Ölümündən sonra üç medalla təltif olunan qazaxlı şəhid Merik Mustafayevin cənnətdəki doğum günü ailəsi ilə birlikdə qeyd edilib
2020-ci il sentyabrın 27-dən
noyabrın 10-dək davam edən Vətən müharibəsində Azərbaycan xalqı özünün
keşməkeşli tarixinin daha bir şanlı səhifəsini yazdı. O şanlı səhifə ki,
Azərbaycan 44 günlük Vətən müharibəsində Prezident, Müzəffər Ali Baş Komandan
İlham Əliyevin rəhbərliyi ilə şanlı Qələbə qazanaraq özünün ərazi bütövlüyünü
təmin etdi və tarixi ədalət bərpa olundu. Azərbaycan Ordusunun əsgər və
zabitləri, hərbçiləri Ali Baş Komandanın "İrəli!” əmrini layiqincə yerinə
yetirərək xalqımıza böyük tarixi Qələbəni bəxş etdilər. Azərbaycan dövlətinin
və şanlı ordumuzun gücünü, qüdrətini bütün dünyaya bir daha nümayiş etdirdilər. Vətən müharibəsində
qazanılan Qələbədə payı olan igid oğullarımızdan biri də 25 yaşında Şəhidlik
zirvəsinə yüksələn əsgər Mustafayev Merik Musa oğludur. Döyüş
meydanında göstərdiyi igidliyə görə ölümündən sonra ölkə Prezidenti İlham
Əliyevin müvafiq Sərəncamlarına əsasən "Vətən uğrunda”, "Döyüşdə
fərqlənməyə görə”, "Füzulinin azad olunmasına görə” medalları ilə təltif
olunmuş Merik Mustafayevin bu gün cənnətdəki doğum günüdür. Bu gün yaşasaydı 26
yaşını qeyd edəcəkdi qəhrəman Vətən oğlu. Şəhidlik adlı zirvəyə ucalan şəhidimizin doğum gününü bu gün təkcə ailəsi deyil,
yaxınları, doğmaları, şəhidimizə ehtiram göstərən hər kəs qeyd edib. Ölkə
Prezidenti İlham Əliyevin və Birinci vitse-prezident Mehriban Əliyevanın
şəhidlərimizə, şəhid ailələrinə, Qarabağ müharibəsi əlillərinə, onların
ailələrinə göstərdikləri dövlət qayğısı Qazaxda da hər zaman örnək götürülür.
Bu amili əldə rəhbər tutan Qazax Rayon İcra Hakimiyyətinin başçısı
Rəcəb Babaşov əlamətdar günlərdə, şəhidlərimizin doğum və anım
günlərində onların ailələrini, məzarlarını ziyarət edir, əziz xatirələrini
ehtiramla anır. Ənənəsinə
sadiq qalan rayon rəhbəri bu gün Vətən müharibəsi şəhidi Merik Mustafayevin
cənnətdəki doğum gününü ailəsi ilə birlikdə qeyd edib.
Qazax
Rayon İcra Hakimiyyəti başçısının müavini-İctimai-siyasi və humanitar
məsələlər şöbəsinin müdiri Gulaya Həsənova, RİH başçısı aparatında
Vətən müharibəsi iştirakçıları və
şəhid ailələri ilə işin təşkili şöbəsinin böyük məsləhətçisi Məhəmməd Xəlilli ilə birlikdə şəhidimizin ata ocağında olub,
igid Vətən oğlunun əziz xatirəsini dərin ehtiramla anıb. Ölkə
Prezidenti, Ali Baş Komandan İlham Əliyevin rəhbərliyi altında qüdrətli
Azərbaycan Ordusunun 44 günlük Vətən müharibəsində qazandığı şanlı Qələbədən
danışan rayon rəhbəri həmin zəfəri bizlərə bəxş edən Merik kimi qəhrəman
oğullarımızla bu gün hər birimizin fəxr etdiyini bildirib. 44 günlük savaşda
əldə etdiyimiz tarixi Zəfərin müəllifi olan Ali Baş Komandana, şanlı Azərbaycan
Ordusuna, şəhidlərimizə, qazilərimizə borclu və minnətdar olduğumuzu qeyd edib. "Bu
gün Merikin doğum gününü onsuz qeyd etsək də, o, daim bizim qəlbimizdə yaşayır.
Şəhidlik zirvəsinə ucalan Merik yaşadığı qısa ömrünə yüz illərin qəhrəmanlıq
dastanını sığdırdı. Onun igidliyi, qəhrəmanlığı gələcək nəsillərə, gənclərə
örnəkdir. Merik kimi oğullarımızın sayəsində işğal altında olan torpaqlarımız
azad olundu və bütün şəhidlərimizin qisası alındı, bu gün onların ruhu şaddır”,
- deyən rayon rəhbəri Merik tək oğullarımızla tək bu gün deyil, illər ötsə belə
hər zaman qürur duyulacağını vurğulayıb. Rayon rəhbəri Vətən müharibəsində Şəhidlik
zirvəsinə ucalan oğullarımızın sırasında dayanan Merikin təkcə qazaxlıların,
doğma el-obasının deyil, bütöv Azərbaycanın övladı olduğunu söyləyib.
"Ölkə
Prezidenti cənab İlham Əliyevin, Birinci vitse-prezident Mehriban Əliyevanın
şəhidlərimizə, şəhid ailələrinə, qazilərimizə göstərdiyi diqqət və qayğı hər
bir dövlət məmuru, eləcə də hər kəs üçün örnək olmalıdır”, - deyən icra başçısı
şəhidimizin doğum günündə bugünkü ziyarətin kökündə də məhz həmin dövlət qayğısının
dayandığını qeyd edib. Azərbaycan xalqı var olduğu müddətcə şəhidlərimizin daim
yad olunacağını, onların qəlblərdə əbədi yaşayacağını qeyd edib. Qazaxda Vətən müharibəsi şəhidlərinin, eləcə də bütün
şəhidlərimizin adlarının əbədiləşdirilməsi istiqamətində görülmüş işlərdən
danışan rayon rəhbəri Qazax Rayon İcra Hakimiyyətinin təşəbbüsü və dəstəyi ilə
"Göyəzən” qəzetinin baş redaktoru, şair-publisist Elçin İsmayıl tərəfindən
yazılmış "Qanları ilə dastan yazanlar" kitabını, Qazax
Tarix-Diyarşünaslıq Muzeyində 338 nəfər şəhidin şəkillərindən ibarət
guşənin yaradılmasını bu sahədə atılan nümunəvi addımlardan biri kimi söyləyib.
Şəhərin mərkəzində yerləşən Şəhidlər xiyabanında Vətən müharibəsi şəhidlərinin
şəkli əks olunmuş lövhələrinin vurulduğunu diqqətə çatdırıb. Şəhərin
N.Nərimanov küçəsində Vətən müharibəsi şəhidlərinin xatirələrini əbədiləşdirən
Abidə Kompleksinin inşa olunduğunu söyləyib. Həmin Abidə Kompleksinin şəhidlərimizin
ruhuna olan böyük hörmət və ehtiramı uzun illər özündə əks etdirəcəyini, Kompleksi
ziyarət edən hər kəsin şəhidlərimizin şəkillərinin nümayiş olunduğu
monitoru, haqqında yazılmış məlumat lövhələrini izləməklə şəhidlərimizi yaxından
tanıyacağını qeyd edib. Qazaxa qonaq gələn, bu müqəddəs
ünvana üz tutan hər kəsin şəhidlərimizə olan ehtiramlarını bildirəcəklərini,
ruhları qarşısında baş əyəcəklərini vurğulayıb.
Qazax Rayon İcra Hakimiyyətinin
başçısı Rəcəb Babaşov bir daha şəhidimizə Allahdan rəhmət diləyib, əziz xatirəsini
ehtiramla yad edib, səmimi ürək sözlərini çatdırıb. Şəhidimizindoğum günündə onun xatirəsinin yad olunmasını Merikin timsalında bütün
şəhidlərimizə olan hörmət və ehtiramın bariz nümunəsi kimi qiymətləndirib. Əsgər Mustafayev Merik Musa oğlu ŞəhidMerik Mustafayev 5 noyabr 1995-ci ildə Qazax rayonunun Birinci Şıxlı kəndində
anadan olmuşdur. 2002-ci ildə Birinci Şıxlı kənd ümumi orta məktəbin 1-ci
sinifinə daxil olmuş, 2011-ci ildə həmin məktəbin 9-cu sinifini bitirmişdir.
2014-cü ildə Azərbaycan
Respublikası Səfərbərlik və Hərbi Xidmətə Çağırış üzrə Dövlət
Xidmətinin Qazax Rayon Şöbəsi tərəfindən Azərbaycan Silahlı Qüvvələrinə həqiqi hərbi xidmətə çağrılmış, 2015-ci ildə isə tərxis olunmuşdur. Ölkə Prezidentinin "Azərbaycan
Respublikasında qismən səfərbərlik elan edilməsi haqqında” müvafiq tarixli Sərəncamına
əsasən 2020-ci il sentyabr ayının 21-də Azərbaycan
Respublikası Səfərbərlik və Hərbi Xidmətə Çağırış üzrə Dövlət
Xidmətinin Qazax Rayon Şöbəsi tərəfindən qismən hərbi səfərbərliyə cəlb
olunmuşdur. "N” saylı hərbi hissənin atıcısı hərbi vəzifəli əsgər Merik
Mustafayev 26.10.2020-ci il tarixdə Füzuli-Cəbrayıl bölgəsində Qarabağ uğrunda
gedən döyüşlərdə qəhrəmancasına şəhid olmuşdur. Qəhrəman şəhidimiz
27.10.2020-ci il tarixdə doğulduğu Birinci Şıxlı kənd qəbiristanlığında
izdihamla dəfn edilmişdir. Ailəliydi. Övladı yoxdur. Bütün şəhidlərimiz
kimi Merik Mustafayevin də göstərdiyi şücaət dövlətimiz, ölkə rəhbəri tərəfindən
yüksək qiymətləndirilib. Medallarla təltif olunan şəhidlərimizin arasında şəhid
əsgərimizin də adı var. Merik Mustafayev ölümündən sonra cənab Prezident İlham
Əliyevin 15 dekabr 2020-ci il tarixli Sərəncamına əsasən "Vətən uğrunda”, 18
dekabr 2020-ci il tarixli Sərəncamına əsasən "Döyüşdə
fərqlənməyə görə”, 25 dekabr 2020-ci il tarixli Sərəncamına
əsasən "Füzulinin azad olunmasına görə” medalları ilə təltif edilmişdir. GOYEZEN.AZ
Facebook-da paylaş