İki dəfə Sovet İttifaqı Qəhrəmanı, general-mayor Həzi Aslanovun xatirəsinə həsr olunmuş “General Aslanov” mövzusunda videokonfrans keçirilib
Bu gün Qazax və Ağstafa Rayon Heydər Əliyev Mərkəzlərinin və Həzi
Aslanovun Ev Muzeyinin birgə təşkilatçılığı ilə hərbi xadim, iki dəfə Sovet
İttifaqı Qəhrəmanı, general-mayor Həzi Əhəd oğlu Aslanovun
xatirəsinə həsr olunmuş "General Aslanov”
mövzusunda videokonfrans keçirilib. "Həzi Aslanovun 110
illiyinin qeyd edilməsi haqqında” Respublika Prezidenti
İlham Əliyevin 29 dekabr 2019-cu il tarixli sərəncamına əsasən təşkil olunmuş videokonfransda
hərbi xadimin ömür yoluna nəzər salınıb, xatirəsi yad edilib. Videokonfransda Qazax Rayon Heydər Əliyev Mərkəzinin direktoru Ceyhunə
Hüseynova, Ağstafa Rayon Heydər Əliyev Mərkəzinin direktoru Ləman Cəlilova, Həzi
Aslanovun Ev Muzeyinin direktoru Cəmilə Şərifova çıxış edərək Həzi Aslanovun
keçdiyi həyat yolundan, Böyük Vətən Müharibəsində göstərdiyi şücaətlərdən
danışıblar. Çıxış edənlər qeyd ediblər ki, Həzi Aslanovun keçdiyi ömür yolu bu
gün hər bir Azərbaycan gənci üçün örnəkdir. Onun
göstərdiyi misilsiz şücaət və başçılıq etdiyi tank alayının müstəsna şücaətləri
torpaqlarımızın işğaldan azad edilməsinə hər an hazır olan Azərbaycan gəncliyi
üçün əsl qəhrəmanlıq nümunəsidir. Bildiriblər ki, Həzi Aslanovun Azərbaycan
naminə göstərdikləri şücaətlərin gənc nəslin hərbi vətənpərvərlik ruhunda tərbiyəsində
xüsusi əhəmiyyətini nəzərə alan ölkə Prezidenti İlham Əliyev hərbi xadimin anadan
olmasının 110 illiyinin layiqincə qeyd olunması haqqında xüsusi sərəncam
imzalamış və həmin sərəncama uyğun olaraq respublikanın hər yerində müvafiq tədbirlər
keçirilmişdir. Videokonfransdan sonra Həzi Aslanovun Ev Muzeyinə
virtual ekskursiya təşkil edilib. Muzeyin bələdçisi Nərmin Məmmədli generalın həyat
yolu, azad etdiyi torpaqlar, misilsiz qəhrəmanlıqlar haqqında ətraflı məlumat
verib, şəxsi əşyaları, generala həsr edilmiş kitabları, onun döyüş şəkillərini
onlayn formatda təqdim edib.
GOYEZEN.AZ
Facebook-da paylaş