Qazax rayon bələdiyyə sədrləri şurası Anlaşma Memorandumu imzalayıb
Bu günlərdə Qazax bələdiyyə sədrləri Şurası beynəlxalq memoranduma imza atıb. Bununla əlaqədar Qazaxda imzalanma mərasimi keçirilib. Mərasimdə Qazax rayonunda fəaliyyət göstətən bələdiyyələrin sədrləri, KİV nümayəndələri iştirak edib.
Mədəniyyət Mərkəzində keçirilən mərasimdə Qazax bələdiyyə sədrləri Şurası ilə “Qərb Resurs” Vətəndaş Cəmiyyətinin İnkişafına Dəstək (VCİD) İctimai Birliyi arasında anlaşma memorandumu imzalanıb. “Gənc sahibkarların sinerjisi (YES!) Gürcüstan-Azərbaycan transsərhəd əməkdaşlığı üçün şəbəkə” layihəsi çərçivəsində həyata keçiriləcək sənədi Qazax bələdiyyə sədrləri Şurasının sədri Tofik Orucov və “Qərb Resurs” İctimai Birliyinin rəhbəri Ramil Göyüşov imzalayıblar.
Layihə sərhəd bölgələrində yaşayış şəraitinin daha da yaxşılaşdırılmasına yardım etmək və sərhədlərarası iqtisadi əməkdaşlığın artırılması, iqtisadi və ictimai əlaqələrin genişləndirilməsi üçün əlverişli mühit yaratmaq məqsədi daşıyır.
İmzalanmış layihə Avropa Birliyinin Şərq Tərəfdaşlığı Proqramı çərçivəsində maliyyələşdirilir.
Facebook-da paylaş