Sentyabrın 27-si Azərbaycanda Anım Günü kimi qeyd olundu. Ölkə Prezidenti İlham Əliyevin 2020-ci il 2 dekabr tarixli Sərəncamına əsasən təsis edilən Anım Günü Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarından keçmiş əsgər və zabitlərimizə, bütün şəhidlərimizə olan dərin ehtiramın ifadəsidir.

Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda canlarını fəda etmiş əsgər və zabitlərimizin Anım Günü Qazaxda rayon gəncləri tərəfindən də qeyd olunub.

Gənclərin İnkişaf və Karyera Mərkəzinin Qazax nümayəndəliyinin könüllüləri, rayon gəncləri 27 sentyabr - Anım Günü ilə əlaqədar Vətən müharibəsi şəhidlərinin xatirəsinə yaradılmış və bu gün açılışı olan Abidə Kompleksini ziyarət ediblər.

Gənclər abidə önünə tər qərənfillər düzərək şəhidlərimizin əziz xatirəsini ehtiramla anıblar.

GOYEZEN.AZ