Bu gün həftə ərzində müraciət etmiş daha bir qrup vətəndaş idarə, müəssisə və xidmət sahələri rəhbərlərinin iştirakı ilə dinlənilib
Azərbaycan Respublikası Nazirlər
Kabinetinin 5 mart 2022-ci il tarixli 71 nömrəli Qərarına əsasən 6 mart
tarixindən etibarən respublikamızın hər yerində olduğu kimi, Qazaxda da vətəndaşlar fərdi
və ya ümumi şəkildə qəbul edilirlər. Bu həftə ərzində müraciət etmiş vətəndaşlar aprelin 29-da
idarə, müəssisə və xidmət sahələri rəhbərlərinin iştirakı ilə dinlənilib.
"Ölkə Prezidenti İlham Əliyevin yürütdüyü dövlət
siyasətinin əsasını vətəndaş amilinin təşkil etməsi hər bir dövlət məmuru üçün
örnəkdir”, - deyən Qazax Rayon İcra Hakimiyyətinin başçısı Rəcəb
Babaşov bu amilin bundan sonra da hər bir işdə əsas
götürüləcəyini vurğulayıb. Bugünkü qəbulun da məhz bu məqsədə xidmət etdiyini
bildirib. İcra başçısı vətəndaşlara olan səmimi münasibətin, vətəndaşlara
göstərilən diqqət və qayğının bundan sonra da əvvəlki tək olacağını söyləyib. Bu
günə kimi, şəhər və kəndlərdə sakinlərlə keçirilən görüşlər zamanı səslənən
müraciətlərə operativ şəkildə baxılmasının, vətəndaşların yaşadığı ünvandan
asılı olmayaraq istəyinə əsasən yerində baxış keçirilməsinin, qaldırılan
məsələlərin həlli istiqamətində yerindəcə tapşırıq verilməsinin, vətəndaşların ərizə və müraciətlərinə əsasən keçirilən
qəbulların arxasında hər zaman vətəndaş məmnunluğunun dayandığını söyləyib. "Vətəndaş müraciət etdiyi müəssisədən
məmnunluqla ayrılmalıdır”, - deyən icra başçısı qəbulda iştirak edən idarə,
müəssisə, təşkilat, eləcə də xidmət sahələri rəhbərlərinə dövlət məmuru olaraq
vətəndaşlara, xüsusilə də şəhid ailələrinə, qazilərə, müharibə iştirakçılarına
qarşı hər zaman qayğı ilə yanaşmalı, daim diqqət ayırmalı, qaldırılan hər bir
məsələyə həssaslıqla baxmalı olduqlarını qeyd edib. Bununla bağlı aidiyyəti
üzrə müvafiq tapşırıqlarını verib. Sonra şəhər, eləcə də rayonun Cəfərli, Xanlıqlar, Aslanbəyli, Yuxarı Əskipara,
Dəmirçilər, Çaylı, Aşağı Əskipara,
Ağköynək, Fərəhli, Quşçu Ayrım, Canalı, Kəmərli, Qaymaqlı, Yuxarı Salahlı kəndlərindən olan
26 nəfər vətəndaşın müraciətləri
dinlənilib. Vətəndaşların işlə bağlı müraciətlərinə cavab
olaraq Əmək və Əhalinin Sosial Müdafiəsi Nazirliyinin
tabeliyində Dövlət Məşğulluq Agentliyinin Qazax-Tovuz Regional Məşğulluq
filialı ilə əlaqə saxlamaları bildirilib. "Saloğlu” mebel fabrikində,
eləcə də Məşğulluq Mərkəzində olan boş vakant yerlərə iş təklif olunması üçün
aidiyyəti üzrə tapşırıq verilib. Vətəndaşların digər müxtəlif
səpkili müraciətləri isə müvafiq olaraq cavablandırılıb.
GOYEZEN.AZ
Facebook-da paylaş