Həftə ərzində müraciət etmiş vətəndaşlar idarə, müəssisə və təşkilat rəhbərlərinin iştirakı ilə qəbul ediliblər
Hər kəsə yaxşı məlumdur ki, respublikamızın
hər yerində olduğu kimi, Qazaxda da Azərbaycan Respublikası Nazirlər
Kabinetinin 5 mart 2022-ci il tarixli 71 nömrəli Qərarı ilə 6 mart
tarixindən etibarən vətəndaş qəbulu yenidən bərpa olunub. Vətəndaşlar ərizə və şifahi müraciətlərinə əsasən
fərdi və ya ümumi şəkildə qəbul edilirlər. Bu həftə ərzində müraciət etmiş vətəndaşlar aprelin
1-də idarə, müəssisə və təşkilat rəhbərlərinin iştirakı ilə ümumi şəkildə qəbul
edilərək müraciətləri dinlənilib. Ölkə Prezidenti İlham Əliyevin yürütdüyü dövlət
siyasətinin təməlində dayanan vətəndaş amilinin bundan sonra da əsas
götürüləcəyini qeyd edən Qazax Rayon İcra Hakimiyyətinin başçısı Rəcəb
Babaşov bugünkü qəbulun da məhz bu məqsədə xidmət etdiyini
bildirib. İcra başçısı rəhbər təyin olunduğu ilk gündən sakinlərə olan səmimi
münasibətin, vətəndaşlara göstərilən diqqət və qayğının necə vardısa, bundan
sonra da əvvəlki tək olacağını vurğulayıb. Bu günə kimi, şəhər və kəndlərdə
sakinlərlə keçirilən görüşlər zamanı səslənən müraciətlərə operativ şəkildə
baxılmasında, vətəndaşların yaşadığı ünvandan asılı olmayaraq istəyinə əsasən
yerində baxış keçirilməsində, qaldırılan məsələlərin həlli istiqamətində
yerindəcə tapşırıq verilməsində, vətəndaşların
ərizə və müraciətlərinə əsasən keçirilən qəbullarda hər zaman vətəndaş
məmnunluğunun əsas götürüldüyünü bildirib. İcra başçısı qəbulda iştirak edən
idarə, müəssisə, təşkilat, eləcə də xidmət sahələri rəhbərlərinə dövlət məmuru
olaraq vətəndaşlara, xüsusilə də şəhid ailələrinə, qazilərə, müharibə
iştirakçılarına qarşı hər zaman qayğı ilə yanaşmalı, daim diqqət ayırmalı,
qaldırılan hər hansı bir məsələyə həssaslıqla baxmalı olduqlarını bildirib.
Bununla bağlı aidiyyəti üzrə müvafiq tapşırıqlarını verib. Sonra şəhər, eləcə də rayonun Aşağı Əskipara, Çaylı, Kosalar, Yuxarı Salahlı, Qaymaqlı, Xanlıqlar, Ağköynək,
Alpout, Bağanıs Ayrım, Quşçu Ayrım, Daş Salahlı kəndlərindən olan 35
nəfər vətəndaşın müraciətləri dinlənilib. Vətəndaşların işlə bağlı müraciətlərinə cavab
olaraq Əmək və Əhalinin Sosial
Müdafiəsi Nazirliyinin tabeliyində Dövlət Məşğulluq Agentliyinin
Qazax-Tovuz Regional Məşğulluq filialı ilə əlaqə saxlamaları bildirilib. "Saloğlu” mebel fabrikində, "Azərxalça”
ASC-nin Qazax filialında, eləcə də Məşğulluq Mərkəzində olan boş vakant yerlərə
iş təklif olunması üçün aidiyyəti üzrə tapşırıq verilib. Vətəndaşların digər müxtəlif səpkili müraciətləri isə müvafiq olaraq cavablandırılıb.
GOYEZEN.AZ
Facebook-da paylaş