Qazaxda “Azərbaycan tarixində Heydər Əliyev imzası” mövzusunda onlayn vebinar keçirilib
İyulun 13-də Qazax Rayon Heydər
Əliyev Mərkəzinin və Azərbaycan Respublikası Milli Məclisinin deputatı Səməd
Seyidovun köməkçisi Akif Əmirovun birgə təşkilatçılığı ilə xalqımızın böyük
oğlu, ulu öndər Heydər Əliyevin Azərbaycana rəhbərliyinin I dövrünün başlanğıcı
olan 1969-cu il 14 iyul tarixində Azərbaycan Kommunist Partiyası Mərkəzi Komitəsinin
I katibi seçilməsi ilə əlaqədar "Azərbaycan
tarixində Heydər Əliyev imzası” mövzusunda onlayn vebinar keçirilib. Qazax Rayon Gənclər və İdman
İdarəsinin rəisi Vüqar Nəbiyevin, Ağstafa, Şəmkir, Gəncə, Samux, Daşkəsən və Zərdab
Heydər Əliyev Mərkəzlərinin direktorlarının iştirakı ilə keçirilən vebinarda Ümummilli
Liderin müstəqil Azərbaycanın qurulmasında göstərdiyi misilsiz xidmətlərdən söz
açılıb.
Qazax Rayon Heydər Əliyev Mərkəzinin
direktoru Ceyhunə Hüseynova vebinarı giriş sözü ilə açaraq bildirib ki, Azərbaycan
tarixinin Heydər Əliyev dövrü öz tutumuna görə böyük bir epoxadır. Heydər
Əliyev tarixin yetirdiyi elə nadir şəxsiyyətlərdəndir ki, iki dövlət
quruluşunda hakimiyyətin zirvəsinə yüksəlmiş, hər ikisində də xalqına ləyaqətlə
xidmət etmiş qüdrətli dövlət xadimi, mahir siyasətçi olmuşdur. 1969-cu ilin 14
iyul tarixi xalqımızın taleyində çox böyük əhəmiyyəti ilə önəmli yer tutur. Bu
tarix Azərbaycanın, dövlətin və dövlətçiliyin, xalqın özünəqayıdışının və milli
məfkurənin yüksəlişinin başlanğıc dövrüdür. Dahi siyasətçi Heydər Əliyevin Azərbaycana
rəhbərliyinin I dövründə Sovet İttifaqı kimi böyük bir imperiyanın iqtisadi
potensialından istifadə edərək Azərbaycanın gələcəyi üçün göstərdiyi xidmətlərdən
danışan Ceyhunə Hüseynova qeyd edib ki, bütün bu xidmətləri ilə Heydər Əliyev
müstəqilliyimizin təməl daşını qoydu və bu gün Azərbaycan dünyanın qabaqcıl ölkələri
sırasında öz sözünü deməkdədir. Azərbaycan Respublikası Milli
Məclisinin deputatı Səməd Seyidovun köməkçisi Akif Əmirov çıxış edərək məhz
Heydər Əliyevin əzmi sayəsində 1970-1985-ci illərin Azərbaycanda quruculuq
dövrü kimi tarixə düşdüyünü vurğulayıb. Heydər Əliyevin min cür maneəni dəf edərək
Azərbaycanı tərəqqi yoluna çıxarmaq siyasətini yeritdiyini və ölkənin müstəqilliyinə
aparan yolun əsasını qoyduğunu bir daha diqqətə çatdırıb. Sonra Gəncə Heydər Əliyev Mərkəzinin
direktoru İlknur İsgəndərova, Zərdab Rayon Heydər Əliyev Mərkəzinin direktoru
Könül Rəhimova, Daşkəsən Heydər Əliyev Mərkəzinin direktoru Nailə Məmmədova, Şəmkir
Heydər Əliyev Mərkəzinin direktoru Maisə Məmmədova və Samux Heydər Əliyev Mərkəzinin
direktoru Nuranə Həsənova çıxış edərək Heydər Əliyevin 1969-cu il iyulun 14-də Azərbaycan
KP MK-nin I katibi seçilməsi ilə ölkə iqtisadiyyatının, sənaye və kənd təsərrüfatının
yüksəlməsi, şəhər və kəndlərin abadlaşdırılması, yollar çəkilməsi, xalqın qədim
mədəniyyət və ənənələrinin dirçəldilməsi, əhalinin sosial, mədəni və təhsil səviyyəsinin
yüksəldilməsi üçün göstərdiyi əvəzsiz xidmətlərindən danışıblar. GOYEZEN.AZ
Facebook-da paylaş