Qazaxda 15 İyun – Milli Qurtuluş Gününə həsr olunmuş tədbir keçirilib YENİLƏNƏCƏK
Müstəqil
Azərbaycanın ən yeni tarixinin daha bir əlamətdar hadisəsini Müzəffər Ali Baş
Komandan İlham Əliyevin rəhbərliyi altında şanlı ordumuzun 44 günlük Vətən
müharibəsində, haqq savaşında tarixi Qələbə qazanmış qalib xalqın nümayəndələri
olaraq qeyd edirik. Bu, 15 İyun - Milli Qurtuluş Günüdür. Bu əlamətdar gün
respublikamızın hər yerində olduğu kimi, Qazaxda da silsilə tədbirlərlə qeyd olunur. Növbəti
tədbir iyunun 13-də Qazax Rayon İcra Hakimiyyətinin və Yeni
Azərbaycan Partiyası Qazax Rayon Təşkilatının
birgə təşkilatçılığı ilə keçirilib. 15 İyun - Milli
Qurtuluş Gününə həsr olunmuş tədbirdə Qazax Rayon İcra Hakimiyyətinin başçısı Rəcəb
Babaşov, icra aparatının məsul şəxsləri, Azərbaycan Respublikası Milli Məclisinin Beynəlxalq münasibətlər və
parlamentlərarası əlaqələr komitəsinin sədri Səməd Seyidov, köməkçisi Akif
Əmirov, ATƏT-in Parlament
Assambleyasında Azərbaycan nümayəndə heyətinin üzvü, Avropa İttifaqı - Azərbaycan
parlament əməkdaşlığı komitəsi həmsədrinin müavini Ülviyyə Ağayeva, rayonun hüquq-mühafizə
orqanlarının, idarə, müəssisə və təşkilat rəhbərləri, ziyalılar, məktəb direktorları, YAP Qazax Rayon Təşkilatının işçiləri, Ərazi partiya təşkilatının sədrləri və fəalları,
YAP-nın vəsiqələri təqdim olunacaq gənclər, Qazax Rayon Uşaq-Gənclər İnkişaf Mərkəzinin
dərnək üzvləri iştirak ediblər. Tədbir iştirakçıları əvvəlcə müstəqil Azərbaycan dövlətinin memarı
olan Ulu Öndər Heydər Əliyevin abidəsini ziyarət edib, abidə önünə gül dəstələri
düzərək əziz xatirəsini ehtiramla yad ediblər. Dahi rəhbərin adını daşıyan mərkəzdə
həyat və fəaliyyətindən bəhs edən filmə baxıb, ölməz şəxsiyyətə olan
ehtiramlarını bildiriblər. Sonra YAP Qazax Rayon Təşkilatının iclas zalında keçirilən tədbir Azərbaycan
Respublikasının Dövlət Himninin səsləndirilməsi ilə başlayıb. Ümummilli Lider Heydər Əliyevin və 30 illik həsrətdən sonra doğma
Qarabağımızı, Şuşamızı işğaldan azad edən, torpaqlarımızın ərazi bütövlüyü
uğrunda şirin canlarından keçən igid Vətən oğullarının, şəhidlərimizin əziz
xatirəsi bir dəqiqəlik sükutla yad edilib. YAP Qazax Rayon Təşkilatının sədri Anar Nəbiyev tədbiri giriş sözü ilə
açaraq iştirakçıları salamlayıb, tədbirin
məqsəd və əhəmiyyətindən danışıb. Qazax Rayon İcra Hakimiyyətinin başçısı Rəcəb Babaşov, Azərbaycan
Respublikası Milli Məclisinin Beynəlxalq münasibətlər və parlamentlərarası əlaqələr
komitəsinin sədri Səməd Seyidov, Vətən müharibəsi şəhidi, "Azərbaycan Bayrağı”
ordenli, gizir Səbuhi Məmmədovun anası Cəvahir Bənnayeva, Qazax RİH başçısı aparatında Vətən müharibəsi iştirakçıları və
şəhid ailələri ilə işin təşkili şöbəsinin müdiri Samir
Çobanov, "Qazax Gənclər evi” sosial xidmət müəssisəsi ərazi partiya təşkilatının
sədri Vüsal Hüseynov çıxış ediblər. Natiqlər
1993-cü ilin iyun ayında ölkəmizdə cərəyan edən hadisələrdən, dünya şöhrətli
siyasətçi, Ümummilli Lider Heydər Əliyevin böyük xilaskarlıq missyasından, möhtərəm
Prezident, Müzəffər Ali Baş Komandan İlham Əliyevin tarixi xidmətlərindən, müstəqil
Azərbaycanın mövcud reallıqlarından ətraflı danışıblar. Daha sonra Yeni Azərbaycan Partiyası sıralarına qəbul
olunmuş gənc partiya üzvlərinə təntənəli şəkildə partiyanın üzvlük vəsiqələri təqdim
olunub. Tədbirin sonunda Qazax Rayon Uşaq-Gənclər İnkişaf Mərkəzinin dərnək
üzvləri Nərgiz Səttərova,
Afiq Qasımov, Təhminə İsmayılova Ulu Öndərə və Milli Qurtuluş Gününə həsr
olunmuş şeirlər söyləyiblər.
GOYEZEN.AZ
Facebook-da paylaş