Qazaxlı gənclər Vətən müharibəsi şəhidlərinin məzarlarını ziyarət ediblər
Şəhidlərimizi tanıyaq və
tanıdaq--------------------------- 2020-ci ilin 27 sentyabr tarixi Azərbaycan xalqının
yaddaşına bizi böyük Qələbəyə, Zəfərə aparan yolun başlanğıc tarixi kimi həkk
olundu. Qarabağ adlı haqq savaşımıza məhz o gündən başladıq və 44 gün davam
edən savaşda şanlı Azərbaycan Ordusu Silahlı Qüvvələrin Müzəffər Ali Baş
Komandanı İlham Əliyevin rəhbərliyi altında Qələbə qazandı. 30 ilə yaxın işğal
altında qalan torpaqlarımız müzəffər ordumuzun, əsgər və zabitlərimizin
şücaəti, qəhrəmanlığı sayəsində azad edildi. 10 noyabr hərb tariximizə Zəfər
Günü kimi yazıldı. Ermənistan-Azərbaycan-Dağlıq Qarabağ münaqişəsinə son
qoyan 44 günlük Vətən müharibəsi Azərbaycanın qüdrətini, güclü dövlət olduğunu
bütün dünyaya nümayiş etdirdi. Bu gün vətəndaş olaraq hər birimiz Qarabağımızı,
Şuşamızı, eləcə də işğalda olan digər torpaqlarımızı düşmən tapdağından azad
edən əsgər və zabitlərimizə minnətdar olmalı, qanları ilə dastan yazan
şəhidlərimizin ruhları qarşısında baş əyməliyik. Vətən naminə döyüşən və
yaralanan qazilərimizlə, canlarından keçən şəhidlərimizlə hər zaman qürur
duymalı, onları tanımalı və tanıtmalıyıq. Qazax Rayon Gənclər və İdman İdarəsinin əməkdaşları və könüllüləri də Vətən uğrunda
canından keçən şəhidlərimizi hər zaman yad edir, əziz xatirələrini dərin
ehtiramla anırlar. Öz ənənəsinə sadiq qalan gənclər bu dəfə şəhərdəki
şəhidlər qəbiristanlığına gələrək Vətən müharibəsində Şəhidlik zirvəsinə ucalan
igid Vətən oğullarının məzarlarını ziyarət ediblər. Ölümündən sonra "Vətən uğrunda”, "Füzulinin
azad olunmasına görə”, "Döyüşdə fərqlənməyə görə” medalları ilə
təltif olunmuş, Qazax şəhər sakini, şəhid gizir Orucov Elvin Rövşən
oğlunun, ölümündən sonra "Vətən uğrunda”, "Ağdamın
azad olunmasına görə” medallarıilə təltif olunmuş, Qazax şəhər sakini, şəhid əsgər
Hüseynov İlqar Yaşar oğlunun, ölümündən sonra "Vətən uğrunda”, "Döyüşdə fərqlənməyə görə”, "Füzulinin azad olunmasına görə” medalları ilə təltif olunmuş, Qazax
şəhər sakini, şəhid çavuş Veyisli Xaliddin Zərgər
oğlunun, ölümündən sonra "Vətən uğrunda”,
"Şuşanın azad olunmasına görə”, "Xocavəndin azad olunmasına
görə”, "Kəlbəcərin azad olunmasına görə”, "İgidliyə görə” medalları
ilə təltif olunmuş, Hüseynbəyli kənd sakini, şəhid kiçik gizir Mədətov Röyal Şahin oğlunun, ölümündən sonra "Vətən uğrunda",
"Xocavəndin azad olunmasına görə", "Laçının azad olunmasına
görə” medalları ilə təltif olunmuş, Canalı kənd sakini, şəhid əsgər Əliyev
İlkin Bəxtiyar oğlunun məzarlarına tər qərənfillər düzərək əziz
xatirələrini ehtiramla anıblar. Qazax Rayon Gənclər və İdman İdarəsinin rəis müavini
Sahib Namazov 44 günlük Vətən müharibəsinin dünya ictimaiyyətinə Azərbaycan Ordusunun nə qədər
qüdrətli ordu olduğunu, hərbçilərimizin döyüşlərdəki peşəkarlığını,
qəhrəmanlığını və məharətini göstərdiyini bildirib. 30 illik həsrətdən sonra
düşmən tapdağında olan torpaqlarımızın Ali Baş Komandanın rəhbərliyi altında
Şanlı Ordumuz tərəfindən işğaldan azad olunduğunu, hər kəs tərəfindən Qələbə,
Zəfər dolu anların bu gün də qürur hissi ilə xatırlandığını qeyd edib. Böyük
zəfəri bizlərə bəxş edən qəhrəman oğullarımıza bir ömür boyu borclu olduğumuzu,
bütün şəhidlərimizin əziz xatirələrinin daim yad olunacağını, qəlbimizdə əbədi
yaşayacaqlarını vurğulayıb. Ölkə Prezidenti İlham Əliyev, Birinci
vitse-prezident Mehriban Əliyeva və rayon rəhbərliyi tərəfindən şəhid ailələrinə,
qazilərimizə göstərilən dövlət qayğısından söz açan S.Namazov bugünkü ziyarətin
də məhz həmin qayğının davamı olduğunu, həmin məqsəd və amala xidmət etdiyini
diqqətə çatdırıb. Gələcək nəsillərə şəhidlərimizi tanıtmağın ən ümdə iş
olduğunu söyləyib. Qəhrəman şəhidimiz gizir Elvin Orucovun anası Səidə
Orucova övladının xatirəsini əziz tutduqlarına, yad etdiklərinə görə gənclərə
razılığını bildirib. Şəhid anası kimi təkcə övladı Elvinlə deyil, bütün
şəhidlərimizlə fəxr etdiyini dilə gətirib. Elvinin tək qazaxlıların oğlu deyil,
bütöv Azərbaycanın övladı olduğunu söyləyib. Bugünkü ziyarəti bütün
şəhidlərimizə olan ehtiramın bariz nümunəsi kimi qiymətləndirib. Ölümündən sonra "Vətən uğrunda”, "Füzulinin azad olunmasına görə”, "Döyüşdə fərqlənməyə görə” medalları ilə təltif olunmuş, Qazax şəhər
sakini, şəhid gizir Orucov Elvin Rövşən oğlunun məzarı Ölümündən sonra "Vətən uğrunda”, "Ağdamın azad olunmasına görə” medalları ilə təltif olunmuş, Qazax şəhər
sakini, şəhid əsgər Hüseynov İlqar Yaşar
oğlunun məzarı Ölümündən sonra "Vətən
uğrunda”, "Döyüşdə fərqlənməyə görə”, "Füzulinin azad
olunmasına görə” medalları ilə təltif olunmuş, Qazax şəhər
sakini, şəhid çavuş Veyisli
Xaliddin Zərgər oğlunun məzarı Ölümündən sonra "Vətən uğrunda”, "Şuşanın azad olunmasına görə”, "Xocavəndin azad olunmasına görə”,
"Kəlbəcərin azad olunmasına görə”, "İgidliyə görə” medalları ilə təltif olunmuş,
Hüseynbəyli kənd sakini, şəhid kiçik gizir Mədətov Röyal Şahin oğlunun məzarı Ölümündən sonra "Vətən uğrunda",
"Xocavəndin azad olunmasına görə", "Laçının azad olunmasına görə” medalları
ilə təltif olunmuş, Canalı kənd sakini, şəhid əsgər Əliyev İlkin Bəxtiyar oğlunun məzarı GOYEZEN.AZ
Facebook-da paylaş