Şəhid atasından: “Qəhrəman Vətən övladlarına, şəhid ruhuna bəslənilən hörmət və ehtiramı gördükcə biz şəhid ailələri qürur hissi keçiririk”
İlqar
Kərimovdan, Hörmətli cənab Prezident, Azərbaycan daim öz qəhrəman oğulları ilə tanınmış və
onlarla fəxr etmişdir. Siz müasir, güclü Azərbaycanın qüdrətli sərkərdəsi kimi,
adınızı tarixə yazdırdınız, hər birimizin qəlbində böyük iz qoydunuz. Sizin
güclü siyasi iradəniz və sarsılmaz mövqeyiniz sayəsində rəşadətli Ordumuz bizi
30 ilə yaxın düşmən tapdağı altında qalan torpaqlarımıza qovuşdurdu. Bununla da
Siz xalqımızın həmrəyliyini, birliyini və gücünü bütün cahana göstərmiş
oldunuz. Qəhrəman Vətən övladlarına, şəhid ruhuna bəslənilən
hörmət və ehtiramı gördükcə biz şəhid ailələri qürur hissi keçiririk. Ölkəmizin
bütün bölgələrində olduğu kimi, Qazaxda da şəhid ailələrinə yüksək səviyyədə
qayğı göstərilir. Bu da Sizin şəhid ailələrinin problemlərinin həllinə
verdiyiniz böyük önəmin təcəssümüdür. Əziz Prezidentimiz, mən Qazax rayonunun İkinci Şıxlı
kəndində yaşayıram, 3 övlad atasıyam. Kiçik övladım Emil Kərimov 44 günlük
Vətən müharibəsində iştirak etmiş, 2020-ci il oktyabrın 26-da Füzuli rayonu
istiqamətində gedən döyüşlərdə şəhid olmuşdur. O gündən bu günə qədər
dövlətimiz bizim yanımızda olmuş, problemlərimiz diqqətdə saxlanılmış, onların
həllinə lazımi kömək göstərilmişdir. Bu, bizim üçün böyük dəstəkdir. Bir şəhid
atası olaraq Sizə öz dərin minnətdarlığımı bildirirəm. Qoy Ulu Tanrı Sizi daim öz pənahında saxlasın. Hörmətlə, Kərimov İlqar, şəhid atası. Azərbaycan Respublikası, Qazax rayonu, İkinci Şıxlı
kəndi. 21 fevral 2022-ci il
Facebook-da paylaş