27 sentyabr Anım Günü ərəfəsində Qazaxda Vətən müharibəsi şəhidlərinin məzarları və ailələri ziyarət olunub
Ermənistanın
Azərbaycana qarşı 2020-ci il sentyabrın 27-dən başlayan növbəti hərbi
təcavüzünə cavab olaraq, Azərbaycan xalqı işğal altındakı torpaqlarımızın azad
edilməsi məqsədilə Vətən müharibəsinə başladı. Bu, o Vətən müharibəsidir ki, Ali Baş Komandan İlham Əliyevin rəhbərliyi ilə
sentyabrın 27-dən başlanan Vətən müharibəsi şanlı Qələbə ilə sona çatdı, 44 gün
davam edən hərbi əməliyyatlar çərçivəsində Azərbaycan Ordusu işğalçı
Ermənistanın 30 il ərzində qurduğu silahlı qüvvələrini darmadağın edərək, böyük
zəfərə imza atdı. Xalqımızın 30 illik yurd
həsrətinə son qoyan Vətən müharibəsinin başlandığı 27 sentyabr tarixi ölkəmizdə
Anım Günü qeyd olunacaq. Respublika Prezidenti İlham Əliyevin "Azərbaycan Respublikasında
Anım Gününün təsis edilməsi haqqında” imzaladığı 2 dekabr 2020-ci il tarixli Sərəncam da bunun əyani
sübutudur. Ölkə Prezidentinin
imzaladığı Sərəncamda da qeyd edildiyi kimi: "Haqq və Şərəf işimiz olan, Azərbaycan Respublikasının
suverenliyi və ərazi bütövlüyü uğrunda gedən mübarizədə qəhrəmanlıq göstərən
əsgər və zabitlərimiz, arxa cəbhədə çalışan mülki insanlarımız, bütövlükdə
xalqımız əzm və iradə, bir yumruq kimi birlik və həmrəylik nümayiş etdirərək,
düşmənə sarsıdıcı zərbələr endirmişdir. Azərbaycan Ordusunun zəfər yürüşünə dözə bilməyən
düşmən təxribatlara əl ataraq, günahsız mülki insanları hədəfə almaqla müharibə
cinayətləri törətmişdir. Həmvətənlərimizin bir çoxu şəhid olmuş, itkin düşmüş,
yaralanaraq sağlamlığını itirmişdir. Torpaqlarımız qəhrəman şəhidlərimizin,
əsgər və zabitlərimizin, qazilərimizin qanı və canı bahasına işğaldan azad
edilmişdir. Müzəffər Ordumuzun bu gün yazdığı tarix sabah daha da güclü inkişaf
edəcək, çiçəklənəcək Azərbaycan üçün möhkəm bünövrədir. Bu, eyni zamanda,
regionda dayanıqlı və uzunmüddətli sülhü, əmin-amanlığı və təhlükəsizliyi təmin
edən mühüm amildir. Azərbaycan hər zaman mübariz oğul və qızlarının
şücaətini yüksək qiymətləndirir, bütün şəhidlərimizin ruhuna ehtiram göstərir,
xatirəsini uca tutur. Vətən müharibəsində qəhrəmancasına döyüşmüş, Azərbaycan
Bayrağını işğaldan azad edilən torpaqlarımızda dalğalandırmış, ölkəmizin ərazi
bütövlüyü yolunda canlarını fəda etmiş əsgər və zabitlərimiz, bütün
şəhidlərimiz bundan sonra da dərin ehtiramla anılacaq”. 27 sentyabr Anım Günü ilə bağlı respublikamızın hər
yerində olduğu kimi, Qazaxda da silsilə tədbirlərin
həyata keçirilməsi nəzərdə tutulub. Həmin tədbirlərə ilk olaraq Anım Günü
ərəfəsində Vətən müharibəsi şəhidlərinin məzarlarının və ailələrinin ziyarət
olunması ilə start verilib. Bu gün Qazax
Rayon İcra Hakimiyyətinin başçısı Rəcəb Babaşov öz ənənəsinə sadiq
qalaraq 44 günlük Vətən müharibəsində rayonun İkinci Şıxlı kəndindən şəhid
olmuş əsgər Elmar Omarovun,
əsgər Emil Kərimovun, Birinci Şıxlı kəndindən şəhid olmuş kapitan
Rövşən Pənahovun, əsgər Davud Qurbanovun, əsgər Babək Həsənovun, baş leytenant Nəbi Hüseynovun, əsgər Merik Mustafayevin, əsgər Nicat Nəsibovun, Yuxarı Salahlı kəndindən şəhid olmuş baş gizir Teymur Hacıyevin, leytenant Elmar Bayramlının, (MAHHXHQ) əsgər Taleh Abdullayevin məzarlarını ziyarət edib, tər qərənfillər düzüb. Rayon rəhbərliyinin təşəbbüsü və dəstəyi ilə yazılmış "Qanları ilə dastan yazanlar" kitabının
müəllifi, "Göyəzən” qəzetinin baş redaktoru, şair-publisist Elçin İsmayıl, Qazax Rayon Təhsil Şöbəsinin müdiri Nizaməddin Babanlı, Rayon Gənclər
və İdman İdarəsinin rəisi Vüqar Nəbiyev, Ağstafa Regional Mədəniyyət İdarəsinin Qazax rayonu üzrə nümayəndəsi
Valeh Vəliyev, Qazax Dövlət
Sosial-İqtisadi Kollecinin direktoru Elşad Quluyev, şəhidlərimizin vaxtilə təhsil
aldıqları məktəblərin direktorları, müəllimləri, şəhid ailələri ilə birlikdə
şəhidlərimizin əziz xatirələrini ehtiramla
yad edib. Torpaq uğrunda canından keçən igid Vətən oğullarının, bütün şəhidlərimizin
ruhuna dua oxunub, Allahdan rəhmət, ailələrinə səbir dilənib.
Rayon rəhbəri cənab
Prezident, Ali Baş Komandan İlham Əliyevin rəhbərliyi altında 44 günlük Vətən
müharibəsində şanlı tarix yazan oğullarımızla, şəhidlərimizlə, qazilərimizlə hər
kəsin fəxr etdiyini, qürur duyduğunu bildirib. Müstəqil Azərbaycan dövləti və
xalqımız var olduqca şəhidlərimizin də qəlblərdə daim əbədi yaşayacağını qeyd
edib. Şəhidlərimizin adlarını yaşatmağın, gələcək nəsillərə örnək və nümunə
göstərməyin hər birimizin üzərinə düşən ən əsas iş olduğunu vurğulayıb. "Anım Günü ərəfəsində özümə borc bildim ki,
şəhidlərimizi ziyarət edim. Ruhları qarşısında mənəvi borcumuzu az da olsa
qaytaraq”, - deyən icra başçısı tək dövlət məmuru olaraq deyil, həm də bir
vətəndaş olaraq şəhidlərimizi yad etdiyini bildirib. Anım tədbirlərinə ilk
olaraq şəhidlərimizin məzarlarının ziyarət olunması ilə başlanıldığını qeyd
edib. İcra başçısı ölkə Prezidenti İlham Əliyev, Birinci
vitse-prezident Mehriban Əliyeva tərəfindən şəhid ailələrinə, qazilərimizə
göstərilən qayğının hər birimiz üçün örnək və nümunə olduğunu qeyd edərək həmin
qayğının bundan sonra da davam etdiriləcəyini söyləyib. Ölkə başçısının Anım
Gününün respublika səviyyəsində qeyd olunması üçün imzaladığı müvafiq Sərəncamı
şəhidlərimizə olan hörmət və ehtiramın bariz nümunəsi kimi bildirib. Qazaxda Vətən müharibəsi şəhidlərinin, eləcə də bütün şəhidlərimizin
adlarının əbədiləşdirilməsi istiqamətində görülmüş işlərdən danışan rayon rəhbəri
Qazax Rayon İcra Hakimiyyətinin təşəbbüsü və dəstəyi ilə "Göyəzən” qəzetinin
baş redaktoru, şair-publisist Elçin İsmayıl tərəfindən yazılmış "Qanları
ilə dastan yazanlar" kitabını, Qazax
Tarix-Diyarşünaslıq Muzeyində 338 nəfər şəhidin şəkillərindən ibarət
guşənin yaradılmasını bu sahədə atılan nümunəvi addımlardan biri kimi söyləyib.
Şəhərin mərkəzində yerləşən Şəhidlər xiyabanında Vətən müharibəsi şəhidlərinin
şəkli əks olunmuş lövhələrin vurulduğunu, bundan əlavə, şəhərin N.Nərimanov küçəsində
xatirələrini əbədiləşdirən abidə kompleksinin inşa olunduğunu qeyd edib. Şəhidlərimizin
adlarının əbədiləşdirilməsi istiqamətində görülən işlərin bundan sonra da davam
etdiriləcəyini söyləyib. Qazaxda bütün şəhidlərimizlə yanaşı, 44 günlük Vətən
müharibəsində Müzəffər Ali Baş Komandan İlham Əliyevin rəhbərliyi altında
adlarını hərb tariximizə qızıl hərflərlə yazdıran igid oğullarımızın xatirəsinin
bundan sonra da əziz tutulacağını bir daha diqqətə çatdırıb. 44 günlük savaşda
qazandığımız tarixi nailiyyətlərə görə Ali Baş Komandana, onun rəhbərliyi
altında bizləri Qələbə ilə sevindirən Azərbaycan Ordusunun əsgər və
zabitlərinə, hərbçilərimizə, Vətən uğrunda sağlamlığını itirən qeyrətli, cəsur
qazilərimizə, canından keçən şəhidlərimizə bir ömür boyu minnətdar və borclu
olduğumuzu bir daha vurğulayıb. Şəhid əsgər Babək Həsənovun anası Gülarə Həsənova,
əsgər Nicat Nəsibovun atası Səməd Nəsibov və
başqaları Qazaxda
şəhidlərə, onların ailələrinə verdiyi yüksək dəyərə görə ölkə başçısına,
Birinci vitse-prezidentə və rayon rəhbərliyinə şəhid ailələri adından
minnətdarlıqlarını bildiriblər. Bugünkü ziyarəti övladlarının timsalında bütün
şəhidlərimizə olan dərin ehtiramın bariz nümunəsi kimi dəyərləndiriblər. Ölümündən sonra "Vətən uğrunda”, "Xocavəndin azad olunmasına görə”, "Füzulinin azad olunmasına görə”, "Şuşanın azad olunmasına görə”, "Cəsur
döyüşçü” medalları ilə təltif
olunmuş, İkinci Şıxlı kənd sakini, şəhid əsgər
Omarov Elmar Elvar oğlu Ölümündən sonra "Vətən uğrunda”, "Döyüşdə
fərqlənməyə görə”, "Füzulinin azad olunmasına görə” medalları ilə təltif olunmuş, İkinci Şıxlı kənd sakini, şəhid əsgər Kərimov Emil İlqar
oğlu Ölümündən sonra "Vətən
uğrunda”, "İgidliyə görə”, "Kəlbəcərin azad olunmasına
görə” medalları ilə təltif olunmuş, Birinci Şıxlı kənd sakini, şəhid kapitan
Pənahov Rövşən Mahmud oğlu Ölümündən
sonra "Vətən uğrunda”, "Suqovuşanın azad olunmasına görə”, "Cəsur döyüşçü” medalları ilə təltif olunmuş, Birinci Şıxlı kənd
sakini, şəhid əsgər Qurbanov Davud Tariyel oğlu Ölümündən sonra "Vətən uğrunda”, "Cəbrayılın
azad olunmasına görə”, "Laçının azad olunmasına görə”, "Qubadlının azad
olunmasına görə”, "Hərbi xidmətlərə görə” medalları ilə təltif olunmuş,
Birinci Şıxlı kənd sakini, şəhid əsgər Həsənov Babək
Saleh oğlu Ölümündən
sonra "Qarabağ” ordeni, "Vətən
uğrunda”, "Cəbrayılın azad olunmasına görə”, "Xocavəndin azad olunmasına görə”, "Kəlbəcərin
azad olunmasına görə" medalları ilə təltif olunmuş, Birinci Şıxlı kənd sakini, baş leytenant
Hüseynov Nəbi Hacıbala oğlu Ölümündən sonra "Vətən uğrunda”, "Döyüşdə fərqlənməyə görə”,
"Füzulinin azad olunmasına görə” medalları
ilə təltif olunmuş,
Birinci Şıxlı kənd sakini, şəhid əsgər Mustafayev
Merik Musa oğlu Ölümündən sonra "Vətən uğrunda”, "Cəbrayılın azad olunmasına görə”,
"Laçının azad olunmasına görə”, "Qubadlının azad olunmasına görə”,"Hərbi xidmətlərə görə” medalları ilə təltif olunmuş, Birinci
Şıxlı kənd sakini, şəhid əsgər Nəsibov Nicat Səməd oğlu Ölümündən sonra "Vətən uğrunda”, "Döyüşdə fərqlənməyə görə”, "Füzulinin azad olunmasına
görə” medalları ilə təltif olunmuş, Yuxarı Salahlı kənd
sakini, şəhid baş gizir Hacıyev Teymur Zaur oğlu Ölümündən sonra "Vətən uğrunda”, "Laçının azad olunmasına görə”, "Suqovuşanın
azad olunmasına görə” medalları ilə təltif
olunmuş, Yuxarı
Salahlı kənd sakini, şəhid leytenant Bayramlı Elmar İsa oğlu Ölümündən sonra "Vətən uğrunda”, "Döyüşdə fərqlənməyə görə”, "Füzulinin azad olunmasına
görə” medalları ilə təltif olunmuş, Yuxarı Salahlı kənd sakini, şəhid (MAHHXHQ) əsgər Abdullayev Taleh Temraz
oğlu
GOYEZEN.AZ
Facebook-da paylaş