Qazaxda “Zəriflik və xeyirxahlıq mücəssəməsi” mövzusunda onlayn videokonfrans keçirilib
Bu gün Qazax və Xaçmaz Rayon Heydər Əliyev Mərkəzlərinin birgə təşkilatçılığı
ilə Azərbaycan Respublikasının Birinci vitse-prezidenti, Heydər Əliyev Fondunun
Prezidenti, UNESCO və İSESCO-nun xoşməramlı səfiri Mehriban xanım
Əliyevanın Azərbaycan dövlətinin və müstəqilliyimizin
inkişafında əvəzsiz xidmətlərindən bəhs edən "Zəriflik və xeyirxahlıq mücəssəməsi”
mövzusunda onlayn videokonfrans təşkil olunub. Videokonfransda Qazax Rayon Heydər Əliyev Mərkəzinin əməkdaşları,
Xaçmaz Rayon Heydər Əliyev Mərkəzinin direktoru Könül Əsgərova, fond müdiri
Aynurə Məstanova, elmi işçi Samirə Buliyeva, Ayda Mamedova, Xaçmaz Heydər
Əliyev Mərkəzinin Xudat şəhər filialından Könül Ramazanova və Yalama kənd
filialından Elnurə Xəlilbəyova, Qazax Tarix Diyarşünaslıq Muzeyinin direktoru
Gülnaz Alişanova və əməkdaşları, Qazax Dövlət Rəsm Qalereyasının müdiri Münəvvər
Xəlilova, Qazax Multimedia kitabxanasının müdiri Rufina Namazova, fəal gənc, Regional
İnkişaf İctimai Birliyinin (RİİB) könüllüsü Ülvi Zeynalov iştirak ediblər. Qazax Rayon Heydər Əliyev Mərkəzinin direktoru Ceyhunə Hüseynova videokonfransı
giriş sözü ilə açaraq iştirakçıları salamlayıb, Xaçmaz Heydər Əliyev Mərkəzi və
Xudat, Yalama filialları ilə birgə əməkdaşlıqdan məmnun olduqlarını bildirib. Mehriban
xanımı sabahkı doğum günü münasibətilə təbrik edən C.Hüseynova qeyd edib ki, Mehriban
Əliyeva Şərq ölkəsində siyasətin yalnız kişilərin işi olması barədə stereotipləri
uğurla təkzib edir. Öz fəaliyyəti ilə tarixdə yaşamış vətənpərvər, maarifpərvər
qadınlarımızın örnək olan həyatını yeni anlamda, həm də ləyaqətlə davam
etdirir. Mehriban xanımın xalqımızın maraqlarının müdafiəsinə yönəldilmiş hərtərəfli
fəaliyyəti Azərbaycan qadının cəmiyyətdə rolu barədə dünyada aydın təsəvvür
yaradır. Xaçmaz Heydər Əliyev Mərkəzinin direktoru Könül Əsgərova çıxış edərək
bildirib ki, Mehriban xanım Əliyeva aktiv ictimai fəaliyyətə 1995-ci ildə hal-hazırda
rəhbərlik etdiyi Azərbaycan Mədəniyyət Fondunu yaratmaqla başlayıb. Daha
sonralar bir çox mühüm dövlət qurumlarında siyasi və ictimai fəaliyyət ilə seçilib, Milli Məclisin
deputatı olub, bu gün isə Azərbaycanın Respublikasının Birinci vitse-prezidenti
və Birinci xanımı statusunda xalqın və millətin sevimlisinə, ümid yerinə
çevrilib. Bütün bunlarla yanaşı O, gözəl xanım, qayğıkeş Anadır. Videokonfransda iştirak edən Xaçmaz Heydər Əliyev Mərkəzinin Xudat şəhər filialından Könül
Ramazanova, Yalama kənd filialından Elnurə Xəlilbəyova, Qazax Tarix
Diyarşünaslıq Muzeyinin direktoru Gülnaz Alişanova, Qazax Dövlət Rəsm
Qalereyasının müdiri Münəvvər Xəlilova, fəal gənc, RİİB-nin könüllüsü Ülvi
Zeynalov, Qazax Multimedia kitabxanasının müdiri Rufina Namazova Mehriban xanım
Əliyevanın öz yaşam və təfəkkür tərzi ilə Azərbaycan qadını üçün bir model
olmasından, Azərbaycanın ən yeni tarixindəki rolundan, insanlar üçün qayğı, mərhəmət
simvolu olmasından, xalqın taleyini öz taleyi kimi yaşayaraq vəzifəsinin öhdəsindən
sevgi ilə gələrək xalqına, Vətəninə qəlbinin sonsuz istəyi ilə xidmət etməsindən
danışıblar. Videokonfrans iştirakçıları bu əlamətdar gün münasibətilə humanist və
şəfqətli bir xanım simvoluna çevrilən Mehriban xanım Əliyevanı təbrik edib, ona
cansağlığı arzulayıb, Azərbaycanın və xalqımızın taleyində misilsiz roluna görə
minnətdarlıqlarını bildiriblər. Ölkə başçısı İlham Əliyevlə birlikdə çiyin-çiyinə
çalışaraq müstəqil Azərbaycanın bundan sonra daha da çiçəklənməsi naminə görəcəkləri
işlərdə uğurlar arzulayıblar. GOYEZEN.AZ
Facebook-da paylaş