Qazax Tarix-Diyarşünaslıq Muzeyində “Dünya, ölkə və yerli əhəmiyyətli tarixi abidələr” mövzusunda dəyirmi masa təşkil olunub
Bu
gün Qazax Rayon İcra Hakimiyyətinin dəstəyi, Qazax Gənclərin İnkişaf və Karyera
Mərkəzinin və Qazax Tarix-Diyarşünaslıq Muzeyinin birgə təşkilatçılığı ilə
"Dünya, ölkə və yerli əhəmiyyətli tarixi abidələr” mövzusunda dəyirmi masa
təşkil olunub.
Tədbirdə Qazax Dövlət Rəsm Qalereyasının, M.P.Vaqif və M.V.Vidadinin xatirə muzeyinin, Avey Dövlət Tarix-Mədəniyyət qoruğunun işçiləri, muzeyin əməkdaşları və gənclər iştirak ediblər.
Qazax
Tarix-Diyarşünaslıq Muzeyinin direktoru Gülnaz Alişanova tədbiri giriş sözü ilə
açaraq Qazax rayonunun dünya, ölkə və yerli əhəmiyyətli abidələrindən, tarixi
abidələrin və yerlərin bugünkü vəziyyətindən, qorunmasından və bərpasından
danışıb. Gəncləri dünya, ölkə və yerli
əhəmiyyətli tarixi abidələri, xüsusi əhəmiyyətli muzeyləri, arxeoloji
düşərgələrin tarixini, fəaliyyətini yaxından öyrənərək onlara sahib
çıxmalarını, gələcək nəsillərə ötürülməsi üçün öz töhfələrini vermələrini
tövsiyə edib.
Fəal
gənc Akif Əmirov çıxışı zamanı ölkə başçısı cənab İlham Əliyevin tövsiyələrinə
əsasən muzeylərin, Heydər Əliyev Mərkəzlərinin, Gənclər Mərkəzlərinin,
Gənclərin İnkişaf və Karyera Mərkəzlərinin fəaliyyətlərinin günün tələblərinə
uyğun qurulmasından və gənclər üçün əlçatanlığın təmin edilməsindən söz açıb.
Qazax
Gənclərin İnkişaf və Karyera Mərkəzinin direktoru İsmayıl Süleymanov və tarixçi
Nofəl Qurbanov tarixi abidələrimizin tanıdılması və təbliği işinin daha
intensiv aparılmasının vacibliyini vurğulayıblar. Mütəmadi olaraq gənclərin
iştirakı ilə tarixi abidələrlə bağlı mühazirələrin təşkil olunmasını
bildiriblər.
Tədbir
qarşılıqlı fikir mübadiləsi şəraitində yekunlaşıb.
GOYEZEN.AZ
Facebook-da paylaş