Qazaxda 15 sentyabr - Bilik Günü ilə əlaqədar “Heydər Əliyev və Azərbaycan təhsil siyasəti” mövzusunda videokonfrans keçirilib
Bu gün Qazax Rayon
İcra Hakimiyyətinin və Qazax Rayon Heydər Əliyev Mərkəzinin birgə təşkilatçılığı
ilə 15 sentyabr - Bilik Günü ilə əlaqədar "Heydər Əliyev və Azərbaycan təhsil
siyasəti” mövzusunda videokonfrans keçirilib. Videokonfransda
Qazax Rayon İcra Hakimiyyəti başçısı aparatında İctimai-siyasi və humanitar məsələlər
şöbəsinin baş məsləhətçisi Gülnar Quluyeva və rayonun qabaqcıl təhsil işçiləri,
müəllimlər, məktəb direktorları iştirak ediblər. Qazax RİH başçısı aparatında
İctimai-siyasi və humanitar məsələlər şöbəsinin baş məsləhətçisi Gülnar Quluyeva
videokonfrans iştirakçılarını salamlayıb, yeni tədris ilinin başlanması münasibətilə
səmimi təbriklərini çatdırıb. G.Quluyeva bildirib ki, ümummilli lider Heydər
Əliyevin ideyaları, təməlini qoyduğu nəhəng quruculuq işləri ondan sonra böyük
öndərin layiqli davamçısı, möhtərəm Prezidentimiz İlham Əliyev tərəfindən böyük
qətiyyət və uğurla həyata keçirilir. Möhtərəm Prezidentimiz İlham Əliyevin ölkəmizə
rəhbərlik etdiyi illər çağdaş təhsilimizin tarixində yüksək inkişaf, bütün sahələrdə
islahatların daha da dərinləşməsi, təhsilin elmi əsaslara söykənən dövlət
proqramları vasitəsilə idarə olunması dövrü kimi xarakterizə olunur. Qeyd
edib ki, cənab
Prezident İlham Əliyev tərəfindən ölkəmizdə təhsil sahəsinə göstərilən diqqət və
qayğı sayəsində həyata keçirilən məqsədyönlü tədbirlər, Birinci
vitse-prezident, Heydər Əliyev Fondunun prezidenti Mehriban Əliyevanın təşəbbüsü
ilə Fondun reallaşdırdığı "Yeniləşən Azərbaycana yeni məktəb” layihəsi
Qazaxda da uğurla icra olunur."Azərbaycan Respublikası regionlarının 2019–2023-cü illərdə
sosial-iqtisadi inkişafı Dövlət Proqramı”nın həyata keçirilməsi üzrə
hazırlanmış tədbirlər planına Qazax rayonu üzrə 11 məktəb binasının əsaslı
təmirinin və ya tikintisinin salınması bunun bariz nümunəsidir. Təkcə bu
il Heydər Əliyev Fondu tərəfindən rayonda Sarıvəlli kənd tam orta məktəb üçün
220 şagird yerlik yeni binanın inşa olunması, yenə də Fond tərəfindən Xalq
yazıçısı İsmayıl Şıxlının adını daşıyan 1176 şagird yerlik Kosalar kənd
tam orta məktəbin əsaslı şəkildə yenidən qurulması, Təhsil Nazirliyi tərəfindən Aydın Məmmədov adına Qaymaqlı kənd tam
orta məktəb üçün 180
şagird yerlik yeni binanın tikilməsi, ölkə başçısı tərəfindən Mehdi Hüseyn adına humanitar və təbiət fənləri
üzrə məktəb-lisey binasının əsaslı təmiri ilə bağlı imzalanan 5 mart, daha
sonra məktəb-lisey binasının əsaslı təmiri ilə bağlı imzalanmış Sərəncama dəyişiklik
edilərək sökülərək yenidən tikilməsi haqqında
imzalanan 4 avqust 2020-ci il tarixli Sərəncam Qazax təhsilinə və gələcəyimiz
olan uşaqlara olan dövlət qayğısının əyani göstəricisidir. Qazax Rayon Heydər
Əliyev Mərkəzinin direktoru Ceyhunə Hüseynova çıxış edərək bildirib ki, təhsil
cəmiyyətin fəaliyyətini tənzimləyən və inkişafını təmin edən beş fundamental
sosial institutdan biridir. Ona görə də təhsilə göstərilən diqqət, qayğı xüsusi
olmalıdır. Azərbaycan xalqının ümummilli lideri, görkəmli dövlət xadimi Heydər
Əliyevin zəngin nəzəri irsində və möhtəşəm fəaliyyətində təhsil məsələləri
xüsusi yer tutmuş və onun təhsilə göstərdiyi diqqət özünəməxsus olmuşdur. Azərbaycan
təhsili Heydər Əliyevin hakimiyyətə gəldiyi 1969-cu ildən başlanan tarixi mərhələdən
başlanır və təhsilimizin intibah illəri məhz Heydər Əliyevin hakimiyyətinin bu
mərhələsinə təsadüf edir. Araz Əmilov adına Daş
Salahlı kənd 1 nömrəli tam orta məktəbin direktoru Söylü Xəlilova çıxış edərək
qeyd edib ki, təhsil sisteminin yenidən qurulması sahəsində aparılan islahatlar
bu gün rayonumuzda da yüksək formada həyata keçirilir. Ulu öndərin təhsil siyasətini
uğurla davam etdirən möhtərəm Prezidentimiz İlham Əliyev hakimiyyətə gəldiyi
ilk illərdən təhsillə bağlı bir sıra sərəncamlar imzalamış, təhsil müəssisələrinin
maddi-texniki bazasının yaxşılaşdırılması, ümumtəhsil məktəblərinin tikintisi, əsaslı
təmiri və müasir təhsil avadanlıqları ilə təmin edilməsi sahəsində böyük işlər
görmüşdür. Şamoy Çobanov
adına Ağköynək kənd tam orta məktəbin kimya-biologiya müəllimi Sədaqət Əmirxanova
çıxışında Azərbaycan təhsilinin inkişafının Heydər Əliyevin adı ilə bağlı
olduğunu söyləyərək respublikamızda həyata keçirilən təhsil islahatlarının
rayonumuzdan da yan keçmədiyini vurğlayıb. Məhz təhsilə göstərilən yüksək diqqət
və qayğı sayəsində ölkəmizdə, o cümlədən rayonumuzda yeni təhsil müəssisələrinin
tikildiyni, məktəblərin təmir edildiyini, uşaq bağçalarının yenidən qurulduğunu
diqqətə çatdırıb. Səməd Vurğun adına
Qazax şəhər 2 nömrəli tam orta məktəbin direktor müavini Könül Kərimova çıxış
edərək təhsilə göstərilən diqqət və qayğının bariz nümunəsi kimi çalışdığı 2 nömrəli
tam orta məktəbin tamamilə yenidən qurularaq müasir standartlara cavab verən,
müasir təchizatlarla təmin edilən təhsil müəssisəsinə çevrilməsini göstərib. Bildirib
ki, bu, isə onun göstəricisidir ki, bu gün regionlarda, ən ucqar rayonlarda belə
şagirdlər müasir məktəblərdə təhsil alır, təhsilimizə göstərilən diqqətdən kənarda
qalmırlar. Namiq Vəliyev
adına Qazax şəhər 5 nömrəli tam orta məktəbin fizika müəllimi Yasəmən Qayayeva çıxış
edərək Azərbaycanın milli-mənəvi dəyərlərinin qorunmasında, təhsilimizn
inkişafında ümummilli lider Heydər Əliyevin mütərəqqi ənənələrinə əsaslanan və
bu ənənələrə böyük sədaqət nümayiş etdirən Heydər Əliyev Fondunun, həmçinin, Fondun
Prezidenti, Azərbaycan Respublikasının Birinci vitse-prezidenti Mehriban xanım
Əliyevanın fəaliyyətini xüsusi vurğulayıb. Qeyd edib ki, Heydər Əliyev Fondunun
təhsil sahəsində ardıcıl olaraq irimiqyaslı layihələr həyata keçirməsi Azərbaycan
təhsilini dünya standartları səviyyəsinə qaldırmışdır. İsmət Qayıbov
adına Qazax şəhər 3 nömrəli tam orta məktəbin ingilis dili müəllimi Tahirə Xasməmmədova
çıxışı zamanı bilirib ki, dövlətimizin və dövlət başçısının təhsilə göstərdiyi
qayğının, təhsilin inkişafına ayrılan xərclərin ildən-ilə artırılması dövlətin
apardığı siyasətin əsas prioritetlərindən biri olmasının sübutudur. Məhz bu
diqqətin, qayğının nəticəsidir ki, hər il rayon məktəblərindən ali təhsil müəssisələrinə
sənəd verən onlarla abituriyent 600 baldan yuxarı nəticə göstərərək
respublikanın aparıcı ali təhsil ocaqlarına daxil olurlar. İsmayıl Şıxlı adına
Kosalar kənd tam orta məktəbin fransız dili müəllimi Həbibə Mustafayeva, Səməd
Hacıyev adına Orta Salahlı kənd tam orta məktəbin ibtidai sinif müəllimi Gülilə
Adıgözəlova, S.Vurğun adına Qazax şəhər 2 nömrəli tam orta məktəbin ibtidai
sinif müəllimi Rəna Hadıyeva və digər çıxış edənlər ölkə Prezidenti İlham
Əliyevə, Birinci vitse-prezident Mehriban Əliyevaya və Qazax Rayon İcra
Hakimiyyətinin başçısı Rəcəb Babaşova təhsilə göstərdikləri xüsusi diqqət və
qayğıya görə minnətdarlıq ediblər. GOYEZEN.AZ
Facebook-da paylaş