Prezidentə yazırlar: “Müzəffər Ali Baş Komandan, mənfur düşməni torpaqlarımızdan qovduğunuza və xalqımıza Qələbə sevinci yaşatdığınıza görə Sizə minnətdarıq”
27
sentyabrdan başlayan Qarabağ adlı haqq savaşımız 10 noyabrda böyük tarixi
Qələbə ilə başa çatdı. Həmin tarixi andan sayılı günlər arxada qalmasına
baxmayaraq xalqımız həmin Qələbənin sevincini bu gün də yaşayır. Haqq
savaşımızda bizlərə böyük zəfəri bəxş edən ölkə Prezidenti, Silahlı Qüvvələrin
Ali Baş Komandanı İlham Əliyevin rəhbərliyi altında öz adlarını tarixin
səhifələrinə qızıl hərflərlə yazdıran Azərbaycan Ordusunun əsgər və zabitlərini
qürur hissi ilə xatırlayırlar. 44 günlük döyüşdə düşmənlə yanaşı, bütün dünya
dövlətlərinin Azərbaycanın və onun şanlı ordusunun gücünü, qüdrətini görməsini ölkəmizin
növbəti uğuru kimi qiymətləndirirlər. Şanlı Ordumuzun qazandığı nailiyyətləri
könül xoşluğu, fərəh hissi ilə qarşılayan Azərbaycan xalqı əldə edilən
qələbələrə görə ölkə Prezidenti, Silahlı Qüvvələrin Ali Baş Komandanı İlham
Əliyevi və Azərbaycan Ordusunu təbrik edir, qazanılan qələbəyə görə sonsuz
minnətdarlıqlarını bildirirlər. Bunu hər gün ölkə başçısına ünvanlanmış sevinc,
fərəh, qürur dolu təbrik məktublarından da oxumaq olur. Hər kəs kimi qazaxlılar
da onlara sevinc və qürur hisslərini yaşadan Ali Baş Komandanı və şanlı
Ordumuzu təbrik edirlər. Prezidentin
saytına ünvanlanmış təbrik və minnətdarlıq dolu növbəti məktubları təqdim
edirik. Tanya
Muradovadan, Hörmətli
cənab Prezident. Sizə öz təşəkkürümüzü və dəstəyimizi bildiririk. Sizə
gələcək işlərinizdə yeni-yeni uğurlar arzulayırıq. Sizin xalqımıza və millətimizə göstərdiyiniz qayğı,
diqqət təqdiyəlayiqdir. Hazırda çox çətin bir dövr olduğunu hamı anlayır. Siz
həm koronavirus pandemiyası, həm də xain düşmənlə mübarizə aparırsınız.
İkisinin də öhdəsindən layiqincə gəldiniz. Sizə dərin minnətdarlığımızı bildiririk. Biz Sizə inanırıq və həmişə inanacağıq. Hörmətlə, Tanya
Muradova Azərbaycan
Respublikası, Qazax rayonu. Bəhruz Rəhimovdan, Möhtərəm
Prezident, müzəffər Ali Baş Komandan. Mənfur
düşməni torpaqlarımızdan qovduğunuza görə, xalqımıza Qələbə sevinci
yaşatdığınıza görə Sizə minnətdarıq. Sizin
komandanlığınızla torpaqlarımız bütövləşdi. Məqsədyönlü
və uzaqgörən daxili və xarici siyasətinizdə Sizə bol-bol uğurlar arzulayıram.
Əminəm ki, rəhbərliyinizlə Azərbaycan bundan sonra daha da inkişaf edəcəkdir. Sizə uzun
ömür, cansağlığı arzulayıram. Hörmətlə, Bəhruz
Rəhimov Azərbaycan
Respublikası, Qazax rayonu, Hüseynbəyli kəndi.
Facebook-da paylaş