Birinci və İkinci Qarabağ müharibəsinin iştirakçıları ilə "Dünənin və bu günün qəhrəmanları” adlı görüş keçirilib
İyunun
25-də Gənclərin İnkişaf və Karyera Mərkəzinin Qazax
nümayəndəliyi tərəfindən Birinci
və İkinci Qarabağ müharibəsinin iştirakçıları ilə "Dünənin və bu günün
qəhrəmanları” adlı görüş keçirilib. Görüşdə
"Azərbaycan Qarabağ Müharibəsi Əlilləri, Veteranları və Şəhid
Ailələri" İctimai Birliyinin Qazax Rayon Şöbəsinin sədr müavini, I qrup Qarabağ
müharibəsi əlili, ehtiyatda olan baş leytenant Namiq Alıyev, Vətən müharibəsi
qazisi mayor Xəyyam Əliyev və Azərbaycan Yazıçılar Birliyi Qazax zona filialının
ədəbi məsləhətçisi, Birinci Qarabağ müharibəsi veteranı Mustafa Rasimoğlu
iştirak ediblər. Qazax
Rayon Heydər Əliyev Mərkəzində keçirilən tədbirdə qonaqlar 44 günlük Vətən
müharibəsində qazanılan Zəfərdən və ordumuzun şücaətindən bəhs ediblər.
Görüşdə
bildirilib ki, Azərbaycan Ordusu 44 günlük Vətən müharibəsində Prezident, Müzəffər
Ali Baş Komandan İlham Əliyevin rəhbərliyi ilə tarixi Zəfərə imza atmaqla bütündünyaya güclü ordu
olduğunu bəyan etdi. Çıxış
edənlər bu il hərbçilərimizin 26 iyun - Azərbaycan Silahlı Qüvvələri Gününü tam
fərqli duyğularla, qalib ordunun əsgər və zabitləri olaraq böyük qürur və fəxarətlə
qeyd etdiklərini vurğulayıblar. Bildiriblər
ki, müstəqilliyimizin, suverenliyimizin, ərazi bütövlüyümüzün qarantı olan
Ordumuzun şücaəti, qəhrəmanlığı harada yaşamasından asılı olmayaraq hər bir azərbaycanlını
sevindirməklə yanaşı, vaxtilə itirilmiş qürurumuzun 44 günlük Vətən müharibəsində
Zəfərimizlə bərpasından sonra başı uca, alnı açıqdır. Bu şanlı Qələbənin əsas qəhrəmanı
da ölkə Prezidenti, Müzəffər Ali Baş Komandan İlham Əliyev və rəşadətli Azərbaycan
Ordusudur. Görüşdə
bizləri tarixi Qələbə ilə sevindirən şanlı Azərbaycan Ordusuna, Müzəffər Ali Baş
Komandana, Vətən uğrunda canından keçən şəhidlərimizə, sağlamlığını itirən
qazilərimizə sonsuz minnətdarlıq ifadə olunub. Azərbaycan xalqı var olduqca şəhidlərimizin
xalqımızın qəlbində əbədi yaşayacaqlarını söyləyiblər
GOYEZEN.AZ
Facebook-da paylaş