Qazaxda 2020-2021-ci tədris ilinin başlanması ilə əlaqədar qarşıda duran vəzifələr müzakirə olunub
Bu gün Qazaxda 2020-2021-ci
tədris ilinin başlanması ilə əlaqədar Azərbaycan Respublikası Nazirlər
Kabinetinin "Xüsusi karantin rejimi dövründə Azərbaycan Respublikasında fəaliyyət
göstərən təhsil müəssisələrində tədris və təlim-tərbiyə prosesinin təşkili barədə”
29 avqust 2020-ci il tarixli 312 nömrəli Qərarından irəli gələn məsələlər və qarşıda
duran vəzifələr müzakirə olunub. Qazax Rayon İcra
Hakimiyyətinin məsul işçiləri və Rayon Təhsil Şöbəsinin əməkdaşları tərəfindən
aparılan müzakirədə görülməsi vacib olan bir sıra məsələlərə toxunulub. 2020-2021-ci tədris
ilinin başlanması ilə əlaqədar təhsil müəssisələrində tibbi-profilaktik,
dezinfeksiyaedici və digər qabaqlayıcı tədbirlərin həyata keçirilməsi, təhsil
müəssisələrinə buraxılış rejiminin sanitar-epidemioloji tələblər nəzərə
alınmaqla təşkil olunması, Pandemiya ilə əlaqədar şagirdlərin dərsə
başlamalarının növbəli şəkildə tənzimlənməsi, şagirdlərin siniflərdə yerləşdirilməsinin tənzimlənməsi, məktəbə daxil olan
hər bir müəllimin və şagirdin temperaturunun ölçülməsi üçün aparatların, siniflərdə
dezinfeksiyaedici məhlulların təşkil edilməsi, şagirdlərin temperaturlarını ölçmək üçün şəxslərin
ayrılması, tibbi maskadan istifadənin nəzarətə götürülməsi və ehtiyat
maskaların təşkili, Pandemiya qaydalarına necə əməl edilməsi
ilə əlaqədar məktəbdə və siniflərdə maarifləndirici lövhələrin hazırlanması və
vurulması, məktəblərin su və istilik sisteminin nəzarətdə saxlanması və s. məsələlər
müzakirə edilib. Rayon rəhbərliyi tərəfindən Təhsil Şöbəsinin müdiri Nizaməddin
Babanlıya və digər əməkdaşlara aidiyyəti üzrə müvafiq tapşırıqlar verilib. Onu da qeyd edək ki, cənab Prezident İlham Əliyev
tərəfindən ölkəmizdə təhsil sahəsinə göstərilən diqqət və qayğı sayəsində
həyata keçirilən məqsədyönlü tədbirlər, Birinci vitse-prezident, Heydər Əliyev
Fondunun prezidenti Mehriban Əliyevanın təşəbbüsü ilə Fondun reallaşdırdığı
"Yeniləşən Azərbaycana yeni məktəb” layihəsi Qazaxda da uğurla icra olunur."Azərbaycan Respublikası regionlarının
2019–2023-cü illərdə sosial-iqtisadi inkişafı Dövlət Proqramı”nın həyata
keçirilməsi üzrə hazırlanmış tədbirlər planına Qazax rayonu üzrə 11 məktəb
binasının əsaslı təmirinin və ya tikintisinin salınması bunun əyani
sübutudur. Bu, Qazaxın timsalında bölgələrimizdə təhsil sahəsinə olan qayğının
daha bir bariz nümunəsidir. Təkcə bu il Heydər Əliyev Fondu tərəfindən rayonda
Sarıvəlli kənd tam orta məktəb üçün 220 şagird yerlik yeni binanın inşa
olunması, yenə də Fond tərəfindən Xalq yazıçısı İsmayıl Şıxlının adını daşıyan
1176 şagird yerlik Kosalar kənd tam orta məktəbin əsaslı şəkildə yenidən
qurulması, Təhsil Nazirliyi tərəfindən Aydın Məmmədov adına Qaymaqlı kənd tam orta məktəb
üçün 180
şagird yerlik yeni binanın tikilməsi, ölkə başçısı
tərəfindən Mehdi Hüseyn adına humanitar və təbiət fənləri üzrə məktəb-lisey
binasının əsaslı təmiri ilə bağlı imzalanan 5 mart, daha sonra məktəb-lisey
binasının əsaslı təmiri ilə bağlı imzalanmış Sərəncama dəyişiklik edilərək sökülərək yenidən tikilməsi haqqında imzalanan 4 avqust 2020-ci il tarixli Sərəncam Qazax
təhsilinə və gələcəyimiz olan uşaqlara olan dövlət qayğısı deməkdir. Bu gün hər
bir qazaxlı təhsil işçisi təhsil sahəsinə göstərilən diqqət və qayğıya görə
ölkə başçısına və Birinci vitse-prezidentə minnətdarlıq edirlər.
GOYEZEN.AZ
Facebook-da paylaş