Qazaxda 12 avqust – Beynəlxalq Gənclər Gününə həsr edilmiş videokonfrans keçirilib
Bu gün Qazax Rayon
Heydər Əliyev Mərkəzi, Gəncə Şəhər Heydər Əliyev Mərkəzi və Şəmkir Rayon Heydər
Əliyev Mərkəzlərinin birgə təşkilatçılığı ilə 12 avqust – Beynəlxalq Gənclər Gününə
həsr edilmiş videokonfrans keçirilib. Videkonfransda Gəncə 16 saylı
kitabxananın, Qazax Multimedia kitabxanasının müdirləri, Qazax, Gəncə, Şəmkir
Heydər Əliyev Mərkəzlərinin bələdçiləri, elmi işçiləri və digər əməkdaşlar iştirak
ediblər. Qazax
Rayon Heydər Əliyev Mərkəzinin direktoru Ceyhunə Hüseynova videokonfransı giriş
sözü ilə açaraq qeyd edib ki, avqustun 12-si dünyada
Beynəlxalq Gənclər Günü kimi qeyd olunur. 1998-ci ildə hər il avqustun 12-sinin
Beynəlxalq Gənclər Günü kimi qeyd olunması qərara alınıb. Həmin vaxtdan
etibarən hər ilin bu günü gənclərə lazımi diqqət göstərmək, onların
nailiyyətlərini təbliğ etmək, cəmiyyətin bütün sahələrində gənclərin iştirakına
təkan vermək məqsədilə dünyada geniş qeyd olunur. Azərbaycan bu sahədə də bir
çox ölkələri, o cümlədən beynəlxalq ictimaiyyəti qabaqlayıb. Belə ki, 1997-ci
ildə ümummilli lider Heydər Əliyevin Fərmanı ilə Azərbaycanda Gənclər Günü
təsis edildikdən xeyli sonra gənclərin işləri üzrə nazirlərin ümumdünya konfransının
(1998-ci il avqustun 8-12-də) tövsiyəsi əsasında BMT Baş Məclisinin 1999-cu il
17 dekabr tarixli qətnaməsi ilə 12 avqust - Beynəlxalq Gənclər Günü elan
edilib. Azərbaycanda dövlət gənclər siyasəti gənclərə həmişə böyük diqqət və
qayğı ilə yanaşan, onların problemlərinin həlli istiqamətində həyata keçirilən
tədbirlərə xüsusi önəm verən, bu siyasəti müstəqil Azərbaycan dövlətinin
fəaliyyətinin ən mühüm istiqamətlərindən biri kimi dəyərləndirən ümummilli
lider Heydər Əliyevin adı ilə bağlıdır. Əsası ümummilli lider Heydər Əliyev
tərəfindən qoyulmuş dövlət gənclər siyasəti Azərbaycan gəncliyinin gələcək
inkişafında dərin izlər buraxıb. Ulu Öndərin 1997-ci il fevralın 2-də
imzaladığı Fərmana əsasən, fevralın 2-si Azərbaycan Gəncləri Günü elan edilib.
Həmin vaxtdan etibarən bu gün MDB məkanında və Şərqi Avropa ölkələri arasında
ilk dəfə olaraq Azərbaycanda təntənəli şəkildə qeyd edilməyə başlanıb. "Heydər
Əliyev və gənclər siyasəti” mövzusunda danışan C.Hüseynova ölkəmizdə gənclərə
gösərilən dövlət qayğısından söz açıb. Qeyd edib ki, "XXI əsr Azərbaycanda
gənclərin müstəqil dövlətimizi qurub yaratmaq və inkişaf etdirmək dövrüdür”-
deyən Ulu Öndərin gənclərə olan etimadı artıq öz təsdiqini tapmaqdadır. Bu gün
sosial həyatın bütün sferalarına nəzər salsaq görərik ki, orada gənclər
əksəriyyət təşkil edir. Bu da cənab Prezident İlham Əliyevin gənclər siyasəti
ilə bağlı qarşıya qoyduğu vəzifələrin reallaşmasının nəticəsidir. Bu gün ölkə
prezidenti gənclərin ən yaxın dostu və himayədarıdır. Qazax gəncləri də öz
dövləti və lideri ətrafında sıx birləşərək Azərbaycan Prezidentinin və
Azərbaycan dövlətinin ən böyük dəstəkçisidirlər. Gəncə Şəhər Heydər
Əliyev Mərkəzinin direktoru İlknur İsgəndərova çıxış edərək tədbirdə iştirak edən
gəncləri əlamətdar gün münasibətilə təbrik edib, Gəncə gənclərinin dövlətin
apardığı siyasəti dəstəklədiklərini və bu işdə yüksək fəaliyyət göstərdiklərini
bildirib. "Gəncə-2016-cı il Avropa Gənclər Paytaxtı” layihəsinin rəsmi
açılışının da məhz Gəncə Şəhər Heydər Əliyev Mərkəzində keçirildiyini vurğulayıb. Şəmkir Rayon Heydər
Əliyev Mərkəzinin direktor əvəzi Maisə Məmmədova çıxış edərək bildirib ki, ümummilli
lider Heydər Əliyevin uzaqgörənliklə formalaşdırdığı gənclər siyasəti bu gün
yeni mərhələyə qədəm qoymuşdur. Prezident İlham Əliyev Ulu Öndərin əsasını
qoyduğu gənclər siyasətinə sadiqliyini qəbul etdiyi bütün qərarları ilə təsdiq
edir. Bu siyasətin uğurla həyata keçirilməsi məqsədilə bütün dünyaya nümunə
olacaq addımlar atır. Sonra Gəncə 16
saylı kitabxananın müdiri Tünzalə İsmayılova, Qazax Multimedia kitabxanasının
müdiri Rufina Namazova, Gəncə Şəhər Heydər Əliyev Mərkəzinin bələdçisi Könül
Süleymanova, elmi işçisi İlahə Məmmədova çıxış edərək ölkəmizdə gənclər siyasətinin
çox uğurla həyata keçirilməsindən danışıblar.
GOYEZEN.AZ
Facebook-da paylaş