Millət vəkili Ülviyyə Ağayeva Qazaxda Vətən müharibəsi qaziləri və şəhid ailələri ilə görüşüb
2020-ci
ilin 27 sentyabrında Prezident, Silahlı Qüvvələrin Müzəffər Ali Baş Komandanı
İlham Əliyevin rəhbərliyi altında başlayan və 44 gün davam edən Vətən müharibəsində
Azərbaycanın mərd, qəhrəman övladları 44 gün ərzində işğalçı Ermənistan
ordusunu darmadağın edərək düşməni torpaqlarımızdan qovdular. Rəşadətli
ordumuzun şücaəti sayəsində doğma Qarabağımız, eləcə də digər yaşayış məntəqələrimiz,
yüksəkliklərimiz erməni işğalından azad edildi. Neçə-neçə Vətən oğulları
xalqımızın 30 illik yurd həsrətinə son qoymaq üçün döyüş meydanına atıldı. Göstərdikləri
qəhrəmanlıqlarla, şücaətlə Azərbaycanın yeni, şanlı zəfər salnaməsini yazdılar. "Qarabağ Azərbaycandır!” şüarı Qazaxın igid,
mərd, cəsur oğullarının da dillər əzbəri, həyat amalı oldu. Bu şüarı əldə
rəhbər tutan igid, vətənpərvər oğullarımız torpaqlarımızın ərazi bütövlüyü
uğrunda aparılan Vətən müharibəsində əsl qəhrəmanlıq göstərdilər. Vətən
müharibəsinin şəhidi olaraq adlarını hərb tariximizə qızıl hərflərlə əbədi
yazdılar. Torpaq uğrunda candan keçməyin, Şəhidlik zirvəsinə yüksəlməyin uca
bir məqam olduğunu bizlərə, gələcək nəsillərə miras qoyan oğullarımızla bu gün
hər birimiz fəxr edirik. Ən əsası da ölkə vətəndaşı olaraq igid Vətən
oğullarının xatirəsini əziz tutmağı, onların ailələrinə qayğı göstərməyi, sahib
çıxmağı özümüzə borc bilməli, bu yolda üzərimizə düşən işin öhdəsindən
layiqincə gəlməyə çalışmalıyıq. Bu gün Milli Məclisin deputatı Ülviyyə
Ağayeva, köməkçisi Arzu Musayeva, Qazax Rayon İcra
Hakimiyyəti başçısının müavini-İctimai-siyasi və humanitar məsələlər şöbəsinin
müdiri Gulaya Həsənova ilə birlikdə Vətən müharibəsi şəhidlərinin ailələrini
ziyarət edib. Torpaqlarımızın azadlığı uğrunda sağlamlığını itirən Vətən
müharibəsi qaziləri ilə görüşərək qayğıları ilə maraqlanıb. "Hərbi
xidmətlərə görə”, "Füzulinin azad olunmasına görə” medalları ilə təltif olunmuş, Xanlıqlar kənd sakini əsgər Həsənov Anar Rasim oğlunun, ölümlərindən sonra "Vətən uğrunda”, "Şuşanın
azad olunmasına görə”, "Döyüşdə fərqlənməyə görə” medalları ilə təltif olunmuş, Xanlıqlar
kənd sakini, şəhid gizir Məmmədov Amid Müqabil oğlunun, Vətən
uğrunda”, "Döyüşdə fərqlənməyə görə”, "Füzulinin azad olunmasına görə”
medalları ilə təltif olunmuş, Xanlıqlar kənd sakini, şəhid leytenant Həməşəyev
Qismət Oruc oğlunun, "Vətən uğrunda”, "Döyüşdə
fərqlənməyə görə”, "Füzulinin azad
olunmasına görə” medalları ilə təltif olunmuş, Xanlıqlar kənd sakini, şəhid çavuş Əliyev Timur Nurəddin oğlunun, "Vətən uğrunda”, "Döyüşdə fərqlənməyə görə”, "Füzulinin azad olunmasına görə” medalları ilə təltif olunmuş,
Xanlıqlar kənd sakini, şəhid çavuş İsgəndərov Pərvin Pərviz oğlunun, şəhid Mərdanov
Məmməd Ələddin oğlunun, "Vətən uğrunda”, "Füzulinin azad
olunmasına görə”, "Xocavəndin azad olunmasına görə”, "İgidliyə görə”, "Cəbrayılın azad olunmasına görə” medalları ilə təltif olunmuş, Cəfərli kənd
sakini, şəhid leytenant Nəsibov Nicat Qəşəm oğlunun ailəsi ziyarət edilərək qazilərimizə
şəfa, şəhidlərimizə Allahdan rəhmət dilənib. Şəhidlərimizin ailələrinə, yaxınlarına, valideynlərinə
bir daha başsağlığı verilib, Vətən uğrunda canlarını fəda edən bütün
şəhidlərimizin hər zaman qəlbimizdə əbədi yaşayacağı qeyd edilib. "Şəhidlərimiz bizim baş tacımız, fəxrimiz, qürurumuzdur.
Bugünkü qələbəmizə görə şəhidlərimizə və sağlamlığını itirən qazilərimizə
borcluyuq”, - deyən Milli Məclisin deputatı Ülviyyə Ağayeva bütün
şəhidlərimizin ruhu qarşısında baş əydiyini söyləyib, ailələrinə bir daha
başsağlığı verib. Torpaq uğrunda canından keçən vətənpərvər oğullar böyüdən ata
və analarımızla hər birimizin fəxr etdiyini bildirib. Qanları ilə tarix yazan
oğullarımızın döyüş yolunun, həyatının, Vətən üçün göstərdikləri
qəhrəmanlıqlarının gələcək nəsillərə çatdırılmasının ən ümdə vəzifə olduğunu
vurğulayıb. Bugünkü şanlı Zəfəri bizlərə bəxş edən Ali Baş Komandan İlham
Əliyevə, Müzəffər Ordumuzun əsgər və zabitlərinə, hərbçilərimizə,
torpaqlarımızı canları bahasına azad edən şəhidlərimizə, qazilərimizə minnətdar
olduğumuzu bir daha qeyd edərək şəhidlərimizə Allahdan rəhmət, ailələrinə səbir
diləyib, qazilərimizə cansağlığı arzulayıb. Dövlətimiz tərəfindən şəhid ailələrinə, qazilərimizə
göstərilən diqqət və qayğını yüksək qiymətləndirən şəhid ailələri həmin qayğıya
görə ölkə Prezidenti İlham Əliyevə, Birinci vitse-prezident Mehriban Əliyevaya
minnətdarlıqlarını bildiriblər. Şəhidlərin döyüş meydanında göstərdikləri
igidliklərini qiymətləndirərək orden və medallara layiq görülməsini, adlarının
əbədiləşdirilməsi istiqamətində görülən işləri yüksək dəyərləndiriblər. Ölkə
başçısının və Birinci vitse-prezidentin şəhid ailələrinə və qazilərə olan
qayğılarını rayon rəhbərliyi tərəfindən hər zaman hiss etdiklərini bildiriblər.
Qazilərimiz, şəhid ataları, anaları bütün şəhidlərimizlə qürur duyduqlarını,
onlarla fəxr etdiklərini dilə gətiriblər. Torpaqlarımızın azad olunması ilə
bütün şəhidlərimizin, sağlamlığını itirən qazilərimizin qisaslarının alındığını
və bunu özlərinə təsəlli bildiklərini söyləyiblər. "Hərbi
xidmətlərə görə”, "Füzulinin azad olunmasına görə” medalları ilə təltif
olunmuş, Xanlıqlar
kənd sakini əsgər Həsənov Anar Rasim oğlunun ailəsi Ölümündən sonra "Vətən uğrunda”, "Şuşanın azad olunmasına görə”, "Döyüşdə fərqlənməyə
görə” medalları ilə təltif olunmuş, Xanlıqlar kənd sakini, şəhid gizir Məmmədov
Amid Müqabil oğlunun ailəsi Ölümündən sonra "Vətən uğrunda”, "Döyüşdə
fərqlənməyə görə”, "Füzulinin azad olunmasına görə” medalları ilə təltif olunmuş, Xanlıqlar
kənd sakini, şəhid leytenant Həməşəyev Qismət Oruc oğlunun ailəsi Ölümündən sonra "Vətən
uğrunda”, "Döyüşdə fərqlənməyə görə”,"Füzulinin azad olunmasına görə”
medalları ilə təltif olunmuş, Xanlıqlar
kənd sakini, şəhid çavuş Əliyev Timur
Nurəddin oğlunun ailəsi Ölümündən sonra "Vətən uğrunda”, "Döyüşdə
fərqlənməyə görə”, "Füzulinin
azad olunmasına görə” medalları ilə təltif olunmuş, Xanlıqlar kənd
sakini, şəhid çavuş İsgəndərov Pərvin Pərviz oğlunun ailəsi Xanlıqlar kəndinin igid oğlu, şəhid Mərdanov Məmməd Ələddin oğlunun
ailəsi Ölümündən sonra "Vətən uğrunda”, "Füzulinin azad
olunmasına görə”, "Xocavəndin azad olunmasına görə”, "İgidliyə görə”,"Cəbrayılın azad olunmasına görə” medalları ilə təltif olunmuş, Cəfərli kənd
sakini, şəhid leytenant Nəsibov Nicat Qəşəm oğlu GOYEZEN.AZ
Facebook-da paylaş