Prospektdə çoxmənzilli binalarda aparılan əsaslı təmir işləri başa çatmaq üzrədir
Bu gün Qazax
Rayon İcra Hakimiyyətinin başçısı Rəcəb Babaşov prospektdə təmir işləri
aparılan çoxmənzilli binalarda olub, görülən işlərlə maraqlanıb.
İcra başçısına
məlumat verilib ki, təmir aparılan binalardan – 63 saylı binada görülən bütün
işlər tam başa çatıb. 65 və 61A saylı binalarda bloklarda rənglənmə işləri
görülür. Bundan əlavə, binaların həyətində köhnə işıq dirəkləri yenisi ilə əvəz
olunub və SİP kabelləşmə işi aparılıb.
Görülən işlərlə
tanış olduqdan sonra rayon rəhbəri hər bir binanın qarşısına asfalt vurulmasını
və oturacaqlar qoyulmasını bildirib. Həmçinin, işlərin sürətlə və keyfiyyətlə
aparılmasını bildirərək tapşırıq və tövsiyələrini verib.
Bina sakinləri səmimi
ürək sözlərini çatdıraraq respublikamızda, eləcə də Qazax rayonunda görülən
işlərdən söz açıblar. Qeyd ediblər ki, bu gün Qazaxda həyata keçirilən
genişmiqyaslı tikinti-quruculuq işlərinin arasında rayonda olan çoxmənzilli
binaların da əsaslı şəkildə təmir olunması bizi çox sevindirir. Biz
sakinlər bu görülən işlər sayəsində dövlət başçısının Qazaxda çoxmənzilli
binaların əsaslı təmir olunması ilə bağlı imzaladığı 20 oktyabr 2016-cı il
tarixli Sərəncamın son 2 il 4 ay ərzində uğurla icra edildiyinin şahidi oluruq.
Bu məqsədlə ötən il rayonda 78 çoxmənzilli yaşayış binasının əsaslı şəkildə
təmir olunaraq sakinlərin istifadəsinə verilməsi, bu il isə daha 85 ədəd
çoxmənzilli yaşayış binalarında əsaslı təmir işlərinin aparılması bunun bariz
nümunəsidir. Rayon rəhbərliyinin tapşırığına əsasən nəzərdə tutulan həmin
binalardan 74-nün dam örtüyünün dəyişdirilməsi bu istiqamətdə görülən işlərin
uğurla həyata keçirilməsi deməkdir. Sevindirici
haldır ki, bu il təmiri nəzərdə tutulan həmin çoxmənzilli binalardan artıq 15-i
tam hazırdır. "Hərbi şəhərcik” adlanan yaşayış massivində hərbçi
ailələrinin yaşadığı 2,3,4,5 saylı, N.Nərimanov yaşayış massivində yerləşən
13,31,32,41,42,43,44,45,46,47,48 saylı çoxmənzilli yaşayış binaları həmin tam
təmirli binalar sırasındadır.
Sakinlər bildiriblər ki, biz də sevinirik ki, bu gün
bizim yaşadığımız Heydər Əliyev prospektində yerləşən 3,4 və 5 mərtəbəli
61A, 63, 65 saylı yaşayış binalarında da əsaslı təmir işləri aparılır. Demək
olar ki, bu binalarda da işlərin çox hissəsi görülüb. Təmir aparılan
bütün binaların bloklarında divarlarda olan köhnə suvaqlar çapılaraq yenidən
vurulub. Daxili fasadla yanaşı, binanın xaricində də suvaq işləri aparılıb.
Bundan əlavə, binaların giriş hissələrinə yeni dəmir qapılar qoyulub. Elektrik
və telefon xətləri səliqəyə salınıb. Bir sözlə, görülən bütün işlər göz
oxşayır.
Çoxmənzilli
binaların yüksək səviyyədə təmir olunmasına görə Respublika Prezidenti İlham
Əliyevə, Rayon İcra Hakimiyyətinin başçısı Rəcəb Babaşova öz dərin minnətdarlıqlarını
bildirən bina sakinləri ölkə başçısının imzaladığı Sərəncamın rayonda olduğu
kimi icra edilməsini yüksək qiymətləndiriblər.
Məlumat üçün
bildirək ki, "Gillik” adlandırılan ərazidə yerləşən 4 və 5 saylı
beşmərtəbəli yaşayış binalarında da görülən işlər sürətlə davam etdirilir.
4 saylı binada
dam örtüyünün vurulması və bloklarda görülən işlər tam başa çatıb. Bütün
bloklarda elektrik və telefon xətləri səliqəyə salınıb. Hazırda binanın xarici
fasadında son tamamlanma işləri aparılır.
5 saylı binada
da 3 blok tam hazırdır. Bir blokda isə rənglənmə işləri və binanın dam
örtüyünün dəyişdirilməsi sürətlə davam etdirilir. GOYEZEN.AZ
Facebook-da paylaş