Həftə ərzində müraciət etmiş vətəndaşlar idarə, müəssisə və təşkilat rəhbərlərinin iştirakı ilə dinləniliblər
Artıq 1 aydır ki, respublikamızın hər yerində
olduğu kimi, Qazaxda da Azərbaycan Respublikası Nazirlər Kabinetinin 5
mart 2022-ci il tarixli 71 nömrəli Qərarı ilə 6 mart tarixindən etibarən
vətəndaş qəbulu həyata keçirilir. Vətəndaşlar
ərizə və şifahi müraciətlərinə əsasən əvvəlki tək fərdi və ya ümumi şəkildə
qəbul edilirlər. Bu həftə ərzində müraciət etmiş vətəndaşlar aprelin 8-də
idarə, müəssisə və təşkilat rəhbərlərinin iştirakı ilə ümumi şəkildə qəbul
edilərək müraciətləri dinlənilib.
Qazax Rayon İcra Hakimiyyətinin başçısı Rəcəb Babaşov hər zaman olduğu kimi, bundan sonra da ölkə Prezidenti İlham Əliyevin yürütdüyü dövlət
siyasətinin təməlində dayanan vətəndaş amilinin əsas götürüləcəyini qeyd edib. Bugünkü
qəbulun da bu məqsədə xidmət etdiyini bildirib. İcra başçısı ilk gündən
sakinlərə olan səmimi münasibətin, vətəndaşlara göstərilən diqqət və qayğının
necə vardısa, bundan sonra da əvvəlki tək olacağını vurğulayıb. Bu günə
kimi, şəhər və kəndlərdə sakinlərlə keçirilən görüşlər zamanı səslənən
müraciətlərə operativ şəkildə baxılmasında, vətəndaşların yaşadığı ünvandan
asılı olmayaraq istəyinə əsasən yerində baxış keçirilməsində, qaldırılan
məsələlərin həlli istiqamətində yerindəcə tapşırıq verilməsində, vətəndaşların ərizə və müraciətlərinə əsasən keçirilən
qəbullarda hər zaman vətəndaş məmnunluğunun əsas götürüldüyünü bildirib. İcra
başçısı qəbulda iştirak edən idarə, müəssisə, təşkilat, eləcə də xidmət
sahələri rəhbərlərinə dövlət məmuru olaraq vətəndaşlara, xüsusilə də şəhid
ailələrinə, qazilərə, müharibə iştirakçılarına qarşı hər zaman qayğı ilə
yanaşmalı, daim diqqət ayırmalı, qaldırılan hər hansı bir məsələyə həssaslıqla
baxmalı olduqlarını bildirib. Bununla bağlı aidiyyəti üzrə müvafiq
tapşırıqlarını verib.
Sonra şəhər, eləcə də rayonun Daş Salahlı, Kosalar, Yuxarı
Əskipara, Dəmirçilər, Aşağı Salahlı, Ağköynək, Çaylı,
Kəmərli, Barxudarlı, Aslanbəyli, Cəfərli, İkinci Şıxlı kəndlərindən olan 28
nəfər vətəndaşın müraciətləri dinlənilib. Vətəndaşların işlə bağlı müraciətlərinə cavab
olaraq Əmək və Əhalinin Sosial Müdafiəsi Nazirliyinin
tabeliyində Dövlət Məşğulluq Agentliyinin Qazax-Tovuz Regional Məşğulluq
filialı ilə əlaqə saxlamaları bildirilib. "Saloğlu” mebel
fabrikində, "Azərxalça” ASC-nin Qazax filialında, eləcə də Məşğulluq
Mərkəzində olan boş vakant yerlərə iş təklif olunması üçün aidiyyəti üzrə
tapşırıq verilib. Vətəndaşların digər müxtəlif səpkili müraciətləri
isə müvafiq olaraq cavablandırılıb.
GOYEZEN.AZ
Facebook-da paylaş