Prezidentə yazırlar: “Nə qədər ki, Siz bizim Prezidentimizsiniz, biz öz müstəqilliyimizi qoruyub saxlayacağıq”
Şanlı Ordumuzun qazandığı
nailiyyətləri könül xoşluğu, fərəh hissi ilə qarşılayan Azərbaycan
vətəndaşları, xaricdə yaşayan soydaşlarımız Qarabağ müharibəsində qazandığımız
tarixi Qələbə münasibətilə Prezident, Müzəffər Ali Baş Komandan İlham Əliyevə
məktublar ünvanlamaqda davam edirlər. Sevinc hisslərini ifadə etdikləri
məktublarda onlar dövlətimizin başçısına minnətdarlıqlarını bildirir, Zəfər
təbriklərini çatdırırlar. Hər kəs kimi qazaxlılar da
onlara sevinc və qürur hisslərini yaşadan Ali Baş Komandanı və şanlı Ordumuzu
təbrik edirlər. Bunu ölkə başçısına ünvanlanmış sevinc, fərəh, qürur dolu
təbrik məktublarından da oxumaq olur. Prezidentin
saytına ünvanlanmış təbrik və minnətdarlıq dolu növbəti məktubu təqdim
edirik. Əsgər Hacıyevdən, Hörmətli
cənab Ali Baş Komandan. Sizi və
xalqımızı Qələbə münasibətilə təbrik edirəm. Nə qədər ki, Siz bizim
Prezidentimizsiniz, biz öz müstəqilliyimizi qoruyub saxlayacağıq. 44 günlük
Vətən müharibəsində Sizin nə hisslər keçirdiyinizi bizlər televiziya qarşısında
olarkən gördük, hansı ölkələrin bizə dost və qardaş, hansının yad olduğunu
bildik. Yaşasın
Azərbaycan-Türkiyə qardaşlığı! Yaşasın cənab Müzəffər Ali Baş Komandan! Yaşasın
Azərbaycanın müzəffər Ordusu! Qarabağ
bizimdir! Qarabağ Azərbaycandır! Hörmətlə, Hacıyev
Əsgər Elvin oğlu. Azərbaycan
Respublikası, Qazax şəhəri.
Facebook-da paylaş