Vətəndaş məktubundan: “Cənab Prezident, Azərbaycan xalqı Sizinlə fəxr edir”
Azərbaycanın 2020-ci ilin 27 sentyabrında başlayan
və 10 noyabrında tarixi Qələbə ilə başa çatan Vətən müharibəsi öz
əks-sədası ilə hələ uzun müddət bütün dünyaya səs salacaq. Çünki Azərbaycanın
igid, mərd, qəhrəman oğulları 44 günlük bu müharibədə "Qarabağ Azərbaycandır!”
deyərək haqq savaşına çıxdı və sonda qələbə çaldı. Ölkə Prezidenti, Silahlı
Qüvvələrin Ali Baş Komandanı İlham Əliyevin rəhbərliyi altında şanlı Ordumuzun
gücü, qüdrəti sayəsində bütün dünya Azərbaycan xalqının nə qədər böyük xalq
olduğunu gördü. Bütün dövlətlər, xalqlar Azərbaycan xalqının yenilməz xalq,
dəmir iradəli xalq, müzəffər xalq olduğunun şahidi oldu. Bu gün hər birimiz 30 illik Vətən həsrətinə son qoyan,
şanlı tarix dolu Qələbə sevincini bizə yaşadan möhtərəm Ali Baş Komandana,
Azərbaycan Ordusuna, Azərbaycan Əsgərinə minnətdarıq. Şanlı Ordumuzun qazandığı nailiyyətləri könül xoşluğu,
fərəh hissi ilə qarşılayan Azərbaycan vətəndaşları, xaricdə yaşayan
soydaşlarımız Qarabağ müharibəsində qazandığımız tarixi Qələbə münasibətilə
Prezident, Müzəffər Ali Baş Komandan İlham Əliyevə məktublar ünvanlamaqda davam
edirlər. Sevinc hisslərini ifadə etdikləri məktublarda onlar dövlətimizin
başçısına minnətdarlıqlarını bildirir, Zəfər təbriklərini çatdırırlar. Hər kəs kimi qazaxlılar da onlara sevinc və qürur
hisslərini yaşadan Ali Baş Komandanı və şanlı Ordumuzu təbrik edirlər. Bunu ölkə
başçısına ünvanlanmış sevinc, fərəh, qürur dolu təbrik məktublarından da oxumaq
olur. Prezidentin saytına ünvanlanmış təbrik və
minnətdarlıq dolu növbəti məktubu təqdim edirik. Zakir Yunisovdan, Müzəffər Ali Baş Komandan İlham Əliyev, Bütün dünyaya özünü, millətini tanıdan, düşmənlərin
öhdəsindən layiqincə gələn qəhrəman Prezidentimiz, Sizi ailə üzvlərim və bütün
Qazax əhalisi adından səmimi qəlbdən təbrik edir, Sizə uzun ömür və cansağlığı,
qələbənin daim Sizinlə bir olmasını arzu edirəm. Cənab Prezident, Azərbaycan xalqı Sizinlə fəxr edir.
Sizi ömürlük Prezident kimi görmək arzusundadır. Sizi istəməyən azərbaycanlı
ola bilməz. Qarabağ bizim dərd yerimiz idi. O problemi də Siz həll etdiniz. Vaxtilə düşmənin
beş il ərzində zəbt etdiyi torpaqları Siz 44 gündə geri aldınız. Artıq
heç bir çətinliyimiz, problemimiz qalmadı. Eşq olsun
Sizə! Eşq olsun Azərbaycan Ordusuna! Eşq olsun qardaş Türkiyənin Prezidenti
Ərdoğana! Bizə dayaq olan hər kəsə təşəkkür edir, onlarla qürur duyuruq. Yer üzərində
Sizin kimi Prezident olmayıb, olmayacaq da. Siz ömürlük tarixə düşdünüz. Ulu
Öndərin ruhu şad oldu. Cənab
Prezident, Siz hər kəsin qeydinə qaldığınız üçün ölkənin başında hər zaman Siz
duracaqsınız. Qələbə hər zaman Sizinlə olsun. Cənab İlham
Əliyev, Sizin bütün çıxışlarınızı böyük həvəslə izləyirik. Bütün danışıqlarınız
ömürlük yaddaşlara həkk olunub. Millətimiz bir olduğu zaman Vətənimiz basılmaz.
Millətimiz daim dəmir yumruq kimi bir olmalıdır. Müzəffər Ali
Baş Komandan! Mən Sizin yolunuzda ölümə belə getməyə hazıram. Eşq olsun
Prezidentimizə! Hörmətlə, Yunisov
Zakir Sirəc oğlu, Azərbaycan
Respublikası, Qazax rayonu, Aslanbəyli kəndi.
Facebook-da paylaş