Çoxmənzilli binada aparılan əsaslı təmir işləri yekunlaşmaq üzrədir
Bu gün ümummilli
lider Heydər Əliyevin müəyyənləşdirdiyi siyasi xətt uğurla davam etdirilir
desək yanılmarıq. Çünki ulu öndərin layiqli davamçısı Prezident İlham Əliyevin
rəhbərliyi ilə sosial islahatların əhatə dairəsi ildən-ilə daha da genişləndirilir.
Son 15 ildir ki, ölkə başçısının əhalinin məşğulluğunun və rahat
yaşayışının təmin olunması, mənzil-məişət şəraitinin yaxşılaşdırılması
istiqamətində verdiyi tapşırıq və tövsiyələr bunun bariz nümunəsidir. Məhz dövlət
başçısının bu diqqət və qayğısı sayəsində hər il paytaxtla yanaşı,
respublikamızın bölgələrində də ictimai yaşayış binaları tikilərək
istifadəyə verilir və yaxud da mövcud çoxmənzilli yaşayış binaları əsaslı
şəkildə təmir olunur. Diqqət çəkən
məqamlardan biri də odur ki, respublikamızda aparılan sürətli və dinamik
inkişaf bölgələrimizdə də hiss olunur. Təkcə son iki il yarım ərzində ölkə
başçısının Qazaxda çoxmənzilli binaların
əsaslı şəkildə təmir olunması ilə bağlı imzaladığı 20 oktyabr 2016-cı il
tarixli Sərəncamın olduğu kimi icra olunması bunun bariz nümunəsidir. Həmin
Sərəncama əsasən ötən il 78, bu il isə daha 49 ədəd çoxmənzilli yaşayış
binalarının fasadında, bloklarında, pilləkan qəfəslərində, su-kanalizasiya,
elektrik, rabitə və qaz xətlərində əsaslı təmir, rənglənmə və həyətlərində
abadlıq işlərinin aparılması, 3 çoxmənzilli yaşayış binasının həyətində isə
xeyir-şər evlərinin tikilməsi və təmir olunması, eləcə də bir binanın həyətində
bu işin davam etdirilməsi görülən işlərin əyani göstəricisidir. Rayonda olan
163 ədəd çoxmənzilli yaşayış binasından artıq 127-nin yüksək səviyyədə təmir
olunması və sakinlərin istifadəsinə verilməsi vətəndaşların yaşayış şəraitinin
yaxşılaşdırılması istiqamətində görülən əsas işlərdir. Şəhərin Heydər
Əliyev prospektində yerləşən 61A, 63, 65 nömrəli, "Hərbi şəhərcik” adlanan
yaşayış massivində hərbçi ailələrinin yaşadığı 2,3,4,5,60, 64 saylı, Bakı
küçəsi 2 ünvanında, "Göy bina” adlandırılan ərazidə yerləşən 2 bloklu, 5
mərtəbəli, Azadlıq küçəsi 206A ünvanında yerləşən 6 bloklu, 5 mərtəbəli, N.Nərimanov yaşayış massivində yerləşən
13,31,32,41,42,43,44,45,46,47,48 saylı, "Gillik” adlandırılan ərazidə,
Ə.Şıxlinski küçəsində yerləşən 4 və 5 saylı beşmərtəbəli yaşayış binaları Cari
ildə rayonda təmir olunan həmin binalara
nümunədir. Bundan əlavə,
dövlət başçısının respublikanın şəhər və rayonlarında çoxmənzilli binaların dam
örtüklərinin təmiri ilə bağlı əlavə tədbirlər haqqında imzaladığı 4
oktyabr 2018-ci il tarixli Sərəncamı da bu sahədə görülən işlərin uğurla
davam etdirilməsi deməkdir. Sərəncama əsasən şəhərin Azadlıq küçəsi 92
ünvanında yerləşən 4 bloklu, 5 mərtəbəli, 36 ailənin və Bakı küçəsi 1
ünvanında yerləşən 3 bloklu, 5 mərtəbəli, 30 ailənin yaşadığı binaların dam
örtüklərinin dəyişdirilməsini görülən işlərin əyani sübutu kimi qiymətləndirmək
olar. Hal-hazırda
isə şəhərin N.Nərimanov yaşayış
massivində yerləşən 4 bloklu, 5 mərtəbəli, 1 saylı və Ə.Şıxlinski küçəsində yerləşən,
keçmiş kənd təsərrüfatı texnikumunun yataqxanası olan, 37 ailənin yaşadığı
"Oxumaq-oxumaq” adlanan binalar da əsaslı şəkildə təmir olunur. Məlumat
verdiyimiz kimi, rayonda əsaslı şəkildə təmir olunan çoxmənzilli binalardan
biri də şəhərin N.Nərimanov yaşayış massivində yerləşən, 4 bloklu,
5 mərtəbəli, 1 saylı binadır. Bu binada da artıq
əsas işlərin xeyli hissəsi görülüb. Qazax Rayon
İcra Hakimiyyətinin başçısı Rəcəb Babaşov binada iş başlayan ilk gündən
mütəmadi olaraq görülən işlərlə yaxından tanış olur, keyfiyyətli aparılması
üçün öz tapşırıq və tövsiyələrini verir. Rayon rəhbəri
bu gün də təmir olunan binaya baş çəkib, işlərlə maraqlanıb. İcra başçısına
məlumat verilib ki, binanın istər bloklarında,
istərsə də xarici fasadında əsaslı təmir işləri aparılıb. Belə ki, bloklarda və
xarici fasadda suvaq və üzlük vurulub. Elektrik, qaz xətləri səliqəyə salınıb.
Bloklara giriş qapıları qoyulub. Həyətdə olan köhnə daşlar sökülərək səliqəyə
salınıb, blokların giriş hissəsinə beton tökülüb. Bundan başqa, binanın
kənarında sakinlərin rahat şəkildə gediş-gəlişini təmin etmək üçün yeni beton
pilləkanlar qoyulub. Həyətdə olan qarajların xarici fasadı suvanaraq rənglənib. Çoxmənzilli yaşayış binasında görülən əsas işlərdən biri də bina
sakinlərinin istəyini nəzərə alaraq binanın həyətində xeyir-şər evinin
tikilməsidir. Xeyir-şər evinin xarici və daxili fasadında suvaq işləri
aparılaraq rənglənib. Qapı və pəncərələr qoyulub. Hazırda xeyir-şər evinin dam
örtüyü vurulur. Çoxmənzilli
binalarda görülən işləri rayon sakinləri də yüksək qiymətləndirirlər.
Respublikamızda, eləcə də rayonda görülən genişmiqyaslı abadlıq, quruculuq
işlərinə görə ölkə başçısı İlham Əliyevə, rayon rəhbərliyinə öz dərin
minnətdarlıqlarını bildirirlər. GOYEZEN.AZ
Facebook-da paylaş