Qazax Rayon Heydər Əliyev Mərkəzində “Heydər babanın nəvələriyik” adlı həvəskar birliyin növbəti məşğələsi keçirilib
Martın 3-də Qazax
Rayon Heydər Əliyev Mərkəzində "Heydər babanın nəvələriyik” adlı həvəskar
birliyin növbəti məşğələsi keçirilib. Məşğələnin bugünkü
mövzusu Azərbaycan xalqının Ümummilli Lideri Heydər Əliyevin Qazax rayonuna
tarixi səfərlərinə həsr edilib. Məlum olduğu kimi, Ümummilli Lider Heydər
Əliyev 3 dəfə Qazax rayonuna səfər etmişdir. Hər səfər Qazaxın və qazaxlıların
taleyində böyük əhəmiyyətə malik olmuş, rayonda bir sıra infrastruktur obyektlərin
əsası qoyulmuş, rayon ziyalılarının və qabaqcıl zəhmətkeşlərin yaddaşında Ulu Öndərlə
görüşdən olan xatirələr dərin izlər buraxmışdır. Müstəqil Azərbaycanın
memarı olan Heydər Əliyevin rayonumuza səfərləri haqqında şagirdlərə geniş məlumat
verilib, həmin səfəri əks etdirən stendlərə baxış keçirilib, şagirdləri
maraqlandıran suallar cavablandırılıb. Daha
sonra uşaqlar "Heydər babanın nəvələriyik” mahnısını oxuyublar. Sonda şagirdlərə
ev tapşırıqları verilib.
GOYEZEN.AZ
Facebook-da paylaş