8 Noyabr – Zəfər Gününə həsr olunmuş “Azərbaycanın gücünü dünyaya bəyan edən Zəfər” adlı tədbir keçirilib
Noyabrın 3-də Qazax
Rayon Heydər Əliyev Mərkəzinin və Qaratel Hacımahmudova adına şəhər ümumi orta
məktəbin birgə təşkilatçılığı ilə Vətən müharibəsinin birinci ildönümünə həsr
olunmuş "Azərbaycanın gücünü dünyaya bəyan edən Zəfər” adlı tədbir keçirilib. Tədbirdə Azərbaycan Respublikası "Azərbaycan Qarabağ
Müharibəsi Əlilləri, Veteranları və Şəhid Ailələri İctimai Birliyi”nin Qazax
rayon filialının sədr müavini, kəşfiyyatçı zabit, baş leytenant, I qrup Qarabağ
müharibəsi qazisi Namiq Alıyev, ehtiyatda olan mayor, tabor komandiri, II qrup Vətən
müharibəsi qazisi Xəyyam Əliyev, Daxili İşlər Nazirliyi Daxili Qoşunların
Xüsusi Təyinatlı giziri, I qrup Vətən müharibəsi qazisi Kərim Əliyev, III qrup
Vətən müharibəsi qazisi, çavuş Xalid Həsənov, III qrup Vətən müharibəsi qazisi
kiçik gizir Cəfər Cəfərov, II qrup Qarabağ müharibəsi qazisi Nüsrət Musayev,
III qrup Vətən müharibəsi qazisi Vüsal, Q.Hacımahmudova adına şəhər ümumi orta
məktəbin müəllimləri, şagirdləri və Mərkəzin əməkdaşları iştirak ediblər. Tədbir Mərkəzin
ekspozisiya zalında yerləşdirilmiş monitorda 44 günlük Vətən müharibəsində Vətənin
bütövlüyü uğrunda şücaət göstərərək Şəhidlik zirvəsinə yüksəlmiş Qazaxın igid,
qəhrəman oğullarının xatirəsinə həsr edilmiş filmin nümayişi ilə başlayıb. Vətən
uğrunda canından keçən bütün şəhidlərin əziz xatirəsi bir dəqiqəlik sükutla yad
edilib. Tədbiri giriş sözü
ilə açan Mərkəzin direktoru Ceyhunə Hüseynova 8 Noyabr - Zəfər Günü münasibətilə
hər kəsi təbrik edib, səmimi ürək sözlərini çatdırıb. Qeyd edib ki, Vətən
müharibəsində qazanılan tarixi qələbənin - Zəfərin birinci ildönümü ərəfəsindəyik.
Ali Baş Komandan İlham Əliyevin rəhbərliyi ilə Azərbaycan Ordusu 30 illik həsrətə
son qoydu, tarixi ədalət bərpa olundu. Vətən müharibəsində əldə etdiyimiz şanlı
qələbə müasir tariximizdə yeni səhifə açdı. Xalqımız öz ərazi bütövlüyünü bərpa
etməsi uğrunda mübarizə aparmaq əzmini nümayiş etdirdi. Vətən müharibəsindəki
uğurlarımızın ən başlıca səbəbi son 18 ildə həyata keçirilən güclü dövlət,
güclü ordu birliyi və döyüşçülərimizin ruh yüksəkliyi idi.
Azərbaycan
Respublikası "Azərbaycan Qarabağ Müharibəsi Əlilləri, Veteranları və Şəhid
Ailələri İctimai Birliyi”nin Qazax rayon filialının sədr müavini, kəşfiyyatçı zabit, baş leytenant, I qrup Qarabağ
müharibəsi qazisi Namiq Alıyev çıxış edərək tədbirdə iştirak edən Vətən müharibəsi
qazilərini və digər iştirakçıları salamlayıb, vətənpərvərlik mövzusunda keçirilən
tədbirin əhəmiyyətindən danışıb. Müzəffər Ali Baş Komandan İlham Əliyevin rəhbərliyi
ilə ordumuzun 44 günlük Vətən müharibəsində əldə etdiyi Zəfərin böyük tarixi
hadisə olduğunu bildirib. Qazandığımız Zəfərə görə Ali Baş Komandana, şəhidlərimizə,
qazilərimizə borclu olduğumuzu diqqətə çatdırıb. Ehtiyatda olan
mayor, tabor komandiri, II qrup Vətən müharibəsi qazisi Xəyyam Əliyev çıxış edərək
44 günlük Vətən müharibəsində keçdiyi döyüş yolundan danışaraq hərbi əməliyyatlarda
əsgər və zabitlərimizin göstərdikləri qəhrəmanlıqlardan iftixar hissi ilə danışıb.
Şuşa uğrunda gedən
döyüşlərin iştirakçısı, Daxili İşlər Nazirliyi Daxili Qoşunların Xüsusi Təyinatlı
giziri, I qrup Vətən müharibəsi qazisi Kərim Əliyev çıxış edərək 44 günlük Zəfər
yolundan, döyüşlərdə hərbçilərin əhval-ruhiyyəsinin, ordumuzun döyüş əzminin
yüksək olduğundan danışıb, erməni işğalçılarının məhv edilməsindən böyük qürur
və fəxarətlə bəhs edib.
II qrup Qarabağ müharibəsi
qazisi Nüsrət Musayev xalqımızın və dövlətimizin dəstəyini daim hiss etdiklərini
və hər zaman Vətənin bütövlüyü uğrunda canlarından belə keçməyə hazır
olduqlarını bildirib. Q.Hacımahmudova
adına şəhər ümumi orta məktəbin direktoru Yeganə Göyüşlü çıxış edərək 8 Noyabr –
Zəfər Günü münasibətilə səmimi təbriklərini çatdırıb. 44 günlük Vətən müharibəsində
qazandığımız tarixi Qələbənin müəllifi olan Ali Baş Komandan İlham Əliyevə, şəhdlərimizə,
qazilərimizə minnətdar olduğumuzu bildirib. Şəhidlərimizi, qazilərimizi, əldə
etdiyimiz zəfəri gələcək nəsillərə çatdırmaq üçün vətənpərvərlik mövzusunda
olan bu cür tədbirlərin böyük əhəmiyyət daşıdığını bildirib. Məktəb kollektivi
olaraq belə tədbirlərin mütəmadi olaraq təşkil olunması üçün böyük səylə
çalışdıqlarını qeyd edib. Sonra tədbir Q.Hacımahmudova
adına şəhər ümumi orta məktəbin şagirdlərinin 8 Noyabr - Zəfər Gününə həsr
edilmiş ədəbi-bədii kompozisiyasının nümayişi ilə davam edib. Məktəb şagirdlərindən
Əsmər Hüseynova, Lamiyə Cəfərli, Nuray Cəfərli, Ayan Məmmədova, Yusif Budaqov Azərbaycan
Yazıçılar Birliyi Qazax zona filialının sədri, Əməkdar incəsənət xadimi, şair
Barat Vüsalın "Dəmir yumruq”, "Şuşanı alan oğullar”, "Şəhidlər” şeirlərini söyləyiblər.
Şəhidlərə olan ehtiramlarını şeir töhfəsi ilə çatdırıblar. Sonda şagirdlər Vətən
müharibəsi qaziləri ilə xatirə şəkli çəkdiriblər.
GOYEZEN.AZ
Facebook-da paylaş