15 İyun - Milli Qurtuluş Gününə həsr olunmuş "Dünəndən bu günə Azərbaycan" adlı onlayn görüş keçirilib
Azərbaycan xalqının taleyində böyük əhəmiyyət
daşıyan elə günlər var ki, həmin günlərdə onun gələcək həyatını müəyyən edən
mühüm başlanğıcların əsası qoyulub. Belə günlərdən ən önəmlisi tariximizə qızıl
hərflərlə yazılmış 15 İyun – Milli Qurtuluş Günüdür. Milli Qurtuluş Günü
Azərbaycan xalqı üçün sadəcə təqvim bayramı deyil, böyük ictimai, siyasi və
tarixi əhəmiyyətə malik bir gündür. İyunun 15-i xalqımız üçün əsl qurtuluş
tarixidir. Bu tarixi yaradan və bizlərə miras qoyan, Azərbaycanın
müstəqilliyinin qorunub saxlanmasında, möhkəmlənməsində, inkişafında müstəsna
rol oynayan, daim xalqına arxalanan Heydər Əliyevdir. 15 İyun - Milli Qurtuluş Günü respublikamızın hər
yerində olduğu kimi, Qazaxda da silsilə tədbirlərlə qeyd olunur. Bu gün 15 İyun - Milli
Qurtuluş Gününə həsr olunmuş "Dünəndən bu günə Azərbaycan" adlı
onlayn görüş keçirilib.
Tədbiri giriş sözü ilə açan
Gənclərin İnkişaf və Karyera Mərkəzinin Qazax nümayəndəliyinin direktoru
İsmayıl Süleymanov bildirib ki, xalqın təkidilə Ümummilli Lider Heydər Əliyevin
ikinci dəfə hakimiyyətə gəlməsi ilə yaddaşlara yazılan Qurtuluş Günü Azərbaycan
tarixində müstəsna yer tutur. O, çıxışında qeyd edib ki, Heydər Əliyevin
gənclər siyasətinin bu gün Prezident İlham Əliyev və Birinci vitse-prezident
Mehriban Əliyeva tərəfindən uğurla davam etdirilməsi gənclərə verilən ən böyük
qiymətdir.
Azərbaycan Respublikasının
İnsan Hüquqları üzrə Müvəkkilinin Gəncə Regional Mərkəzinin rəhbəri Səbuhi
Abbasov çıxışında Ulu Öndərin qayıdışı ilə ölkənin hüquq sferasında aparılan
islahatlardan və əldə edilən uğurlardan bəhs edib. Qazax Dövlət
Sosial-İqtisadi Kollecinin Monitorinq və Qiymətləndirmə şöbəsinin müdiri,
Tələbə Gənclər Təşkilatının sədri Elvira Əfəndiyeva gəncləri əlamətdar gün
münasibətilə təbrik edərək Ulu Öndərin bizlərə miras qoyduğu müasir, müstəqil
Azərbaycanın parlaq gələcəyi naminə uğurlar arzulayıb.
GOYEZEN.AZ
Facebook-da paylaş