İcra başçısı vətəndaşların müxtəlif səpkili müraciətlərini dinləyib
Ölkə Prezidenti İlham Əliyevin, Birinci
vitse-prezident Mehriban Əliyevanın vətəndaşlara olan qayğıları, ölkəmizdə
yürüdülən dövlət siyasətinin əsasında vətəndaş amilinin dayanması, vətəndaş
məmnunluğunun əsas götürülməsi bu gün hər bir dövlət məmuru üçün örnək olmalıdır.
Qazaxda bu amili əldə rəhbər tutan rayon rəhbəri tərəfindən vətəndaşların fərdi
və ya ümumi şəkildə qəbul edilməsi də bu məqsədə xidmət edir. Bu həftə ərzində müraciət etmiş daha bir qrup
vətəndaşın istəyi iyunun 3-də idarə, müəssisə və xidmət sahələri rəhbərlərinin
iştirakı ilə dinlənilib. "Vətəndaş məmnunluğunu təmin etmək hər bir dövlət
məmurunun bir nömrəli işi olmalıdır”, - deyən Qazax Rayon İcra
Hakimiyyətinin başçısı Rəcəb Babaşov bu amilin bundan sonra da
əsas götürüləcəyini vurğulayıb. İcra başçısı bugünkü qəbulun da məhz bu məqsədi
daşıdığını, vətəndaşlara olan səmimi münasibətin, vətəndaşlara göstərilən
diqqət və qayğının bundan sonra da əvvəlki tək olacağını söyləyib. Bu günə
kimi, şəhər və kəndlərdə sakinlərlə keçirilən görüşlər zamanı səslənən
müraciətlərə operativ şəkildə baxılmasının, vətəndaşların yaşadığı ünvandan
asılı olmayaraq istəyinə əsasən yerində baxış keçirilməsinin, qaldırılan
məsələlərin həlli istiqamətində yerindəcə tapşırıq
verilməsinin, vətəndaşların ərizə və müraciətlərinə əsasən keçirilən
qəbulların arxasında hər zaman vətəndaş məmnunluğunun dayandığını
bildirib. "Tutduğu vəzifədən asılı olmadan hər bir dövlət
məmuru birmənalı olaraq bilməlidir ki, vətəndaş müraciət etdiyi müəssisədən
məmnunluqla ayrılmalıdır”, - deyən icra başçısı qəbulda iştirak edən idarə,
müəssisə, təşkilat, eləcə də xidmət sahələri rəhbərlərinə dövlət məmuru olaraq
vətəndaşlara, xüsusilə də şəhid ailələrinə, qazilərə, müharibə iştirakçılarına
qarşı hər zaman qayğı ilə yanaşmalı, daim diqqət ayırmalı, qaldırılan hər bir
məsələyə həssaslıqla baxmalı olduqlarını qeyd edib. Bununla bağlı aidiyyəti
üzrə müvafiq tapşırıqlarını verib. Sonra Qazax şəhəri, eləcə də rayonun Yuxarı
Əskipara, Ürkməzli, Daş Salahlı, Aşağı Salahlı, Barxudarlı, Sofulu, Çaylı, Qazaxbəyli, Orta Salahlı kəndlərindən olan 14 nəfər vətəndaşın müxtəlif
səpkili müraciətləri dinlənilib. Vətəndaşların işlə bağlı müraciətlərinə cavab
olaraq Əmək və Əhalinin Sosial Müdafiəsi Nazirliyinin
tabeliyində Dövlət Məşğulluq Agentliyinin Qazax-Tovuz Regional Məşğulluq
filialı ilə əlaqə saxlamaları bildirilib. "Saloğlu” mebel fabrikində,
eləcə də Məşğulluq Mərkəzində olan digər boş vakant yerlərə iş təklif olunması
üçün aidiyyəti üzrə tapşırıq verilib. Vətəndaşların müalicə edilməsinə, əlillik
dərəcəsinin bərpa olunmasına köməklik göstərilməsi, eləcə də
digər müxtəlif səpkili müraciətləri isə müvafiq olaraq
cavablandırılıb. Səslənən hər bir məsələyə
həssaslıqla yanaşılacağı, diqqətlə baxılacağı bildirilib.
GOYEZEN.AZ
Facebook-da paylaş