Qazaxda ulu öndər Heydər Əliyevin anım günü ilə əlaqədar “Əbədiyyət simvolu” mövzusunda onlayn videokonfrans keçirilib
Bu gün Qazax Rayon İcra Hakimiyyətinin və Qazax Rayon Heydər Əliyev Mərkəzinin
təşkilatçılığı ilə Azərbaycanın müstəqilliyinin qurucusu olan ulu öndər Heydər
Əliyevin anım günü ilə əlaqədar "Əbədiyyət simvolu” mövzusunda onlayn
videokonfrans keçirilib. Qazax Tarix Diyarşünaslıq Muzeyinin, Qazax Dövlət Rəsm Qalereyasının,
Qazax Mərkəzləşdirilmiş Kitabxana Sisteminin, Qazax Mədəniyyət Mərkəzinin,
Qazax M.P.Vaqif və M.V.Vidadinin Xatirə Muzeyinin, kənd mədəniyyət evlərinin və
kitabxanalarının direktorları və əməkdaşlarının birgə iştirakı ilə keçirilən videokonfransda
ümummilli lider Heydər Əliyevin ömür və həyat yoluna bir daha nəzər salınıb,
dahi şəxsiyyətin Azərbacan dövləti və xalqı naminə gördüyü misilsiz işlərdən
söz açılıb. Qazax Rayon Heydər Əliyev Mərkəzinin direktoru Ceyhunə Hüseynova tədbiri
giriş sözü ilə açaraq təşkil olunmuş videokonfransın əhəmiyyətindən danışıb. Bildirib
ki, taleyinə Azərbaycanın müstəqilliyini bərpa etmək və bu müstəqilliyi dönməz
etmək vəzifəsi yazılmış və sonuna qədər bu missiyaya sadiq qalmış insan, xalqın
böyük oğlu Heydər Əliyev fenomen şəxsiyyət kimi çağdaş tariximizdə əbədiyaşarlıq
qazanaraq hələ sağlığında canlı əfsanəyə çevrilmişdi. Bu gün Heydər Əliyev
bizimlə deyil, ancaq onun siyasəti yaşayır, onun qurduğu müstəqil Azərbaycan zəfər
çalaraq qaliblər sırasında inamla gələcəyə addımlayır. Qazax
RİH başçısı aparatında İctimai-siyasi və humanitar məsələlər şöbəsinin baş məsləhətçisi
Gülnar Quluyeva videokonfransda çıxış edərək
bildirib ki, 2003-cü ildə xalqın böyük dəstəyi ilə hakimiyyət estafetini götürən ulu öndər Heydər
Əliyevin siyasi varisi İlham Əliyev Azərbaycanın haqq səsini dünyanın ən yüksək
tribunalarından ucaldır. Heydər Əliyevin siyasi xəttinə sadiq qalaraq Azərbaycan
xalqının və dövlətinin əbədi yaşaması, inkişaf etməsi naminə durmadan çalışır. Bunun
bariz nümunəsi bu gün dünyada tanınan və nüfuza malik olan Azərbaycan, inkişaf
etmiş regionlar, firavan xalq, sabit ölkə və düşmən əsarətindən azad edilmiş QARABAĞdır. Videokonfrans iştirakçılarından Qazax Mərkəzləşdirilmiş Kitabxana
Sisteminin direktoru Solmaz Babanlı,
Qazax Dövlət Rəsm Qalereyasının direktoru Münəvvər Xəlilova, Qazax Tarix Diyarşünaslıq
Muzeyinin direktoru Gülnaz Alişanova, Qazax Mədəniyyət Mərkəzinin direktoru
Zahidə Həsənova, M.P.Vaqif və M.V.Vidanin Xatirə Muzeyinin direktoru Məhruzə
Hüseynova çıxış edərək vurğulayıblar ki, bu gün Ulu Öndərin ruhu şaddır. Məhz
onun siyasi məktəbinin layiqli davamçısı, praqmatik düşüncəli, dünya siyasətini
və iqtisadiyyatını mükəmməl bilən Prezident İlham Əliyevin bu illər ərzində
apardığı uğurlu və düşünülmüş xarici, daxili siyasət uğurlu iqtisadi islahatlar
hesabına inkişaf etmiş, güclü ordu sayəsində düşmən tapdağında olan Qarabağ öz
tarixi sahibinə qaytarıldı. Noyabr ayı xalqımızın yaddaşında zəfər ayı kimi
qaldı. 44 günlük Vətən müharibəsində İlham Əliyevin komandanlığı altında
ordumuz tariximizə şərəfli günlər yazdı. Çıxışlarda bildirilib ki, bu qələbə
İlham Əliyevin son 17 ildə Heydər Əliyev ideyalarına sadiq qalaraq həyata
keçirdiyi güclü dövlət, güclü ordu strategiyasının məntiqi yekunudur. Əsl ölməzlik
və əbədiyyət məhz budur.
GOYEZEN.AZ
Facebook-da paylaş