Vətəndaş məktubundan: “Cənab Prezident, Sizin uzaqgörən daxili və xarici siyasətiniz, möhkəm iradəniz, əzminiz sayəsində 44 günlük Vətən müharibəsində möhtəşəm Zəfər qazandıq”
Xasay Balayevdən, Hörmətli
Prezident, Müzəffər Ali Baş Komandan. Sizin
uzaqgörən daxili və xarici siyasətiniz, möhkəm iradəniz, əzminiz sayəsində 44
günlük Vətən müharibəsində möhtəşəm Zəfər qazandıq, torpaqlarımız işğaldan azad
olundu, ölkəmizin ərazi bütövlüyü bərpa edildi. Bütün dünya dövlətimizin
gücünün, ordumuzun döyüş potensialının, xalqımızın birliyinin şahidi oldu. Hörmətli
Prezident, Siz Vətən müharibəsi iştirakçılarının xidmətlərini yüksək
qiymətləndirir, onlara xüsusi diqqət və qayğı ilə yanaşırsınız. Müharibənin
iştirakçılarından biri, Azərbaycan Qarabağ Müharibəsi Əlilləri, Veteranları və
Şəhid Ailələri İctimai Birliyinin üzvü Mikayıl Abbasovun müalicəsi ilə əlaqədar
Sizə etdiyimiz müraciətə operativ qaydada baxıldı və müvafiq kömək göstərildi.
İctimai Birliyin çoxsaylı üzvləri adından Sizə minnətdarlığımı bildirirəm. Uca Tanrı
Sizi və Azərbaycanımızı qorusun! Hörmətlə, Xasay
Balayev Azərbaycan
Qarabağ Müharibəsi Əlilləri, Veteranları və Şəhid Ailələri İctimai Birliyinin
Qazax rayon filialının sədri Azərbaycan
Respublikası, Qazax rayonu. 26 avqust
2021-ci il
Facebook-da paylaş