Qazax Rayon Heydər Əliyev Mərkəzində “Hərbi Qənimətlər Parkı”na təşkil olunan virtual ekskursiya bu gün də davam edib
Qalib ölkənin vətəndaşı olan xalqımız bir neçə gün
sonra Prezident, Müzəffər Ali Baş Komandan İlham Əliyevin rəhbərliyi altında
şanlı Azərbaycan Ordusunun 44 günlük Vətən müharibəsində qazandığı şanlı Zəfəri
qeyd edəcək. Respublika Prezidenti İlham Əliyevin "Azərbaycan
Respublikasında Zəfər Gününün təsis edilməsi haqqında” imzaladığı 3
dekabr 2020-ci il tarixli Sərəncamına əsasən qeyd olunan həmin gün xalqımızın
yaddaşına bir daha əbədi həkk olunacaq. 8 noyabr həm mədəniyyət paytaxtımız
olan, Qarabağın baş tacı sayılan Şuşanın azad olunduğu gün kimi, həm də hər il
Zəfər Günü kimi qeyd ediləcək. 8 Noyabr – Zəfər Günü respublikamızın hər yerində
olduğu kimi, Qazaxda da silsilə tədbirlərlə qeyd
olunur. Vətən müharibəsinin birinci ildönümünün keçirilməsi
ilə əlaqədar hazırlanmış Tədbirlər Planına uyğun olaraq Qazax Rayon Heydər
Əliyev Mərkəzində start verilən "Hərbi Qənimətlər Parkı”na virtual
ekskursiyanın təşkili davam etdirilir. Bugünkü ekskursiyanın iştirakçıları Qazax şəhər Qaratel
Hacımahmudova adına ümumi orta məktəbin 7-8-ci sinif şagirdləri olub. İştirakçılar əvvəlcə Heydər Əliyev Muzeyi ilə tanış
olub, Ulu Öndərin həyatı və siyasi fəaliyyəti haqqında ətraflı məlumat
əldə ediblər. Sonra Mərkəzin ekspozisiya zalında yerləşdirilmiş
monitorda "Hərbi Qənimətlər Parkı”na virtual ekskursiya təşkil edilib.
Qazax Rayon
Heydər Əliyev Mərkəzinin Baş fond mühafizi Səidə Qocayeva ekskursiyanın
əhəmiyyətindən danışaraq qeyd edib ki, Ali Baş Komandan İlham Əliyevin rəhbərliyi
ilə döyüş meydanında əsl qəhrəmanlıq göstərən Azərbaycan əsgərləri 44 gün davam
edən hərbi əməliyyatlar zamanı işğalçı Ermənistanı məğlub edərək torpaqlarımızı
düşməndən təmizlədi və Azərbaycanın ərazi bütövlüyünü təmin etdi. Azərbaycan
Ordusu düşmənin 30 il ərzində qurduğu istehkamlarını darmadağın edərək böyük zəfərə
imza atdı. Döyüşlərdə bütün dünya Azərbaycan dövlətinin, xalqının əzmini, Azərbaycan
Ordusunun döyüş qabiliyyətini gördü. Tarixi Zəfərimizin
əbədiləşdirilməsi, gələcək nəsillərə çatdırılması üçün Prezident İlham Əliyevin
3 dekabr 2020-ci il tarixli Sərəncamına əsasən "Hərbi Qənimətlər Parkı”
salınıb. "Hərbi Qənimətlər Parkı” Azərbaycanın qüdrətinin göstəricisidir.Qarabağ uğrunda gedən döyüşlərdə düşməndən əldə edilən hərbi texnikalar, hərbi
maşınlar, eləcə də Ermənistana məxsus silah-sursat bu parkda nümayiş olunur. "Hərbi Qənimətlər Parkı” Azərbaycan tarixinin şanlı
səhifələrini əks etdirir. Hər kəsin ziyarət etdiyi həmin park Azərbaycan
Ordusunun qüdrətinin göstəricisi, eyni zamanda erməni işğalçı ordusunun
biabırçı məğlubiyyətini bütün dünyaya nümayiş etdirir. Tarix yazan igid,
qəhrəman oğullarımızın şanlı döyüş yolu gənclərimizin vətənpərvərlik ruhda
böyüməsi üçün böyük töhfələr vermiş olacaq. Bu tarixi Zəfəri
bizlərə yaşadan Ali Baş Komandanın rəhbərliyi altında şanlı Azərbaycan Ordusuna
eşq olsun!
GOYEZEN.AZ
Facebook-da paylaş