Qazaxda QİÇS-lə mübarizə gününə həsr olunmuş maarifləndirici aksiya keçirilib
Hazırda bütün bəşəriyyəti narahat edən
problemlərdən biri də hər yerdə "SPİD" adlandırdığımız qazanılmış
immun çatışmazlığı sindromu - QİÇS-lə mübarizədir. Bu qorxulu xəstəliyi virus
törədir. Xəstəliyin beynəlxalq işarəsi AİDS-dir. Ümumdünya QİÇS günü (ing. World AIDS Day) - 1988-ci
ildən etibarən hər il 1 dekabr tarixində Qazanılmış İmmun Çatışmazlığı Sindromu virusuna diqqəti cəlb
etmək üçün beynəlxalq səviyyədə qeyd edilən gündür. Ümumdünya QİÇS günü eyni zamanda
virusun səbəb olduğu xəstəliklərdən vəfat etmiş şəxslərin xatirələrinin
anılması günü kimi də qeyd olunur. Ümumdünya
QİÇS günü Ümumdünya
Səhiyyə Təşkilatının
tibb dünyası ilə bağlı təşkil etdiyi səkkiz beynəlxalq gündən biridir. 1995-ci ildə Amerika Birləşmiş Ştatlarının
prezidenti tərəfindən QİÇS probleminə
diqqəti cəlb etmək üçün deklorasiya imzalanmışldır. Son
illər dünya səviyyəsində aparılan təbliğat kampaniyaları nəticəsində
virusun əvvəlki sürətlə yayılmasının qarşısı alınmışdır. Yeni növ dərman
preparatlarının kütləvi istifadəyə verilməsi də virusun proflaktikasında yeni
ümidlər
yaratmaqdadır. Artıq dördüncü ildir ki,
ölkəmiz Avropa İİV test həftəliyinə qoşulub. Hər il noyabr ayının son günlərinə
təsadüf edən həftəlik bu il noyabrın 23-dən 30-dək davam edib. Onu da qeyd edək
ki, Azərbaycan İİV-infeksiyanın ən az yayıldığı ölkələr sırasındadır. Regional
bölgü üzrə Şərqi Avropa və Mərkəzi Asiyada yer tutan Azərbaycan hər 100 min
nəfərə düşən QİÇS virusu infeksiyasına görə ən aşağı göstəriciyə malikdir. Ölkəmiz həmin virus
infeksiyasına qarşı ABŞ, Kanada, Böyük Britaniya, Norveç və s. kimi inkişaf
etmiş ölkələrdə tətbiq edilən müasir strategiya əsasında mübarizə aparır. Bu o
deməkdir ki, xəstəyə diaqnoz qoyulan gündən onun müalicəsinə başlanılır. Respublikamızın
hər yerində olduğu kimi, Qazaxda da QİÇS-lə mübarizə sahəsində məqsədyönlü işlər
görülür. Bu
gün "Qərb–Resurs” Vətəndaş Cəmiyyətinin İnkişafına Dəstək İctimai
Birliyi və Respublika QİÇS-lə Mübarizə Mərkəzinin birgə təşkilatçılığı ilə keçirilən
maarifləndirmə aksiyası da bu sahədə görülən işlərin əyani sübutudur. Şəhərin
mərkəzində 1 dekabr - Beynəlxalq QİÇS-lə mübarizə gününə həsr olunmuş maarifləndirmə
aksiyasında əhaliyə QİÇS-lə bağlı məlumat kitabçaları paylanılıb, könüllü test
müayinəsi təşkil olunub. "Qərb–Resurs”
Vətəndaş Cəmiyyətinin İnkişafına Dəstək İctimai Birliyinin sədri Ramil
Göyüşov GOYEZEN.AZ saytına müsahibəsində bildirib ki, ictimai birlik Respublika QİÇS-lə Mübarizə Mərkəzinin
dəstəyi ilə "Əhalinin riskli qrupları və vətəndaş cəmiyyətinin iştirakı ilə
milli imkanların genişləndirməsi, profilaktika və müalicənin gücləndirməsi
vasitəsilə Azərbaycanda QİÇS/İİV epidemiyasına qarşı cavab tədbirlərinin mükəmməlləşdirməsi”
layihəsini həyata keçirir. Layihəin əsas məqsədi əhalini cəmiyyətin əsas xəstəliklərindən
biri olan QİÇS-lə mübarizəyə qarşı məlumatlandırmaq və sakinlərə həlli
yollarını göstərməkdir. R.Göyüşov
qeyd edib ki, həyata keçirilən bu aksiyalarda Qazaxdan 183, Tovuzdan 74, Şəmkirdən
isə 48 nəfər İİV-ə qarşı könüllü test müayinəsindən keçib. Müraciət edən sakinlərə
xəstəliklə bağlı məlumatlar verilib, müayinələr aparılıb.
İmmun çatışmazlığı virusunun törətdiyi infeksiya uzunmüddətli gedişə malik
olub, bir neçə müxtəlif mərhələdən ibarətdir. Elə buna görə alimlərin
əksəriyyəti bütün xəstəliyi "İİÇV (insanın immun çatışmazlığı virusu)
infeksiyası" termini ilə ifadə etməyi vacib sayır.
Facebook-da paylaş