhmət
diləyib. Vətən uğrunda canlarını fəda edən şəhidlərimizin
hər zaman qəlbimizdə əbədi yaşayacağını, onların adlarının daim uca tutulacağını
qeyd edib. Bugünkü görüşün keçirildiyi müqəddəs məkanı – şəhidlərin adını
əbədiləşdirən Abidə Kompleksini igid Vətən oğullarının adlarının yaşadılması
istiqamətində atılan nümunəvi addım kimi qiymətləndirib. Bu nümunəvi
təşəbbüsünə görə rayon rəhbərliyinə minnətdarlığını çatdırıb. "Sayılı saatlar qalıb ki, xalqımız Zəfər Gününü
qürurla qeyd edəcək. Həmin şanlı Zəfəri bizlərə bəxş edən isə Ali Baş Komandan
İlham Əliyev, Müzəffər Ordumuzun əsgər və zabitləri, hərbçiləri, torpaqlarımızı
canları bahasına azad edən şəhidlərimiz, sağlamlığını itirən qazilərimiz oldu”,
- deyən millət vəkili həmin tarixi Qələbəni bəxş edənlərə bir daha minnətdarlıq
edib. Dövlətimiz tərəfindən şəhid ailələrinə, qazilərimizə
göstərilən diqqət və qayğıdan danışan millət vəkili həmin qayğının hər bir
dövlət məmuruna, ölkə vətəndaşına örnək olduğunu söyləyib. Bugünkü görüşün də
həmin qayğının davamı olduğunu diqqətə çatdırıb. Azərbaycan
Respublikası "Azərbaycan Qarabağ Müharibəsi Əlilləri, Veteranları və Şəhid
Ailələri İctimai Birliyi”nin Qazax rayon filialının sədr
müavini, kəşfiyyatçı zabit, baş leytenant, I qrup Qarabağ müharibəsi qazisi
Namiq Alıyev, ehtiyatda
olan mayor, tabor komandiri, II qrup Vətən müharibəsi qazisi Xəyyam Əliyev, II
qrup Qarabağ müharibəsi əlili Nüsrət Musayev və başqaları Zəfər
bayramı münasibətilə Azərbaycan xalqını təbrik edib, bu Zəfəri bizə yaşadan, öz
canından, qanından keçən şəhidlərimizə Allahdan rəhmət, qazilərimizə isə şəfa
diləyiblər. Ölkə başçısının
və Birinci vitse-prezidentin şəhid ailələrinə və qazilərə olan qayğılarını rayon
rəhbərliyi tərəfindən hər zaman hiss etdiklərini bildiriblər. Qazilərimiz canlarından
keçən şəhidlərimizlə, onların ataları, anaları ilə qürur duyduqlarını, onlarla
fəxr etdiklərini dilə gətiriblər. Torpaqlarımızın azad olunması ilə bütün
şəhidlərimizin, sağlamlığını itirən qazilərimizin qisaslarının alındığını və
bunu özlərinə təsəlli bildiklərini söyləyiblər. Səmimi söhbət əsasında keçən görüşdə millət vəkili torpaqlarımızın
azadlığı uğrunda sağlamlığını itirən Vətən müharibəsi qazilərinin qayğıları ilə
maraqlanıb, hər zaman onların yanlarında olduğunu qeyd edib. Zəfər əhval-ruhiyyəli
görüşün sonunda xatirə şəkli çəkdirilib.
GOYEZEN.AZ
Facebook-da paylaş