Fəaliyyətə başladığı ilk gündən rayon sakinlərinin yanında olan, mütəmadi olaraq onları narahat edən məsələləri öz dillərindən eşitməyi iş planının əsas hissəsi hesab edən Qazax Rayon İcra Hakimiyyətinin başçısı Rəcəb Babaşov nəninki rayonun bütün kəndlərində, eləcə də şəhərdə yaşayan sakinlərə hörmətlə yanaşır. Daim onların arasında olaraq mövcud vəziyyətlə tanış olur, sakinlərə göstərilən diqqət və qayğı ilə maraqlanır.

Bu gün rayon rəhbərliyi iş saatının bitməsinə baxmayaraq şəhər sakinlərinin rahatlığının necə təmin olunması, şəhərdə yaradılan səliqə-sahman və digər məsələlərlə bağlı Şəhidlər Xiyabanı, “Fəxri qazaxlılar” parkı və şəhərin giriş hissəsində Dilboz atın heykəlinin qoyulduğu ərazidə olub, mövcud vəziyyətlə yerində tanış olub.

Rayon rəhbəri şəhərdə səliqə-sahman yaradılması və işıq sisteminin gücləndirilməsi ilə bağlı bu istiqamətdə öz tapşırıq və tövsiyələrini verib.