• Təqvim

  • Unutma

  • Maraq



İdarə, müəssisə, təşkilat və xidmət sahələrinə edilən vətəndaş müraciətlərinə baxılıb


Prezident İlham Əliyevin səsləndirdiyi “Hər bir dövlət məmuru xalqa xidmət etməli, bu yüksək məsuliyyəti və etimadı doğrultmalıdır” fikri onu söyləməyə əsas verir ki, ölkəmizdə bütün sahələrdə vətəndaş amili, vətəndaş məmnunluğu dövlət siyasətinin prioritet istiqamətini təşkil edir. Prezident İlham Əliyev, Birinci vitse-prezident Mehriban xanım Əliyeva tərəfindən vətəndaşlara göstərilən qayğı isə hər bir dövlət məmuruna nümunə olmalıdır. 

Qazax Rayon İcra Hakimiyyətinin başçısı Rəcəb Babaşov tərəfindən şəhər və kəndlərdə sakinlərlə keçirilən görüşlər zamanı səslənən müraciətlərə operativ şəkildə baxılması, vətəndaşların yaşadığı ünvandan asılı olmayaraq istəyinə əsasən yerində baxış keçirilməsi, qaldırılan məsələlərin həlli istiqamətində yerindəcə tapşırıq verilməsi, vətəndaşların ərizə və müraciətlərinə əsasən keçirilən qəbullar onu deməyə əsas verir ki, vətəndaş məmnunluğuna hər zaman önəm verilir. Vətəndaşların fərdi və ya ümumi şəkildə qəbul edilməsi bu məqsədə xidmət edir.

Qazaxda ölkə Prezidentinin, eləcə də rayon rəhbərliyinin vətəndaş amilini əsas götürməsi hər bir dövlət məmuruna örnəkdir. Qazax Rayon İcra Hakimiyyəti ilə yanaşı, rayonda fəaliyyət göstərən idarə, müəssisə, təşkilat və xidmət sahələri tərəfindən də vətəndaşlar qəbul olunur, müraciətləri dinlənilir. Ölkə Prezidentinin, rayon rəhbərliyinin vətəndaşlara olan münasibətini əldə rəhbər tutan idarə, müəssisə, təşkilat və xidmət sahələri rəhbərləri öz işlərində dövlət-vətəndaş münasibətlərinin qorunmasını, dövlətin, ölkə rəhbərinin vətəndaşa olan qayğısını olduğu kimi çatdırmağı əsas götürürlər. Bunu həftə ərzində edilən müraciətlərdən və həlli istiqamətində görülmüş işlərdən də aydın şəkildə görmək olur.

Bu həftə ərzində rayon üzrə 16 idarə və müəssisədən 9-na müxtəlif mövzularla bağlı vətəndaş müraciəti olub. Ümumilikdə, 288 nəfər vətəndaş qəbul edilib. Onlardan 139 nəfərin müraciəti müsbət həll olunub, 149 nəfərin müraciəti isə qanunamüvafiq qaydada cavablandırılıb.

Qazax Rayon Mərkəzi Xəstəxanasına həftə ərzində 13 nəfər vətəndaş müraciət edib. Onlardan 3 nəfər stasionar müalicə, 2 nəfər digər xəstəxanaya göndəriş, 2 nəfər sənəd, 2 nəfər xəstəlik, 4 nəfər şəkər aparatı ilə bağlı müraciət etdiyini bildirib. Müraciətlərin 13-ü də yerində həll edilib.

Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Publik Hüquqi Şəxsin 1 saylı Qazax-Tovuz Regional Filialının Qazax Rayon Qəbul Şöbəsində həftə ərzində 133 nəfərin müxtəlif səpkili müraciəti dinlənilib. Onlardan 87 nəfərin istəyi müsbət həll edilib, 46 nəfərə isə qanunamüvafiq qaydada izahat verilib.

Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Qazax-Tovuz Regional Məşğulluq filialına həftə ərzində 110 nəfər müxtəlif mövzularla müracət edib ki, onlardan 28 nəfərin istəyi müsbət həll edilib, 82 nəfərə isə qanunamüvafiq qaydada izahat verilib.

"Aztelekom” MMC-nin Qərb Regional filialının Qazax şöbəsinə həftə ərzində müraciət etmiş 1 nəfərin telefonun bərpa olunması, 1 nəfərin telefonun addan-ada dəyişməsi ilə bağlı istəkləri müsbət həllini tapıb.

8 nömrəli Regional Sukanal İdarəsinin Qazax Sukanal Sahəsinə müraciət etmiş 2 nəfərin su sayğacından axıntı, 2 nəfərin su xətti və su sayğacı, 2 nəfərin kanalizasiya xəttinin düzəldilməsi, 1 nəfərin ad dəyişmə barədə istəkləri müsbət həll edilib.

Qazax-Tovuz Regional Təhsil İdarəsinin Qazax rayonu üzrə Təhsil Sektorunda həftə ərzində 8 nəfər vətəndaşın işlə təmin olunma, 7 nəfər vətəndaşın övladlarının bağçaya növbəyə yazılması, 1 nəfər vətəndaşın məzuniyyətə çıxması, 1 nəfər vətəndaşın nəvəsinin məktəb yerdəyişməsi ilə bağlı müraciətləri qanunamüvafiq qaydada cavablandırılıb.

Qazax Elektrik Şəbəkəsində həftə ərzində müraciət etmiş 2 nəfər vətəndaşın SMS sayğaca pul yüklənməsi ilə bağlı müraciətləri müsbət həll olunub. 2 nəfər vətəndaşın yeni evə sayğac quraşdırılması ilə bağlı müraciətlərinə cavab olaraq aidiyyəti üzrə yönləndirilib, “Asan xidmət” mərkəzinə getmələri tövsiyə edilib. 

Azərbaycan Respublikası Maliyyə Nazirliyinin Qazax Rayonu üzrə Maliyyə Şöbəsində həftə ərzində müraciət etmiş 1 nəfər vətəndaşın səhv ödənilmiş vəsaitin geri qaytarılması ilə bağlı müraciəti qanunamüvafiq qaydada cavablandırılıb.

Qazax-Tovuz Regional Gənclər və İdman İdarəsində 1 nəfər vətəndaşın işlə təmin olunma barədə müraciəti ilə əlaqədar müvafiq sənədlər hazırlanıb aidiyyəti üzrə Azərbaycan Respublikası Gənclər və İdman Nazirliyinə göndərilib. 

Vətəndaşları dinləmək, həlli mümkün olan məsələlərdə dəstək olmaq, müvafiq izahat vermək, lazım yarandığı halda aidiyyəti təşkilatlar qarşısında məsələ qaldırmaq, bir sözlə, vətəndaş məmnunluğunu təmin etmək hər bir dövlət məmurunun vəzifə borcudur. Bu, Qazaxda həm rayon rəhbərliyi, həm də rayonda fəaliyyət göstərən idarə, müəssisə, təşkilat və xidmət sahələri rəhbərləri tərəfindən birmənalı şəkildə yerinə yetirilir. Bütün bunların arxasında isə dövlətin, ölkə rəhbərinin vətəndaşına olan qayğısı dayanır.

GOYEZEN.AZ



Facebook-da paylaş