Qazaxlı gənclər 8 Noyabr – Zəfər Günü ərəfəsində Vətən müharibəsi şəhidlərinin xatirəsini əbədiləşdirən Abidə Kompleksini ziyarət ediblər
8 Noyabr – Zəfər Günü Qazax
Rayon Gənclər və İdman İdarəsi tərəfindən də qeyd olunub. İdarə tərəfindən
rayonun sərhəd kəndlərində yaşayan gənclərin, Vətən müharibəsi qazilərinin və iştirakçılarının iştirakı ilə 44 günlük Vətən
müharibəsi şəhidlərinin xatirəsinə yaradılmış Abidə Kompleksi ziyarət edilib. Gənclər torpaqlarımızın ərazi
bütövlüyü uğrunda canından keçən şəhidlərimizin əziz xatirəsini bir dəqiqəlik
sükutla ehtiramla anıblar. Abidə Kompleksində şəhidlərimizin
şəkillərinin nümayiş olunduğu monitoru, haqqında yazılmış məlumat lövhələrini
izləməklə igid oğullarımızı yaxından tanıyıblar.
Qazax Rayon Gənclər və İdman İdarəsinin
rəisi Vüqar Nəbiyev tədbiri giriş sözü ilə açaraq iştirakçıları salamlayıb, 8
Noyabr – Zəfər Günü münasibətilə səmimi təbriklərini çatdırıb. V.Nəbiyev qeyd edib
ki, 44 gün davam edən müharibə dövründə "Dəmir yumruq"
əməliyyatı həyata keçirən ölkəmiz erməni işğalçılarını diz çökdürdü. Nəticədə
Ermənistan kapitulyasiya aktını imzalamağa məcbur oldu. İkinci Qarabağ
müharibəsi Azərbaycan tarixinə qızıl hərflərlə yazıldı. Azərbaycanın qəhrəman
oğulları otuz ilə yaxın bir müddət ərzində düşmən tapdağı altında olan
torpaqlarımızı işğaldan azad etməklə Azərbaycan xalqına böyük qələbə yaşatdı. V.Nəbiyev
bugünkü Zəfərimizi, Qələbəmizi Müzəffər Ali Baş Komandan İlham Əliyevə,
şəhidlərimizə, qazilərimizə, hərbçilərimizə borclu olduğumuzu bildirib. Qeyd
edib ki, 44 günlük Vətən müharibəsində rayonumuzun gəncləri də igidlik nümayiş
etdirərək Azərbaycanın ərazi bütövlüyü uğrunda canlarından keçdilər. Vətən
müharibəsində Qazaxın 51 nəfər igid oğlu ən ali zirvə olan Şəhidlik zirvəsinə
ucaldı. Ölkə Prezidenti İlham Əliyev, Birinci vitse-prezident Mehriban Əliyeva,
rayon rəhbərliyi tərəfindən şəhidlərimizə, qazilərimizə, onların ailələrinə
göstərilən qayğıdan, hörmət və ehtiramdan söz açan natiq həmin qayğının hər kəs
üçün nümunə olduğunu bildirib. Bugünkü ziyarətin həmin ehtiramın davamı
olduğunu diqqətə çatdırıb. Qazax Rayon Gənclər və İdman İdarəsinin nəzdində
UGİM-nin məşqçi-müəllimi, ehtiyatda olan mayor, "Vətən uğrunda”, "Cəsur
döyüşçü”, "Azərbaycan Respublikası Silahlı Qüvvələrinin
90 illiyi (1918-2008)", "Azərbaycan Respublikası Silahlı Qüvvələrinin
100 illiyi (1918-2018)" yubiley medalları ilə təltif edilmiş Müşfiq Eyyubov,
"Cəbrayılın azad olunmasına görə”, "Hərbi xidmətlərə görə” medalları ilə təltif
edilmiş Sahib Qurbanov çıxış edərək Vətəni canından əziz
tutan şəhidlərimizə Allahdan rəhmət diləyib, sağlamlığını itirən qazilərimizə
tez zamanda sağalmalarını arzu ediblər. Şəhidlərimizin xatirəsini yaşatmağın, əziz
tutmağın hər birimizin borcu və vəzifəsi olduğunu diqqətə çatdırıblar.
GOYEZEN.AZ
Facebook-da paylaş