Qazax Gənclər Evinin kollektivi və bir qrup könüllüsü Vətən müharibəsi şəhidlərinin məzarlarını ziyarət ediblər
Şəhidlərimizi tanıyaq və
tanıdaq--------------------------- 2020-ci il Azərbaycan tarixində erməni işğalçılarına qarşı Vətən
müharibəsində qazandığımız böyük hərbi Zəfərlə unudulmaz iz qoydu. Xalqımızın mərd
oğulları Müzəffər Ali Baş Komandan İlham Əliyevin rəhbərliyi
altında düşməni
döyüş meydanında məğlub edərək, şəhidlərimizin qanı tökülən müqəddəs
torpaqlarımızın işğalına son qoydular. Bu gün həmin torpaqlarda üçrəngli Azərbaycan Bayrağı dalğalanır. Azərbaycanın
hərb tarixinə qızıl hərflərlə yazılan şanlı Qələbəmizdən, böyük Zəfərdən artıq
100 gün ötür. Xalqımızın yaddaşına tarixi Qələbə kimi həkk olunan Vətən müharibəsində
Qazaxın igid oğulları da şücaət göstərərək Şəhidlik zirvəsinə yüksəldilər. Haqq
səsimizi bütün dünyaya çatdıran bu savaşda Qazax rayonunun Çaylı və Bala Çaylı kəndinin igidləri də
döyüş meydanında əsl qəhrəmanlıq nümunəsi göstərdilər. Vətən, torpaq uğrunda
canlarını fəda edərək Şəhidlik zirvəsinə ucaldılar və ölümsüzlük qazandılar. Vətənin ərazi bütövlüyünü canı, qanı bahasına qoruyan və bizlərə əmanət
edən oğullarımızı yad etmək, xatirələrini əziz tutmaq hər birimizin ən ümdə işi
və borcudur. Çaylı kəndində yerləşən Şəhidlər xiyabanında dəfn
olunmuş Bala Çaylı kənd sakinləri, ölümlərindən sonra "Vətən uğrunda”, "Kəlbəcərin
azad olunmasına görə”, "Hərbi xidmətlərə görə” medalları təltif olunmuş şəhid gizir
Məmmədov Səbuhi Hümbət oğlunun, "Vətən uğrunda” medalı təltif olunmuş şəhid əsgər
Məmmədov Əvəz Elnur oğlunun, Çaylı kənd sakinləri "Vətən uğrunda”, "Füzulinin
azad olunmasına görə”, "Xocavəndin azad olunmasına görə”, "Hərbi xidmətlərə görə” medalları ilə təltif olunmuş şəhid əsgər Qocayev Niftalı Zakir oğlunun, "Vətən uğrunda”, "Şuşanın
azad olunmasına görə” medalları ilə təltif olunmuş
şəhid baş çavuş Qəsəbov İsmayıl Nəbi oğlunun və "Vətən uğrunda”, "Hərbi xidmətlərə görə” medalları ilə təltif olunmuş şəhid əsgər Allahverdiyev Sakit
Şahin oğlunun məzarlarını ziyarət edərək tər qərənfillər düzüblər. Vətən
uğrunda canlarından keçən bütün şəhidlərimizin ruhu qarşısında baş əyiblər. Azərbaycan
xalqı var olduqca, şəhidlərimizin əziz xatirəsinin daim yad olunacağını qeyd
ediblər.
GOYEZEN.AZ
Fəaliyyətə başladığı ilk gündən "Qazax Gənclər evi” sosial xidmət müəssisəsinin kollektivi də
şəhidlərimizin xatirəsini daim əziz tutur, onların ailələrini və məzarlarını ziyarət
edirlər.
Öz ənənəsinə sadiq qalan Qazax Gənclər Evinin
kollektivi və bir neçə könüllü Vətən müharibəsində qazanılmış şanlı Qələbənin
100-cü günü ilə əlaqədar 44 günlük Vətən müharibəsində Azərbaycanın ərazi
bütövlüyü uğrunda qəhrəmancasına döyüşərək Şəhidlik zirvəsinə ucalmış Çaylı və
Bala Çaylı kəndlərindən olan şəhidlərimizin məzarlarını ziyarət edərək
ehtiramlarını bildiriblər.
Facebook-da paylaş